Yoná 2:10 - Tupanaarü Ore

¹⁰ Rü yexguma ga nüma ga Cori ya Tupana rü yema choxni ga taxüchixü̃ãnüwa nanaxoxégaxẽxẽ nax Yonáxü̃ ínaxoxochixü̃ca̱x márpechinügu.

Yoná 2:10 Referans Kwoze

Wiyaegü 33:9

Yerü nüma rü norü dexamaxã guxü̃ma naxü. Rü nanamu rü guxü̃ma mea inanu.

Yoná 1:17

Rü yoxni ga nüma ga Cori ya Tupana rü yéma nanamu ga wüxi ga choxni ga taxüchixü̃ nax Yonáxü̃ ínagaxü̃ca̱x. Rü nüma ga Yoná rü tomaepü̱x ga ngunexü̃ rü tomaepü̱x ga chütaxü̃ yema choxni ga taxüchixü̃ãnüwa nayexma.

Ichaía 50:2

¿Rü ta̱xacüca̱x tama texéxü̃ nua chayangau ga yexguma nua chaxũxgu? ¿Rü yexguma nua ichacagügu rü ta̱xacüca̱x taxúema choxü̃ tangãxü̃? ¿Ẽ̱xna nagu perüxĩnüe nax tama chaporaxü̃ nax togüme̱xẽwa pexü̃ chapuxü̃xü̃? ¿Ẽ̱xna nagu perüxĩnüe nax tama chaporaxü̃ nax pexü̃ íchanguxü̃xẽxẽxü̃ naxme̱xwa i perü uanü? Rü aixcüma pemaxã nüxü̃ chixu rü choma choxü̃́ nangẽxma i pora nax chanamuxü̃ i már rü natügü nax yachegüxü̃ca̱x rü ngẽmaãcü naxnücüane nax yaxĩgüxü̃ca̱x rü choxnigü rü ngearü dexáã́xü̃maxã nayuexü̃ rü yayixexü̃.

Naanearü ügüchiga 1:3

Rü yexguma ga Tupana rü ñanagürü: —¡Nangexma̱x i nangóonexü̃! —ñanagürü. Rü ningóone.

Wiyaegü 105:34

Rü Tupana naxca̱x naca ga muxũchixü̃ ga munügü. Rü taxucürüwa texé tayaxugü ga norü mu.

Wiyaegü 105:31

Rü Tupana rü nanamu ga muxũchixü̃ ga murenügü rü naxchigü. Rü guxü̃ma ga Equítuane rü namaxã nanapá.

Naanearü ügüchiga 1:14

Rü yexguma ga Tupana rü ñanagürü: —¡Nangexma̱x i nangóonexẽẽruü̃gü i daxũwa nax naanexü̃ nangóonexẽẽxü̃ca̱x, rü nax nangemaxü̃ca̱x i ngunexü̃ rü chütaxü̃, rü ngẽmaãcü nüxü̃ icuáxü̃ca̱x i wüxichigü i ngunexü̃ rü taunecü rü mucü! —ñanagürü. Rü yemaacü nixĩ.

Naanearü ügüchiga 1:11

Rü ñanagürü: —¡Naxügü i waixü̃müwa i naguxü̃raü̃xü̃ i nanetügü rü natüanegü i ãxchirexü̃ rü naigü i oṍxü̃! —ñanagürü. Rü yemaacü nango̱x.

Naanearü ügüchiga 1:9

Rü yexguma ga Tupana rü ñanagürü: —¡Ñaa dexá i waixü̃müétüwa ngẽxmaxü̃ rü wüxiwa naxũ nax ngẽmaãcü nangóxü̃ca̱x i paanexü̃! —ñanagürü. Rü yemaacü nixĩ.

Naanearü ügüchiga 1:7

Rü yemaacü Tupana nanaxüchicaane ga yexguma yaxũgachixẽẽã̱xgu ga yema cherena nüxna ga yema dexá ga ñaa naanewa yexmaxü̃. Rü daxũwa nayexma ga caixanexü̃ rü yematüü̃wa ga dexá.

Yoná 3:1

Rü wenaxarü Yonámaxã nidexa ga Cori ya Tupana rü ñanagürü nüxü̃:

Wiyaegü 22:26

Rü pema i ngearü diẽruã̱xgüxex ¡nua pexĩ rü meama pechibüe rü ñu̱xmata mea pexü̃́ yangu! Rü pema i Tupanaca̱x daugüxe ¡rü nüxü̃ picua̱xüü̃gü rü guxü̃gutáma petaãẽgü!

Ichaía 38:20

Rü nüma ya Cori ya Tupana rü nanuxma rü cha̱u̱xca̱x nayataanexẽxẽ. Rü ngẽmaca̱x i ñu̱xma nax imaxẽxü̃gu, rü ngĩxã guxü̃ i ngunexü̃gu Cori ya Tupanapata ya taxü̃newa taxĩ nax ngéma tórü árpamaxã rü wiyaegümaxã nüxü̃ icua̱xüü̃güxü̃ca̱x —ñanagürü ga Echequía.

Ichaía 43:11

Rü chaxicatama nixĩ ya Tupana chixĩxü̃, rü chaxicatama nixĩ i pexü̃ íchapoxü̃xü̃ —ñanagürü.

Ochéa 13:4

Rü Tupana rü ñanagürü: —Pa Iraétanüxü̃x, yexguma Equítuanewa peyexmagügucürüwa rü chomatama nixĩ i perü Tupana chixĩxü̃. Rü tama chanaxwa̱xe nax ta̱xacürü tomaxã petupanaã́xü̃, erü chaxicatama nixĩ i perü Tupana rü nataxuma i to i perü poxü̃ruxü̃ ixĩxü̃.

Ochéa 14:3

Rü marü nüxü̃ tacua̱x rü ngẽma Achíriaanecüã̱xgü rü tama aixcüma toxü̃ ínapoxü̃. Rü woo chi cowarumaxã tibuxmügu rü taxũchima tamaxẽ. Rü ngẽmaca̱x i ñu̱xma rü marü taxũtáma namaxã tatupanaã̱x i ta̱xacürü naxchicüna̱xã i tomatama taxüxü̃. Erü toma nax tangearü yoraáxü̃ rü cuxicatama nixĩ i aixcüma cuxü̃́ tangechaü̃tümüxü̃güxü̃ —ñaperügügü tá.