Yoná 1:9 - Tupanaarü Ore

⁹ Rü nüma ga Yoná rü nanangãxü̃ rü ñanagürü: —Choma rü Iraétanüxü̃ chixĩ. Rü Cori ya Tupana i daxũguxü̃ i naanearü üruxü̃ rü már arü üruxü̃ rü ñoma i naanearü üruü̃axü̃́ nixĩ i chayaxõxü̃ rü nüxü̃ chicua̱xüxü̃ —ñanagürü.

Yoná 1:9 Referans Kwoze

Neemía 9:6

Rü ñu̱xũchi ga nüma ga Édra rü nayumüxẽ rü ñanagürü: —Pa Tupanax, cuma nixĩ i Cori quixĩxü̃ rü nataxuma i to. Rü cuma nixĩ ga cunaxüxü̃ ga daxũguxü̃ i naane, rü ngẽma daxũguxü̃ i naaneétüwa ngẽxmaxü̃ rü guxü̃ma i ẽxtagü. Rü cuma nixĩ ga cunaxüxü̃ ga ñoma i naane, rü taxtügü, rü guxü̃ma i ta̱xacü i nawa ngẽxmaxü̃. Rü cuma nixĩ i maxü̃ nüxna cuxãxü̃ i guxü̃ma i ngẽma maxẽxü̃. Rü ngẽmaca̱x nixĩ i cuxü̃ yacua̱xüü̃güxü̃ ya ẽxtagü ya dauxü̃wa ngẽxmagüxü̃.

Wiyaegü 136:26

¡Rü moxẽ nüxna pexãgü ya yimá Tupana ya dauxü̃wa ngẽxmacü! Erü ngẽma norü ngechaü̃ rü taguma inayagu̱x.

Neemía 1:4

Rü yexguma yemaxü̃ chaxĩnügu rü poraãcü choxü̃́ nangu̱x rü chaxaxu. Rü ñuxre ga ngunexü̃ rü chaxaure rü Cori ya Tupanamaxã chidexa.

Édra 1:2

—Choma i Chíru i Pérchiaanearü ãẽ̱xgacü rü chanaxunagü i ñaa mu i ñaxü̃: “Nüma ya daxũcüã̱x ya Cori ya Tupana rü marü cho̱xme̱xwa nanangexmagüxẽxẽ i guxü̃ma i nachixü̃anegü i ñoma i naanewa ngẽxmagüxü̃. Rü nüma ya Cori ya Tupana choxü̃ namu nax naxca̱x chanaxüxü̃ca̱x ya wüxi ya napata ya taxü̃ne nawa ya yima ĩane ya Yerucharéü̃ i Yudáanewa ngẽxmane.

Norü taxre ga popera ga ãẽ̱xgacügüchiga 17:28

Rü yemaacü ga wüxi ga chacherdóte ga Chamáriaanewa ínagaxüchigüxü̃ rü wenaxarü Chamáriaaneca̱x nataegu, rü Betégu nayaxãchiü̃. Rü yema nixĩ ga nangúexẽẽxü̃ nax ñuxãcü Cori ya Tupanaxü̃ nax yacua̱xüü̃güxü̃.

Norü taxre ga popera ga ãẽ̱xgacügüchiga 17:25

Natürü yema duü̃xü̃gü ga Achíriaanearü ãẽ̱xgacü yéma mugüxü̃ rü tama Cori ya Tupanaxü̃ nicua̱xüü̃gü. Rü yemaca̱x yexguma yexwacax Chamáriaarü ĩpatagügu nügü yanuxgu, rü Tupana rü yéma nanamugü ga leóü̃gü nax nadaiaxü̃ca̱x ga ñuxre ga yema duü̃xü̃gü.

Naanearü ügüchiga 14:13

Natürü nayexma ga wüxi ga yatü ga iñaxü̃ rü Abráü̃ ga Ebréutanüxü̃ ixĩcümaxã nüxü̃ nayarüxu ga yema ngupetüxü̃. Rü nüma ga Abráü̃ rü Mamrééga Amoréutanüxü̃ ixĩcüarü castañanecügu naxãchiü̃ ga yexguma. Rü nüma ga Mamré rü Ecúxenexẽ rü Anéxenexẽ nixĩ. Rü nümagü rü Abráü̃étüwa naxügü.

Yema Cuáü̃ nüxü̃ dauxü̃ i yixcüra tá ngupetüxü̃chiga 16:11

Natürü woo yemaacü nüxü̃ nax nangupetüxü̃ ga duü̃xü̃gü, rü tama nüxü̃ narüxoechaü̃ ga yema chixexü̃ ga naxügüxü̃. Rü yema nax poraãcü nüxü̃́ nangúxü̃ ga norü taixnagü, rü naguxchigagüama namaxã ga Tupana ya daxũgucü.

Yema Cuáü̃ nüxü̃ dauxü̃ i yixcüra tá ngupetüxü̃chiga 15:4

¿Rü texé taxũtáma cuxü̃ tamuü̃, Pa Corix? ¿Rü texé taxũtáma cuxü̃ ticua̱xüxü̃? Erü cuma rü cuxicatama nixĩ i üünecü quixĩxü̃. Rü guxü̃ma i nachixü̃anecüã̱x rü tá cuxü̃tawa naxĩ, rü tá cuxü̃ nicua̱xüü̃gü, erü nüxü̃ nadaugü nax aixcüma namexü̃ i guxü̃ma i ngẽma nagu curüxĩnüxü̃ rü cuxüxü̃, rü aixcüma tá cunapoxcuexü̃ i ngẽma chixexü̃ ügüxü̃”, ñanagürü ga yema wiyae.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:13

Rü yexgumatama poraãcü naxĩã̱xãchiane. Rü wüxi ga yema norü 10 arü üye ga guma ĩane, rü niwa̱xgü. Rü 7,000 ga duü̃xü̃gü nayue namaxã ga yema ĩã̱xãchiane. Rü yema togü ga duü̃xü̃gü ga maxẽxü̃ rü poraãcüxüchi namuü̃e. Rü Tupana ya daxũguxü̃ i naanewa ngẽxmacüxü̃ nicua̱xüü̃gü.

Filipenses 3:5

Yerü yexguma 8 ga ngunexü̃ choxü̃́ yexmagu nax chabuxü̃, rü choxü̃ ínawíecha̱xmüü̃pe̱xechiraü̃gu, erü Iraétanüxü̃ i Bẽyamíü̃tanüxü̃ chixĩ. Rü chaunatü rü chaué rü Iraétanüxü̃ tixĩgü, rü ngẽmaca̱x i choma rü Iraétanüxü̃xü̃chi chixĩ. Rü Parichéuchire̱x chixĩ rü meama chanaxaure ga yema Iraétanüxü̃güarü mugü.

Ngechuchuarü ngúexü̃gü ga yamugüxü̃arü puracüchiga 27:23

Erü ngewa̱xarü chütaxü̃gu ya Tupana ya nüxü̃́ chapuracücü ya chorü Cori ixĩcü rü núma nanamu i wüxi i norü orearü uruxü̃ i daxũcüã̱x i cha̱u̱xca̱x ngóxü̃.

Ngechuchuarü ngúexü̃gü ga yamugüxü̃arü puracüchiga 14:15

—Pa Yatügüx, ¿tü̱xcüü̃ toxca̱x penaxü i ngẽma? Toma rü pexrüxü̃ duü̃xü̃gümare tixĩgü. Rü nua taxĩ nax pemaxã nüxü̃ tayarüxuxü̃ca̱x nax nüxü̃ perüxoexü̃ca̱x i ngẽma pecüma i taxuwama mexü̃ rü nüxü̃́ peyaxõgüxü̃ca̱x ya Tupana ya Maxü̃cü ga naxücü i daxũguxü̃ i naane, rü ñoma i naane, rü ngẽma már rü guxü̃ma i nawa ngẽxmaxü̃.

Ochéa 3:5

Natürü ngẽmawena i nüma i Iraéanecüã̱xgü rü nachixü̃aneca̱x tá nawoegu rü tá Cori ya Tupanaga naxĩnüe. Rü tá Dabítaaca̱x nadaugü nax norü ãẽ̱xgacü yixĩxü̃ca̱x. Rü ngẽma ngunexü̃gü i nawa iyacua̱xgüxü̃gu rü Cori ya Tupanaca̱x tá naxĩ, rü nüxü̃ tá nicua̱xüü̃gü naxca̱x i guxü̃ma i norü ngü̃xẽẽgü ya Tupana tá nüxna ãxü̃.

Danié 2:44

Rü ngẽma ãẽ̱xgacügü rü ñoma i naanemaxã icua̱xgüguyane rü nüma ya Tupana ya daxũwa ngẽxmacü rü tá nayamucuchi i wüxi i ãẽ̱xgacü i tagutáma texé iyanaxoxẽẽcü rü tagutáma to i nachixü̃ane nüxü̃ rüyexeracü. Rü nüma rü tá inayanaxoxẽxẽ i guxü̃táma i ngẽma togü i ãẽ̱xgacügüarü ĩnü rü ngẽmaãcü i nüma rü guxü̃gutáma ãẽ̱xgacü nixĩ.

Yox 1:9

Natürü nüma ga Chataná rü Corixü̃ nangãxü̃ rü ñanagürü: —Tama natüca̱xmamare cuga naxĩnü.

Neemía 2:4

Rü nüma ga ãẽ̱xgacü rü choxna naca rü ñanagürü: —¿Ta̱xacüwa i cuxü̃ charüngü̃xẽxẽxü̃? —ñanagürü. Rü yexguma ga choma rü Tupaname̱xẽgu chaugü chaxǘ.

Édra 5:11

Rü nüma rü toxü̃ nangãxü̃gü rü ñanagürügü: “Toma rü yimá Tupana ya daxũguxü̃ i naanearü üruxü̃ rü ñoma i naanearü üruü̃arü duü̃xü̃gü tixĩgü. Rü ítanamexẽxẽ ya daa napata ya taxü̃ne ga nũxcümaxü̃chima ga torü o̱xigüarü ãẽ̱xgacü ga Charomóü̃ üxü̃ne”, ñanagürügü.

Ínachoxü̃xü̃chiga 1:15

Rü nüma ga Equítuanecüã̱xarü ãẽ̱xgacü rü ngĩmaxã nidexa ga Chifá rü Fuá ga Iraétanüxü̃arü buexacüxẽẽruxü̃. Rü ñanagürü ngĩxü̃: —Ngẽxguma penaxíraxacüxẽẽ̱xgu i ngẽma Iraétanüxü̃arü ngexü̃, rü ega nayatüxacügu rü tá peyama̱x i ngẽma naxacü, natürü ega nangexgu rü taxũtáma peyama̱x —ñanagürü.

Ínachoxü̃xü̃chiga 2:13

Rü moxü̃ãcü rü wenaxarü ínaxũxũ, rü natanüxü̃wa ínayadau. Rü nüxü̃ nadau ga taxre ga Iraétanüxü̃ ga nügü ida̱i̱xü̃. Rü yexguma ga Moiché rü yema namücüxü̃ imáxü̃na naca, rü ñanagürü: —¿Tü̱xcüü̃ cuyama̱x i ngẽma cutanüxü̃tama ixĩxü̃? —ñanagürü.

Naanearü ügüchiga 1:10

Rü yema paanexü̃ rü waixü̃mügu nanaxüéga ga Tupana. Rü yema dexá ga wüxiwa ũxü̃ rü mármaxã nanaxu. Rü Tupana nüxü̃ nadau ga nax namexü̃ ga guxü̃ma ga yema.

Naanearü ügüchiga 24:7

Erü yimá Cori ya Tupana ya daxũguxü̃ i naanearü yora ga chaunatüchiü̃wa rü chautanüxü̃arü naanewa choxü̃ ímuxũchicü, rü chomaxã inaxuneta nax chautaagüna naxããxü̃ca̱x i ñaa naane i nawa changexmaxü̃. Rü ngẽxgumarüxü̃ ta rü nümatama ya Cori rü cupe̱xegu tá nayamu i norü orearü ngeruxü̃ i daxũcüã̱x nax wüxi i pacü ngéma ngĩxü̃ cuyagaxü̃ca̱x i naxma̱xü̃ ya chaune.