Yoná 1:8 - Tupanaarü Ore

⁸ Rü nümagü rü nüxna nacagüe rü ñanagürügü nüxü̃: —¡Tomaxã nüxü̃ ixu rü ta̱xacüca̱x nixĩ i taxca̱x ínanguxü̃ i ñaa guxchaxü̃! ¿Rü ta̱xacü nixĩ i curü puracü i naxca̱x nua cuxũxü̃? ¿Rü nge̱xtácüã̱x quixĩ? ¿Rü ta̱xacü nixĩ i cuchixü̃ane? ¿Rü ta̱xacürü duü̃xü̃ quixĩ? —ñanagürügü.

Yoná 1:8 Referans Kwoze

Naanearü ügüchiga 47:3

Rü nüma ga Faraóü̃ rü Yúchexenexẽgüna naca rü ñanagürü: —¿Ta̱xacü nixĩ i perü puracü i pemax? —ñanagürü. Rü nüma ga Yúcheenexẽgü rü nanangãxü̃gü rü ñanagürügü: —Pa Ãẽ̱xgacüx, toma i curü puracütanüxü̃ nax tixĩgüxü̃, rü carnérugüarü dauruü̃gü tixĩgü torü o̱xigürüü̃tama.

1 Chamué 30:13

Rü yexguma nüma ga Dabí rü nüxna naca rü ñanagürü nüxü̃: —¿Texé nixĩ ya curü cori? ¿Rü ngextá ne cuxũ? —ñanagürü. Rü yexguma nüma ga gumá Equítuanecüã̱x rü Dabíxü̃ nangãxü̃ rü ñanagürü: —Choma rü Equítuanecüã̱x chixĩ rü ngẽma chorü cori rü wüxi i Amaréxtanüxü̃ nixĩ. Rü tomaepü̱x i ngunexü̃ nixĩ nax chorü cori nua choxü̃ táxü̃ yerü chida̱xawe.

Yochué 7:19

Rü yexguma ga Yochué rü Acáü̃xü̃ ñanagürü: —Pa Chaunex, name nixĩ i cunataxẽxẽ rü nüxü̃ quicua̱xüxü̃ ya Cori ya Iraétanüxü̃arü Tupana. ¡Rü chomaxã nüxü̃ ixu i ta̱xacü nax cuxüxü̃! ¡Rü taxṹ icuyacúxü̃! —ñanagürü.

Popera ga Chantiágu ümatüxü̃ 5:16

Rü ngẽmaca̱x name nixĩ i pegümaxã nüxü̃ pixu i perü pecadugü rü pegüca̱x peyumüxẽgü nax pexca̱x yataanegüxü̃ca̱x. Rü yimá mecü ya yatüarü yumüxẽ rü aixcüma napora rü taxü̃ i mexü̃ nawa ínanguxuchi.

1 Chamué 14:43

Rü yemaca̱x ga Chaú rü Yonatáü̃xü̃ ñanagürü: —¡Chomaxã nüxü̃ ixu i ngẽma cuxüxü̃! —ñanagürü. Rü nüma ga Yonatáü̃ rü ñanagürü: —Aixcüma nüxü̃ chaweneta ga íxrane ga berure namaxã ga gumá chorü naixmena̱xã ga ichingexü̃ne, natürü daxe chixĩ, rü íchamemare nax chayuxü̃ —ñanagürü.