Yoná 1:5 - Tupanaarü Ore

⁵ Rü yema norü duü̃xü̃gü ga guma wapuru rü poraãcü namuü̃e, rü yemaca̱x wüxichigü norü tupanaarü ngü̃xẽẽca̱x ínaca. Rü yema nax iyangüãchixü̃ca̱x ga guma wapuru rü ínanawoxü̃ ga guxü̃ma ga yema naãcu. Natürü nüma ga Yoná rü guma wapuruarü aixepegu naxücu rü yéma nayape.

Yoná 1:5 Referans Kwoze

Nüxíraxü̃xü̃ ga popera ga ãẽ̱xgacügüchiga 18:26

Rü yemaacü ga nümagü rü nayayauxgü ga yema wocaxacü ga nüxna namugüxü̃. Rü nanamexẽẽgü rü pa̱xmamacürüwa inanaxügüe ga norü tupana ga Baána nax nacagüexü̃ rü ñu̱xmata tocuchiwa nangu. Rü ñanagürügü: —¡Toxü̃ nangãxü̃ga Pa Baáx! —ñanagürügü. Rü yema ãmarearü guruxü̃ ga naxügüxü̃xü̃ íniyuxeguãchitanücüü, natürü nataxuma ga ta̱xacü ga nangãxü̃güxü̃.

Yeremía 2:28

Pa Yudátanüxü̃x, ¿ngexü̃gü nixĩ i ngẽma tupananetachicüna̱xãgü ga pematama pexügüxü̃? Pema rü perü ĩanegüe̱xpü̱x nixĩ i ngẽma perü tupananetachicüna̱xãgü. ¡Ẽcü nua naxĩ i ngẽma naxchicüna̱xãgü nax nüxü̃ pedauxü̃ca̱x rü tá aixcüma pexü̃ yanangü̃xẽẽgü i ngẽxguma guxchaxü̃ pexca̱x ínguxgu!

Ichaía 45:20

Rü nüma ya Tupana rü ñanagürü ta: —Guxü̃ma i pema i togü i nachixü̃anewa íyaxügüxe rü name nixĩ nax pexĩtaque̱xexü̃ rü nua pexĩxü̃. Rü pema i naxchicüna̱xãgü i nainaxca̱x pingegüxü̃ rü nüxü̃ picua̱xüü̃güxü̃ rü tama peãẽxü̃ pecua̱x, erü ngẽma naxchicüna̱xãgü rü taxũtáma pexü̃ ínapoxü̃.

1 Chamué 24:3

Rü yexguma yexma naxĩxgu ga Chaú, rü yexma nüxü̃ nangau ga ñuxre ga carnérutücumügü norü ngaicamagu ga wüxi ga ma̱xpǘnearü ãxmaxü̃ ga nagu yacúxü̃ ga Dabí norü churaragümaxã. Rü nüma ga Chaú rü yema ãxmaxü̃gu nangaxi nax yexma íyawo̱xéxü̃ca̱x.

Ãẽ̱xgacügü ga guxchaxü̃güarü mexẽxẽruü̃gü 16:19

Rü yexguma ga Daríra rü Chanchóü̃xü̃ ngĩgüperemawa inapexẽxẽ. Rü wüxi ga yatüca̱x ica nax yayoõxü̃ca̱x ga yema 7 cüta ga nayae. Rü ñu̱xmachi ga ngĩma rü inaxügü ga nax nacua̱i̱xãxü̃.

Ngechuchuarü ngúexü̃gü ga yamugüxü̃arü puracüchiga 27:38

Rü yexguma marü nangãxegu, rü ínanawoü̃ ga yema trigu ga wapuru namaxã ããcuxü̃ nax nangünagüxü̃ca̱x ga gumá wapuru.

Ore i mexü̃ ga Matéu ümatüxü̃ 26:45

Rü yemawena rü norü ngúexü̃gü íyexmagüxü̃wa naxũ. Rü ñanagürü nüxü̃: —¿Ñu̱xma rü ta pepee rü iperüngüe? Marü nawa nangu i ora nax norü uanügü yayauxgüxü̃ ya Tupana Nane ya duü̃xü̃xü̃ ixĩcü, rü tá pecaduã̱xgüxü̃na nanamugü.

Ore i mexü̃ ga Matéu ümatüxü̃ 26:43

Rü yexguma wenaxarü norü ngúexü̃gü íyexmagüxü̃wa naxũxgu, rü nüxü̃ inayangau nax ínapeexü̃, yerü poraãcü nayaxtaexüchi.

Ore i mexü̃ ga Matéu ümatüxü̃ 25:5

Natürü ga gumá yatü ga ingĩxchaü̃cü rü tama paxa ínangu. Rü düxwa ga yema pacügü rü ipee yerü iyaxtae.

Yoná 1:16

Rü yexguma yemaxü̃ nadaugügu ga yema wapuruarü duü̃xü̃gü rü poraãcü Cori ya Tupanaxü̃ nicua̱xüü̃gü rü naxca̱x nayama̱xgü ga wüxi ga naxü̃na rü nayagugü. Rü Tupanamaxã inaxunetagü nax naga tá naxĩnüexü̃.

Yoná 1:14

Rü yexguma ga nümagü rü Cori ya Tupanana nacagüe rü ñanagürügü: —Pa Cori Pa Tupanax ¡Taxṹ i nuxã toxü̃ cuyuexẽxẽxü̃ nagagu i ñaa yatü! Rü ngẽxguma chi taxuxü̃ma i chixexü̃ naxü̱xgux rü ¡taxṹ i cuyatoguãchixẽxẽxü̃ nax nayuxü̃! Erü cumax, Pa Corix, Pa Tupanax, rü cunaxü i ta̱xacü i cuma cunaxwa̱xexü̃ãcüma —ñanagürügü.

Yoná 1:6

Rü nüma ga wapuruarü capitáü̃ rü yéma Yoná ípexü̃wa naxũ rü ñanagürü nüxü̃: —¿Ta̱xacü ngéma cuxü Pa Pexwa̱xexü̃x? ¡Írüda rü curü Tupanana naca! Rü bexmana nüxü̃́ ingechaü̃tümüxü̃gü nax tama iyuexü̃ca̱x —ñanagürü.

Ochéa 7:14

Rü ngẽxguma yada̱xaweegu rü ngúxü̃ yangegügu, rü norü pechicaxü̃güwa ngü̃xẽẽca̱x choxna nacagüe, natürü tama aixcüma norü ngúchaü̃maxã choxna nacagüe. Rü nügü nayapiexẽxẽ nax ngẽmaãcü tríguca̱x rü bínuca̱x ínacagüxü̃ca̱x. Natürü tama aixcüma chauga naxĩnüe.

Yox 2:4

Natürü ga nüma ga Chataná rü Cori ya Tupanaxü̃ nangãxü̃ga rü ñanagürü: —Ngẽxguma taxúema ya texé tümaxü̃nexü̃chimaxã chixexü̃ üxgu ya wüxíe, rü taxuca̱xma tanaxĩ̱xãchiãxẽ. Rü tügü nax tamaxẽẽxü̃ca̱x rü ítamemare nax itanaxãxü̃ i guxü̃ma i ta̱xacü i tüxü̃́ ngẽxmaxü̃.

Wiyaegü 107:25

Rü nüma ga Cori ya Tupana rü nanamu nax inaxüxü̃ca̱x ga buanecü rü yexguma rü tacü ga yuape inaxǘ.

Wiyaegü 148:8

Rü name nixĩ i nüxü̃ picua̱xüü̃gü, Pa Ãẽmacü, rü Gáuxü̃ i Ãpü̱xüxü̃, rü Gáuxü̃ i Ãte̱xexü̃, rü Cherena, rü Tacü ya Buanecü ya Tupanaarü Ngúchaü̃ Ücüx.

Ngu̱xẽẽtaeruü̃arü ore 3:6

Rü nangẽxma i ngunexü̃ i nagu ta̱xacüca̱x idauxü̃, rü ngunexü̃ i nagu írüchaxãchixü̃ nax ta̱xacüca̱x idauxü̃. Rü nangẽxma i ngunexü̃ i nagu namaxã inguxü̃xü̃ i ngẽmaxü̃gü, rü ngunexü̃ i nagu ínawogüxü̃.