Yoná 1:16 - Tupanaarü Ore

¹⁶ Rü yexguma yemaxü̃ nadaugügu ga yema wapuruarü duü̃xü̃gü rü poraãcü Cori ya Tupanaxü̃ nicua̱xüü̃gü rü naxca̱x nayama̱xgü ga wüxi ga naxü̃na rü nayagugü. Rü Tupanamaxã inaxunetagü nax naga tá naxĩnüexü̃.

Yoná 1:16 Referans Kwoze

Wiyaegü 107:22

Rü name nixĩ i nüxü̃ picua̱xüü̃güãcüma moxẽ nüxna pexãgü rü taãẽãcü nüxü̃ pixugüchiga i ngẽma mexü̃gü i naxüxü̃.

Wiyaegü 50:14

Rü choma ya Tupana ya Guxü̃étüwa Ngẽxmaxe rü ngẽma ãmare i chanaxwa̱xexü̃ nixĩ nax moxẽ choxna pexãxü̃ rü aixcüma peyanguxẽẽxü̃ i ngẽma perü unetagü.

Naanearü ügüchiga 8:20

Rü yemawena ga Noé rü Tupanaca̱x nanaxü ga wüxi ga ãmarearü guruxü̃. Rü nayayaxu ga ñuxre ga yema naxü̃nagü rü naeü̃gü ga ixãxpe̱xatüxü̃ ga mexü̃ nax namaxã Tupanaxü̃ yacua̱xüxüxü̃ca̱x. Rü Cori ya Tupanaca̱x nanadai rü yema ãmarearü guruü̃wa ínanagu.

Ngechuchuarü ngúexü̃gü ga yamugüxü̃arü puracüchiga 5:11

Rü yexguma nüxü̃ nacua̱xgügu ga yema ngupetüxü̃, rü guxü̃ma ga yema yaxõgüxü̃ rü yema togü ga duü̃xü̃gü rü ta poraãcüxüchima namuü̃e.

Ore i mexü̃ ga Márcu ümatüxü̃ 4:31

Rü ñoma wüxi ya motachachire ya waixü̃mügu itoxü̃nerüxü̃ nixĩ. Rü woo guxü̃nema ya nanetüchirexü̃ narüxíramae, natürü ngẽxguma inatoxgu, rü narüxü rü naya ñu̱xmata guxü̃ma i togü i nanetüxü̃ i íxraxü̃xü̃ narüyexera. Rü nachacüxü rü nita, rü woo werigü rü natanügu nixüachiãü̃ —ñanagürü.

Yoná 1:10

Rü ñu̱xũchi nüma ga Yoná rü meama guma wapuruarü duü̃xü̃gümaxã nüxü̃ nixu nax Cori ya Tupanacha̱xwa nax yaxũxü̃. Rü yexguma yemaxü̃ naxĩnüegu ga nümagü, rü nüxü̃ nadaugü ga yema már ga nax yexeraãcü nayuapexü̃, rü poraãcü namuü̃e. Rü nüxna nacagüe rü ñanagürügü:

Danié 6:26

Rü pemaxã nüxü̃ chixu rü pexü̃ chamu rü guxü̃ma i ñaa naane i chomax namaxã ichacuáxü̃wa rü chanaxwa̱xe i nüxü̃ pengechaü̃ rü nüxü̃ picua̱xüü̃gü ya yimá Daniéarü Tupana. Erü yimá Tupana rü maxü̃cü nixĩ, rü guxü̃guma nangẽxmaecha. Rü ngẽma nüma nax ãẽ̱xgacü yixĩxü̃ rü taguma inarüxo, rü ngẽma norü pora rü taguma inayagu̱x.

Ichaía 26:9

Chütacü rü guxü̃ma i chorü ngúchaü̃maxã cugu charüxĩnü. Rü aixcüma chorü maxü̃nemaxã cuxca̱x chadau. Rü ngẽxguma cuma ñoma i naanewa cuxũxgu nax nüxna cucaxü̃ca̱x i duü̃xü̃gü naxca̱x i norü maxü̃, rü ngẽxguma tá nixĩ i aixcüma nüxü̃ nacua̱xgüxü̃ i ta̱xacü nixĩ i ngẽma cupe̱xewa mexü̃.

Ngu̱xẽẽtaeruü̃arü ore 5:4

Rü ngẽxguma Tupanamaxã wüxi i uneta cuxü̱xgu, rü name i paxãma cuyanguxẽxẽ i ngẽma curü uneta. Erü nüma ya Tupana rü tama norü me nixĩ i ngẽma duü̃xü̃gü i naechitamare ixunetagüxü̃. Rü name i aixcüma cuyanguxẽxẽ i ngẽma curü uneta.

Wiyaegü 116:14

Rü guxü̃ma i norü duü̃xü̃güpe̱xewa tá nüxü̃ chicua̱xüxü̃ yema namaxã nüxü̃ chixuxü̃rüxü̃.

Norü taxre ga popera ga ãẽ̱xgacügüchiga 5:17

Rü yexguma ga nüma ga Naamáü̃ rü ñanagürü: —Ẽcü, ngẽxguma ngẽmaãcü yixĩxgu ¡rü nua choxü̃ yangexẽxẽ i taxre i cowaruwetaãcu naguxü̃ i waixü̃mü! Erü ñu̱xmaü̃cüü rü marü taxũtáma togümare i tupanaca̱x chayama̱x rü chayagu i naxü̃nagü, rü Cori ya Tupanaca̱xicatama tá nixĩ ichanaxüxü̃ i ngẽma.

Ãẽ̱xgacügü ga guxchaxü̃güarü mexẽxẽruü̃gü 13:16

Natürü yema Tupanaarü orearü ngeruxü̃ i daxũcüã̱x rü nanangãxü̃ rü ñanagürü: —Woo chi nuxã charüxã̱ũ̱xgu rü taxucürüwa chi chanangõ̱x i ngẽma õna i pexüxü̃. Ega penaxwa̱xegu rü Cori ya Tupanana penaxuaxü̃ norü ãmareruxü̃ —ñanagürü.

Naanearü ügüchiga 28:20

Rü yema nachicawa rü Acóbu inaxuneta rü ñanagürü: —Ngẽxguma Tupana choxü̃ íixümücügu, rü choxna nada̱u̱xgu i chorü namawa, rü choxna naxãã̱xgu i chorü õna rü chauxchiru, rü wena mea chaunatüca̱x choxü̃ natáeguxẽẽgu, rü aixcümaxü̃chi chorü Cori ya Tupana tá nixĩ.

Yoná 1:14

Rü yexguma ga nümagü rü Cori ya Tupanana nacagüe rü ñanagürügü: —Pa Cori Pa Tupanax ¡Taxṹ i nuxã toxü̃ cuyuexẽxẽxü̃ nagagu i ñaa yatü! Rü ngẽxguma chi taxuxü̃ma i chixexü̃ naxü̱xgux rü ¡taxṹ i cuyatoguãchixẽxẽxü̃ nax nayuxü̃! Erü cumax, Pa Corix, Pa Tupanax, rü cunaxü i ta̱xacü i cuma cunaxwa̱xexü̃ãcüma —ñanagürügü.

Yox 37:24

Rü ngẽmaca̱x guxü̃ma i duü̃xü̃gü nüxü̃ namuü̃e. Rü Tupanape̱xewa rü woo ngẽma duü̃xü̃gü i nüxü̃ icua̱xüchixü̃ rü taxuxü̃ma nixĩgü —ñanagürü ga Eriú.

Yeremía 5:22

Rü choma ya Cori ya Tupana rü pexna chaca rü ñachagürü: ‘¿Tama ẽ̱xna choxü̃ pemuü̃e? ¿Tama ẽ̱xna chope̱xewa pidu̱xrue?’ Choma rü chanango̱xẽxẽ ya naxnecü nax márxü̃ yatoxyepe̱xexü̃ca̱x. Rü ngẽma toxyepe̱xewa rü taxucürüwama naxüpetü i már. Rü woo poraãcü nayuapegu rü natagagu rü taxucürüwama naxüpetü nawa i ngẽma toxyepe̱xe.