Yoná 1:12 - Tupanaarü Ore

¹² Rü nüma ga Yoná rü nanangãxü̃ rü ñanagürü: —¡Ẽcü choxü̃ ípetáe nachiü̃wa i ñaa már! Rü ngẽxguma rü tá ínayachaxãchi ya yuape. Rü choma rü nüxü̃ chacua̱x nax chaugagu yixĩxü̃ ya daa buanecü ya tacü i nuxã pexü̃ naxüxü̃ —ñanagürü.

Yoná 1:12 Referans Kwoze

2 Chamué 24:17

Rü yexguma Dabí nüxü̃ da̱u̱xgu ga yema Tupanaarü orearü ngeruxü̃ ga daxũcüã̱x ga duü̃xü̃güxü̃ daixü̃, rü nüma ga Dabí rü Cori ya Tupanaxü̃ ñanagürü: —Choma nixĩ ga chixexü̃ chaxüxü̃. Chaugagu nixĩ i ngẽma ngupetüxü̃ ¿Natürü tü̱xcüü̃ cunapoxcu i ñaa duü̃xü̃gü i taxuxü̃ma i chixexü̃ ügüxü̃? Choma rü cuxna naxca̱x chaca nax choxü̃ rü chauxacügüxü̃ cupoxcuxü̃ca̱x —ñanagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 21:17

Rü nüma ga Dabí rü Tupanaxü̃ naca̱a̱xü̃ rü ñanagürü: —Choma nixĩ ga chanamuxü̃ ga nax yaxugüxü̃ ga duü̃xü̃gü. Rü choma nixĩ i chixexü̃ chaxüxü̃ rü chanaxüxü̃ i pecadu. ¿Rü ta̱xacürü chixexü̃ naxüe i ñaa duü̃xü̃gü rü ngẽmaca̱x cunadai? Pa Corix, Pa Chorü Tupanax, cuxna chaca nax choxü̃ rü chauxacügüxü̃waxi nax cupoxcuxü̃, rü marütama nax cunada̱i̱xü̃ i duü̃xü̃gü —ñanagürü.

Yochué 7:12

Rü ngẽmaca̱x i pemax i Iraétanüxü̃ rü taxucürüwama nüxü̃ perüporamae i perü uanügü. Rü naxcha̱xwa tá pibuxmü rü pegagutama nixĩ i namexü̃ i noxtacüma peyuexü̃. Rü ngẽxguma i pema i ñu̱xma rü tama paxa ípenaguxgu i ngẽma pexna chachu̱xuxü̃, rü marü taxũtáma petanüwa changexma.

Ngechuchuarü ngúexü̃gü ga yamugüxü̃arü puracüchiga 27:24

Rü ñanagürü choxü̃: “¡Taxṹ i cumuü̃xü̃, Pa Paurux! Erü Rómaarü ãẽ̱xgacü ya Chécharupe̱xewa tá cungu, rü cugagu tá Tupana nanamaxẽxẽxẽ i guxü̃ma i ngẽma cumücügü i cumaxã ngẽxma wapurugu ĩxü̃”, ñanagürü choxü̃.

Ore i mexü̃ ga Cuáü̃ ümatüxü̃ 11:50

¿Ẽ̱xna tama nüxü̃ pecua̱x rü namemaexü̃ nax wüxitama i yatü guxü̃ma i duü̃xü̃ca̱x yuxü̃ nax tama nayuexü̃ca̱x i guxü̃ma i tachiü̃anecüã̱x i duü̃xü̃gü? —ñanagürü.

Ngu̱xẽẽtaeruü̃arü ore 9:18

Rü yimá naxnegüarü yexera narümemae i ngẽma cua̱x. Natürü wüxie̱xpü̱xcüna nax chixexü̃ ixüxü̃ rü inayanaxoxẽxẽ i muxü̃ma i mexü̃gü.

Yoná 1:11

—¿Tü̱xcüü̃ ngẽmaãcü cunaxü? ¿Rü ta̱xacü tá cumaxã taxüexü̃ i ñu̱xmax nax íyachaxãchixü̃ca̱x ya yima yuape? —ñanagürügü.

Yoná 1:13

Rü nümagü ga yema wapuruarü duü̃xü̃gü rü poraãcü inixãgü nax naxãnacüwa nangugüxü̃ca̱x, natürü tama yéma nangugü yerü ga már rü yexeraãcü poraãcü nayuape.

Yox 35:8

Rü ngẽma pecadu i cuxüxü̃ rü ngẽma curüxü̃ duü̃xü̃gü ixĩgüxü̃xü̃ nixĩ i nachixexẽẽxü̃. Rü ngẽma mexü̃ i cuxüxü̃ rü ngẽma curüxü̃ duü̃xü̃gü ixĩgüxü̃xü̃ nixĩ i nataãẽxẽẽxü̃.