Yoná 1:10 - Tupanaarü Ore

¹⁰ Rü ñu̱xũchi nüma ga Yoná rü meama guma wapuruarü duü̃xü̃gümaxã nüxü̃ nixu nax Cori ya Tupanacha̱xwa nax yaxũxü̃. Rü yexguma yemaxü̃ naxĩnüegu ga nümagü, rü nüxü̃ nadaugü ga yema már ga nax yexeraãcü nayuapexü̃, rü poraãcü namuü̃e. Rü nüxna nacagüe rü ñanagürügü:

Yoná 1:10 Referans Kwoze

Yoná 1:3

Natürü nüma ga Yoná rü tama Tupanaga naxĩnü, rü naxca̱x nadau nax ñuxãcü naxcha̱xwa yaxũxü̃. Rü yemaca̱x Yópearü türewa naxũ, rü yexma nüxü̃ inayangau ga wüxi ga wapuru ga ixũãchichaxü̃ne ga Tárchixwa ũxũne. Rü gumawa nanaxütanü nax yexma yaxũxü̃ca̱x.

Yox 27:22

Rü yimá buanecü rü tá nagu nanguema rü taxũtáma namaxã nixauxãchi. Rü woo naxcha̱xwa yañagu rü yimá buanecü rü tá nawe ningechigüama.

Ore i mexü̃ ga Cuáü̃ ümatüxü̃ 19:8

Rü yexguma yemaxü̃ naxĩnügu ga Pirátu, rü yexera namuü̃.

2 Chamué 24:3

Natürü ga Yoá rü ãẽ̱xgacüxü̃ nangãxü̃ga rü ñanagürü: —Rü yima Cori ya curü Tupana, Pa Ãẽ̱xgacüx, rü name nax 100 e̱xpü̱xcüna ñu̱xmaarü yexera yamuxẽẽxãxü̃ i curü duü̃xü̃gü, rü name nax cumax, Pa Ãẽ̱xgacüx, cumaxü̃xü̃ nax nüxü̃ cudauxü̃ca̱x i ngẽma. ¿Natürü tü̱xcüü̃ i cunaxwa̱xexü̃ nax cuyaxugüxü̃, Pa Ãẽ̱xgacüx? —ñanagürü.

Yochué 7:25

Rü Yochué rü Acáü̃xü̃ ñanagürü: —¿Tü̱xcüü̃ chixexü̃ tatanüwa ícunguxẽxẽ? Rü ñu̱xma ya Cori ya Tupana rü ngẽma chixexü̃ tátama nixĩ i cuxna nanguxẽẽxü̃ —ñanagürü. Rü yema ñaxgu ga Yochué, rü guxü̃ma ga Iraétanüxü̃ rü nutamaxã Acáü̃xü̃ rü natanüxü̃xü̃ nadai. Rü ñu̱xũchi natanüwa nanangixichi.

Yoná 1:11

—¿Tü̱xcüü̃ ngẽmaãcü cunaxü? ¿Rü ta̱xacü tá cumaxã taxüexü̃ i ñu̱xmax nax íyachaxãchixü̃ca̱x ya yima yuape? —ñanagürügü.

Naanearü ügüchiga 3:13

Rü yexguma ga Cori ya Tupana rü ngĩxna naca ga yema nge rü ñanagürü ngĩxü̃: —¿Tü̱xcüü̃ ngẽma cuxü? —ñanagürü. Rü ngĩma rü inangãxü̃ rü ngĩgürügü: —Ngẽma ãxtape choxü̃ nawomüxẽxẽ rü ngẽmaca̱x chanangõ̱x —ngĩgürügü.