Yochué 9:4 - Tupanaarü Ore

^4-5 Rü nagu narüxĩnüe nax ñuxãcü womüxẽẽãcüma nügü ínapoxü̃güxü̃. Rü yemaca̱x Yochuéxü̃tawa naxĩ ga ñuxre ga norü duü̃xü̃gü ga ingauxchiruxü̃, rü ingauarü chapatuã́xü̃, rü norü tochicaxü̃ ga búrutawa rü ningau. Rü norü bínuchíü rü marü ñuxgumaxü̃güxü̃ nixĩgü, rü norü paũ rü nichúe. Rü yemagu nügü nicu̱xgü nax ñoma yáxü̃wa ne naxĩxü̃rüxü̃ yixĩgüxü̃ca̱x.

Yochué 9:4 Referans Kwoze

Ore i mexü̃ ga Luca ümatüxü̃ 16:8

Rü norü cori rü nüxü̃ nicua̱xü̃ama ga yema norü duü̃xü̃ ga chixexü̃, yerü nüxü̃ nadau nax nüxü̃ nacua̱xüchixü̃ nax duü̃xü̃güaxü̃́ nangúchaü̃ẽẽãxü̃ ega ta̱xacü naxü̱xgu. Rü pemaxã nüxü̃ chixu rü ñoma i naanecüã̱x i duü̃xü̃gü, rü ngẽma yaxõgüxü̃arü yexera paxa naxca̱x nadaugü nax duü̃xü̃güaxü̃́ nangúchaü̃xẽẽãxü̃ ega ta̱xacü naxü̱xgu.

Ore i mexü̃ ga Márcu ümatüxü̃ 2:22

Rü ngẽxgumarüxü̃ ta taxúema ngexwacaxü̃cü ya bínu rü wüxi i marü ngauxü̃ i naxchixü̃ i naxcha̱xmünaxca̱xgu tayabacuchi. Erü ngẽxguma ngẽmaãcü naxü̱xgu rü yimá bínu ya ngexwacaxü̃cü rü narüngu, rü tá nayawã̱ĩ̱xẽxẽ i ngẽma naxchixü̃ i ngauxü̃ i naxcha̱xmünaxca̱x. Rü ngẽxma tá inayarüxo ya bínu rü naxchixü̃ rü ta. Rü ngẽmaca̱x tanaxwa̱xe ya ngexwacaxü̃cü ya bínu rü ngexwaca̱xü̃xü̃ i naxchiü̃gu tayabacuchi —ñanagürü ga Ngechuchu.

Ore i mexü̃ ga Matéu ümatüxü̃ 10:16

Dücax, choma rü ñoma carnérugü i airugü i düraexü̃tanüwa imugüxü̃rüxü̃ pexü̃ chamugü. ¡Rü ngẽmaca̱x penaxwa̱xe i ãxtapegürüxü̃ pexuãẽgü, natürü muxtucugürüxü̃ taxuxü̃ma i chixexü̃ pexügü!

Ore i mexü̃ ga Matéu ümatüxü̃ 9:17

Rü ngẽxgumarüxü̃ ta rü taxúema ngexwacaxü̃cü ya bínu rü nagu tayabacuchi i wüxi i naxchixü̃ i marü ngauxü̃ i naxcha̱xmünaxca̱x. Erü ngẽxguma ngẽmaãcü naxü̱xgu rü yimá bínu ya ngexwacaxü̃cü rü tá narüngu, rü tá nayawã̱ĩ̱xẽxẽ i ngẽma naxchixü̃ i ngauxü̃ i naxcha̱xmünaxca̱x. Rü ngẽxma tá inayarüxo ya bínu rü ngẽma naxchixü̃ rü ta. Rü ngẽmaca̱x tanaxwa̱xe ya ngexwacaxü̃cü ya bínu rü ngexwaca̱xü̃xü̃ i naxchiü̃gu tayabacuchi. Rü ngẽmaãcü ya yimá bínu rü ngẽma naxchixü̃ rü taxũtáma inayarüxo —ñanagürü ga Ngechuchu.

Wiyaegü 119:83

Rü woo marü wüxi i yaxguã̱x chixĩ rü taxuwama mexẽ chixĩ rü nua ta̱xmare chixĩ, natürü tama nüxü̃ charüngüma i curü mugü, Pa Tupanax.

Naanearü ügüchiga 34:13

Natürü yema nax Dínaxü̃ yayaxuxü̃gagu ga Chiquéü̃, rü nüma ga Acóbu nanegü rü Chiquéü̃xü̃ rü nanatü ga Amóxü̃ nangãxü̃gü, rü nanawomüxẽẽgü.

Yochué 9:3

Natürü nüma ga Ebéutanüxü̃ ga ĩane ga Gabaóü̃gu ãchiü̃güxü̃ rü ta nüxü̃ nacuáchigagü ga yema Yochué üxü̃ namaxã ga gumá ĩanegü ga Yericú rü Ái.

Yochué 9:13

Rü yexgumarüxü̃ ta i ñaa naxcha̱xmüxü̃ ga úbachíümaxã tanaxüãcu rü nimexẽchichire̱x ga noxri itaxĩãchigu, natürü i ñu̱xma rü marü narügáugü. Rü ngẽxgumarüxü̃ ta namaxã nangupetü i toxchiru rü torü chapatugü, erü yáxü̃wama ne taxĩ —ñanagürügü.

Yochué 9:12

Rü yexguma itaxĩãchigu nax pexca̱x tayadauxü̃ca̱x rü ga paũ rü nanai, natürü i ñu̱xma rü marü nichu̱x rü nipamare.