Yochué 9:18 - Tupanaarü Ore

¹⁸ Natürü nüma ga Iraétanüxü̃ rü tama yema Gabaóü̃cüã̱xgüxü̃ nadai yerü yema norü ãẽ̱xgacügü rü Cori ya Iraétanüxü̃arü Tupanaégagu nüxü̃ nixugüe nax taxũtáma nadaiaxü̃. Rü yemaca̱x ga Iraétanüxü̃ rü tama norü ãẽ̱xgacügümaxã nataãẽgü, rü nachigagu nidexagü.

Yochué 9:18 Referans Kwoze

Wiyaegü 15:4

rü tama nanaãẽraxü̃xe i ngẽma chixexü̃ üxü̃, rü nüxü̃ ngechaü̃xe i ngẽma duü̃xü̃ i Tupanaxü̃ ngechaü̃xü̃, rü naxüamáxe i ngẽma nagu taxunetaxü̃ woo tüxü̃́ naguxchagu nax tayanguxẽẽxü̃,

Ngu̱xẽẽtaeruü̃arü ore 9:2

Rü nüxü̃ chacua̱x rü guxü̃táma i duü̃xü̃gü rü tá nayue, rü woo ngẽma duü̃xü̃ i mexü̃gu maxü̃xü̃, rü woo ngẽma chixexü̃gu maxü̃xü̃, rü woo ngẽma mecümaxü̃, rü woo ngẽma chixecümaxü̃, rü woo ngẽma duü̃xü̃ i Tupanape̱xewa nügü mexẽẽxü̃, rü woo ngẽma tama Tupanape̱xewa nügü mexẽẽxü̃, rü woo ngẽma duü̃xü̃ i naxü̃na Cori ya Tupanaca̱x imáxü̃, rü woo ngẽma tama naxü̃na Cori ya Tupanaca̱x imáxü̃, rü woo ngẽma mexü̃ üxü̃, rü woo ngẽma pecadu üxü̃, rü woo ngẽma Tupanamaxã ixunetaxü̃, rü woo ngẽma tama Tupanamaxã ixunetaxü̃, rü guxü̃táma nayue.

Ngu̱xẽẽtaeruü̃arü ore 5:6

Rü tama name i cunaxüchica i cuberagü nax pecadu cuxü̃ naxüxẽẽxü̃, rü ñu̱xũchi yixcama Tupanaarü duü̃xü̃ i chacherdótemaxã nax nüxü̃ quixuxü̃ rü ícutüxü̃gagumare yixĩxü̃ nax pecadu cuxüxü̃. ¿Tü̱xcüü̃ Tupanaxü̃ cunuxẽxẽ nagagu i ngẽma uneta i tama quinguxẽxẽxü̃ rü ñu̱xũchi nagu cunachixexẽẽxü̃ i ngẽma puracü i cuxüxü̃?

Ngu̱xẽẽtaeruü̃arü ore 5:2

Rü tama name i namaxã cuñuxãxẽ i ngẽma curü uneta i Tupanamaxã nüxü̃ quixuxü̃ i cua̱xmaxã rü curü ĩnümaxã. Erü nüma ya Tupana rü daxũguxü̃ i naanewa nangẽxma, rü cuma rü ñoma i naanewa cungexma. Rü ngẽmaca̱x tama name i naxca̱x cuñuxãxẽ nax Tupanamaxã nüxü̃ quixuxü̃ i curü uneta.

2 Chamué 21:7

Natürü nüma ga ãẽ̱xgacü ga Dabí rü tama inanamu ga Mepi-bóchex ga Yonatáü̃ nane ga Chaútaxa ixĩcü. Yerü ga Dabí rü ü̃paacü marü Tupanape̱xewa Yonatáü̃maxã nügümaxã inaxügagü nax Mepi-bóchexna nadauxü̃.

Yochué 9:17

Rü yexguma ga ñuxre ga Iraétanüxü̃arü churaragü rü inaxĩãchi nax yema Gabaóü̃cüã̱xgüarü ĩanegüca̱x yadaugüxü̃ca̱x. Rü tomaepü̱x ga ngunexü̃gu norü ĩanegüwa nangugü. Rü gumá norü ĩanegü rü Gabaóü̃ nixĩ, rü Quefirá nixĩ, rü Beerúx nixĩ rü Quiriáx-yearíü̃ nixĩ.

Yochué 9:19

Natürü nümagü ga yema ãẽ̱xgacügü rü ñanagürügü: —Toma rü Cori ya Iraétanüxü̃arü Tupanaégagu namaxã nüxü̃ tixu nax taxũtáma tanada̱i̱xü̃. Rü ngẽmaca̱x i ñu̱xma rü taxucürüwa tanadai.

Iraétanüxü̃arü muxchiga 30:3

Rü ngẽxguma wüxi ya pacü i ngĩnatüme̱xẽwatama ngẽxmacü rü Cori ya Tupanamaxã wüxi i uneta naxü̱xgu rüe̱xna ta̱xacüca̱x namaxã inaxügagu, rü ngẽxguma ngĩnatü nüxü̃ cua̱xgux i ngẽma ngĩrü uneta rüe̱xna ngĩrü üga rü taxu ñamaregu ya ngĩnatü, rü inaxwa̱xe nax yangu̱xẽẽãxü̃ i ngẽma ngĩrü uneta rüe̱xna ngẽma ngĩrü üga.

Wenaxarü naxümatü ga Tupanaarü mugü 23:22

Rü ngẽxguma taxuxü̃ma i uneta pexü̱xgu, rü taxuxü̃ma i chixexü̃ pexü.

Wenaxarü naxümatü ga Tupanaarü mugü 23:23

Natürü ngẽxguma pema rü perü ngúchaü̃maxã Cori ya perü Tupanaaxü̃́ uneta pexü̱xgu, rü name nixĩ nax aixcümama peyanguxẽẽxü̃.

Wenaxarü naxümatü ga Tupanaarü mugü 23:24

Ngẽxguma cumücüarü úbanecüwa cuxũxgu, rü name nax cunangṍxü̃ i ngẽma cuma cunaxwa̱xexü̃ i úbaarü o. Natürü tama name nax curü pexchigu ícuyangexü̃ i úba.