Yochué 8:9 - Tupanaarü Ore

⁹ Rü yexguma ga Yochué rü inanamuãchitanü ga yema churaragü. Rü nümagü rü inaxĩãchi rü Beté rü Áiarü ngaxü̃gu nicu̱xgü ga Áiarü oéstewaama. Natürü nüma ga Yochué rü yema ínapegüxü̃watama nanangupetüxẽxẽ ga chütaxü̃.

Yochué 8:9 Referans Kwoze

Neemía 7:32

Rü ĩanegü ga Betécüã̱xgü rü Áicüã̱xgü rü 123 nixĩ.

Édra 2:28

Rü Betécüã̱x rü Áicüã̱x rü 223 nixĩgü.

Yochué 8:12

Rü nüma ga Yochué rü ĩane ga Betéarü rü Áiarü ngaxü̃gu nayacu̱xgü ga to ga 5,000 ga yatügü ga guma ĩanearü oéstewaama.

Yochué 7:2

Rü nüma ga Yochué rü Yericúwa inanamuãchitanü ga ñuxre ga yatügü nax ĩane ga Áiwa yangugütaegüxü̃ca̱x, rü nüxü̃́ natauxcha nax guma ĩane rü tá nagu nachocuxü̃ca̱x. Rü guma ĩane ga Ái rü ĩane ga Betéarü éstewaama nayexma ga Bex-abéü̃arü ngaicamana. Rü nümagü rü yéma naxĩ rü nayangugütaegü.

Naanearü ügüchiga 32:21

Rü yemaacü ga yema ãmaregü rü nüxíra nügüpe̱xegu nayamugü. Rü nüma ga Acóbu rü yexmatama nape ga yema chütaxü̃gu.

Naanearü ügüchiga 12:8

Rü yemawena rü yema ínamáxpü̱xanexü̃waama naxũ ga Betéarü ĩanearü éstewaama, rü yexma naxãchiü̃. Rü yema nachica rü ĩane ga Beté rü ĩane ga Áiarü ngãxü̃wa nayexma. Rü yexma nanaxü ga wüxi ga ãmarearü guruxü̃ rü yéma nayumüxẽ rü Tupanaarü ngü̃xẽẽca̱x ínaca.

Yochué 8:8

Rü ngẽxguma marü nagu pichocu̱xgu, rü tá nawa penangĩxichi, ngẽma Cori ya Tupana nüxü̃ ixuxü̃rüxü̃. Rü ngẽmaãcü nixĩ i pexü̃ chamuxü̃ —ñanagürü ga Yochué.

Yochué 8:10

Rü moxü̃ãcü noxri yangunechaü̃gu rü ínarüda ga Yochué rü norü churaragüxü̃ nidaugü. Rü ñu̱xũchi nape̱xegu naxã namaxã ga Iraétanüxü̃arü ãẽ̱xgacügü. Rü ĩane ga Áica̱x ínayaxüãchi.

1 Chamué 30:27

Rü norü ãmare naxca̱x yéma namugü ta ga yema ãẽ̱xgacügü ga Betéwa yexmagüxü̃, rü ĩane ga Ramóx ga Négueanewa yexmagüxü̃, rü Yatíxwa yexmagüxü̃, rü Aroéwa yexmagüxü̃, rü Chimóxwa yexmagüxü̃, rü Etemóawa yexmagüxü̃.