Yochué 8:7 - Tupanaarü Ore

⁷ Rü ngẽxguma i pema rü tá peyayi i ngẽma ípicu̱xgüxü̃wa rü yima ĩanegu tá pichocu, erü Cori ya tórü Tupana rü pexme̱xgu tá nananguxẽxẽ ya yima ĩane.

Yochué 8:7 Referans Kwoze

Norü taxre ga popera ga ãẽ̱xgacügüchiga 5:1

Rü nüma ga Naamáü̃ rü guma Chíriaanearü ãẽ̱xgacü ga réiarü churaragüeru nixĩ. Rü norü ãẽ̱xgacü rü poraãcü nüxü̃ nangechaü̃ rü nüxü̃ narüngü̃xẽxẽ yerü muẽ̱xpü̱xcüna rü norü churaragümaxã norü uanügüxü̃ narüporamae. Natürü nüma ga Naamáü̃ rü chaxünemaxã nida̱xawe.

Yochué 8:1

Rü nüma ga Cori ya Tupana rü Yochuéxü̃ ñanagürü: —¡Taxuca̱xma cumuü̃ rü icurümaãchi! ¡Rü inaxũãchi naxca̱x ya yimá ĩane ya Ái, namaxã i guxü̃ma i curü churaragü! Erü choma rü tá pora cuxna chaxã nax yimá ĩane ya Áiarü ãẽ̱xgacüxü̃ rü norü duü̃xü̃güxü̃ curüporamaexü̃ca̱x. Rü yimá norü ĩane rü norü naane rü cuxrü tá nixĩ.

Yochué 8:6

Rü ngẽxguma i nümagü rü tá towe nangẽgü erü tá nagu narüxĩnüe nax noxrirüxü̃ naxcha̱xwa ibuxmüxü̃ i yixema.

Yochué 8:8

Rü ngẽxguma marü nagu pichocu̱xgu, rü tá nawa penangĩxichi, ngẽma Cori ya Tupana nüxü̃ ixuxü̃rüxü̃. Rü ngẽmaãcü nixĩ i pexü̃ chamuxü̃ —ñanagürü ga Yochué.

1 Chamué 23:4

Rü yexguma ga nüma ga Dabí rü wena Cori ya Tupanana naca. Rü nüma ya Cori ya Tupana rü nanangãxü̃ rü ñanagürü: —¡Inaxũãchi rü nawa naxũ ya ĩane ya Queirá! Erü choma rü tá cuxme̱xgu chanayixẽxẽ i ngẽma Firitéugü —ñanagürü.