Yochué 8:2 - Tupanaarü Ore

² Rü guma Yericúmaxã rü norü ãẽ̱xgacümaxã cuxüxü̃rüxü̃ tátama cunaxü namaxã ya yima ĩane ya Ái rü norü ãẽ̱xgacü. Natürü i ñu̱xmagu rü marü name i pegüxü̃́ penade i norü ngẽmaxü̃gü rü naxü̃nagü. Rü tá ípenabaixgü, rü norü ĩaneca̱xwenaama tá pixĩĩchi —ñanagürü.

Yochué 8:2 Referans Kwoze

Wenaxarü naxümatü ga Tupanaarü mugü 20:14

Natürü i ngẽma ngexü̃gü rü buxü̃gü rü naxü̃nagü rü guxü̃ma ya yima ĩanewa ngẽxmagüxü̃ rü pexrü tá nixĩ. Rü pema rü tá penayaxu i guxü̃ma i ngẽma perü uanügüarü ngẽmaxü̃gü i perü Cori ya Tupana pexna ãxü̃.

Ucu̱xẽgüchiga 13:22

Ngẽxguma nayu̱xgu ya yimá yatü ya mecümacü, rü nataagüarü tá nixĩ i norü ngẽmaxü̃gü. Natürü yimá yatü ya pecadugu maxü̃cüarü ngẽmaxü̃gü, rü nawena rü duü̃xü̃gü i mea maxẽxü̃arü tá nixĩ.

Norü taxre ga to ga popera ga ãẽ̱xgacügüchiga ümatüxü̃ 20:22

Rü yexguma inaxügügu ga nax nawiyaegüxü̃, rü nüma ga Cori ya Tupana rü ínanatüexẽxẽ ga yema Amóü̃tanüxü̃ rü Moátanüxü̃ rü yema ma̱xpǘne ga Cheícüã̱xgü ga yéma ĩxü̃ nax Yudátanüxü̃maxã nügü nada̱i̱xü̃ca̱x. Rü yemaacü ga yema Yudátanüxü̃arü uanügü rü nügütama nadai.

Yochué 6:21

Rü taramaxã nanadai ga guxü̃ma ga iyatüxe, rü ngexü̃gü, rü buxü̃gü, rü yaxguã̱xgü. Rü yexgumarüxü̃ ta nanadai ga guxü̃ma ga wocagü, rü carnérugü, rü búrugü.

Yeremía 51:12

¡Daiarü cua̱xruxü̃ ya wonera penawẽ̱xnagü nax Babiróniaanearü ĩanearü poxeguxü̃tapü̱xca ípeyaxüãchixü̃ca̱x! ¡Rü pegü pemuxẽxẽ i pemax nax pedauxü̃taegüxü̃! ¡Rü pema i dauxü̃taegüxü̃ rü pechicawa pengẽxmagü! ¡Rü ípeyacu̱xéxü̃gü i perü uanügü! Erü nüma ya Cori ya Tupana rü marü nayanguxẽxẽ i ngẽma nagu naxĩnüxü̃ rü naxunagüxü̃ naxca̱x i ngẽma Babiróniacüã̱x.

Yeremía 17:11

Ngẽma duü̃xü̃ i chixexü̃gu nügü diẽruã́xü̃, rü ñoma wüxi i nguga i toguxecharaü̃ chuexẽẽxü̃rüxü̃ nixĩ. Rü ngẽma duü̃xü̃ rü ngẽxguma tauxta nayaxüchigu rü tá nüxna nixũ i ngẽma diẽru rü düxwa ñoma wüxi i duü̃xü̃ i naechitamare maxü̃xü̃rüxü̃ tá nixĩ.

Ucu̱xẽgüchiga 28:20

Yimá yatü ya ixaixcümacü, rü duü̃xü̃gü mea nachiga nidexagü. Natürü ngẽma yatü i diẽruguxicatama rüxĩnüxü̃, rü nagagu tátama poxcuwa naxũ.

Wiyaegü 39:6

Rü wüxichigüarü maxü̃ rü ñoma wüxi i gáuxchipeta i ngupetüxü̃rüxü̃ nixĩ. Rü natüca̱xma nananutaque̱xe i norü ngẽmaxü̃gü, natürü tama nüxü̃ nacua̱x i texéarü tá yixĩxü̃ i nawena.

Norü taxre ga to ga popera ga ãẽ̱xgacügüchiga ümatüxü̃ 13:13

Rü nüma ga Yeruboáü̃ rü ñuxre ga norü churaragüxü̃ namu nax Yudáarü churaragüweama ne naxĩxü̃ca̱x nax nügü namaxã nada̱i̱xü̃ca̱x. Rü nanamu ga yema rümumaexü̃ ga norü churaragü nax yema Yudáarü churaragüpe̱xewaama ne naxĩxü̃ nax namaxã nügü nada̱i̱xü̃ca̱x, rü yoxni ga yema naweama yexmagüxü̃ rü ta namaxã nügü nadai.

Yochué 10:28

Rü yematama ngunexü̃gu rü nüma ga Yochué rü norü churaragümaxã nayapu ga guma ĩane ga Machedá rü nagu napogüe rü guxü̃ma ga naãcu rü taramaxã nanadai. Rü yema Yericúarü ãẽ̱xgacüxü̃ yamáxü̃rüü̃ãcütama Machedáarü ãẽ̱xgacüxü̃ nima̱x.

Yochué 10:1

Rü Adonichéde ga Yerucharéü̃arü ãẽ̱xgacü nüxü̃ naxĩnü nax ñuxãcü Yochué rü Áixü̃ yapu̱xü̃ rü yamáaxü̃ ga norü ãẽ̱xgacü rü yanaxoxẽẽãxü̃ ga norü ĩane. Rü yexgumarüxü̃ ta nüxü̃ naxĩnü nax ñuxãcü Yericúxü̃ yapu̱xü̃ rü yamáaxü̃ ga norü ãẽ̱xgacü. Rü ñu̱xũchi nüxü̃ nacuáchiga ga Gabaóü̃cüã̱xgü nax Iraétanüxü̃maxã mexü̃ ga ĩnüwa nangugüxü̃ nax tama namaxã nügü nada̱i̱xü̃ca̱x. Rü yemaca̱x ga nüma ga Yerucharéü̃arü ãẽ̱xgacü rü poraãcü namuü̃ yerü Gabaóü̃ rü wüxi ga ĩane ga taxü̃ne rü porane ga Áiarü yexera ixĩxü̃ne nixĩ, rü norü duü̃xü̃gü rü nipora rü tama namuü̃ewa̱xe.

Yochué 8:24

Rü yexguma taramaxã nadaiãgu ga guxü̃ma ga Áiarü churaragü ga Iraétanüxü̃we ngẽgüxü̃, rü nüma ga Iraétanüxü̃ rü Áiarü ĩaneca̱x nawoegu rü nanadai ga yema duü̃xü̃gü ga guma ĩanewa yaxǘgüxü̃.

Yochué 8:19

Rü yexguma ga yema icu̱xgüxü̃ ga churaragü rü paxãma ínaxüxü̃ rü gumá ĩanegu nachocu rü nawa nanangixichigü.

Yochué 8:14

Rü yexguma Iraétanüxü̃xü̃ nada̱u̱xgu ga Áiarü ãẽ̱xgacü rü norü churaragümaxã paxa nayayi nax nügü nada̱i̱xü̃ca̱x namaxã ga yema Iraétanüxü̃ ga doxonexü̃arü tocutüwa yexmagüxü̃. Natürü tama nüxü̃ nacua̱x rü yema togü ga Iraétanüxü̃ nax bexma norü ĩaneca̱xwe̱xgu yacu̱xgüxü̃.

Yochué 8:12

Rü nüma ga Yochué rü ĩane ga Betéarü rü Áiarü ngaxü̃gu nayacu̱xgü ga to ga 5,000 ga yatügü ga guma ĩanearü oéstewaama.

Yochué 8:9

Rü yexguma ga Yochué rü inanamuãchitanü ga yema churaragü. Rü nümagü rü inaxĩãchi rü Beté rü Áiarü ngaxü̃gu nicu̱xgü ga Áiarü oéstewaama. Natürü nüma ga Yochué rü yema ínapegüxü̃watama nanangupetüxẽxẽ ga chütaxü̃.

Yochué 8:7

Rü ngẽxguma i pema rü tá peyayi i ngẽma ípicu̱xgüxü̃wa rü yima ĩanegu tá pichocu, erü Cori ya tórü Tupana rü pexme̱xgu tá nananguxẽxẽ ya yima ĩane.

Wenaxarü naxümatü ga Tupanaarü mugü 3:2

Rü yemaca̱x ga Cori ya Tupana rü choxü̃ ñanagürü: “¡Taxṹ i nüxü̃ cumuü̃xü̃! Erü nüma ya Óx rü norü churaragümaxã rü ñu̱xũchi guxü̃ma i norü nachixü̃anegümaxã rü tá cuxme̱xgu chananguxẽxẽ. Rü namaxã tá cunaxü ga yema Chióü̃ ga Amoréugüarü ãẽ̱xgacü ga Ebóü̃wa maxü̃xü̃maxã cuxüxü̃rüxü̃”, ñanagürü.

Yochué 8:3

Rü yexguma ga Yochué rü nügü namexẽxẽ guxü̃ma ga norü churaragümaxã nax ĩane ya Áica̱x íyaxü̃ãchixü̃ca̱x. Rü nayadexechi ga 30,000 ga churaragü, rü chütacü yéma nanamugü. Rü nayaxucu̱xẽgü rü ñanagürü nüxü̃: —¡Mea iperüxĩnüe! ¡Rü ipexĩãchi rü norü ĩaneca̱xwe̱xgu peyarücu̱xgü! ¡Rü ípememaregü nax naxca̱x ípeyachoõchixü̃ca̱x ya yimá ĩane!

Yochué 8:8

Rü ngẽxguma marü nagu pichocu̱xgu, rü tá nawa penangĩxichi, ngẽma Cori ya Tupana nüxü̃ ixuxü̃rüxü̃. Rü ngẽmaãcü nixĩ i pexü̃ chamuxü̃ —ñanagürü ga Yochué.

Wenaxarü naxümatü ga Tupanaarü mugü 2:35

Rü yema yigüxü̃́ idexü̃ nixĩ ga wocagü rü ñu̱xũchi yema yemaxü̃gü ga itatanüxü̃ ga guma ĩanegü ga ipuxü̃newa nüxü̃ irüngaugüxü̃. Rü yemaxicatama nixĩ ga yigüxü̃́ idexü̃.

Yochué 9:3

Natürü nüma ga Ebéutanüxü̃ ga ĩane ga Gabaóü̃gu ãchiü̃güxü̃ rü ta nüxü̃ nacuáchigagü ga yema Yochué üxü̃ namaxã ga gumá ĩanegü ga Yericú rü Ái.

Yochué 11:14

Rü taramaxã nanadai ga guxü̃ma ga yema duü̃xü̃gü ga guma ĩanegügu ãchiü̃güxü̃ rü bai ga wüxi ga maxü̃xü̃. Rü yema naxü̃nagü rü ínanayauxü̃ rü guxü̃ma ga norü yemaxü̃gü rü nanade.