Yochué 8:18 - Tupanaarü Ore

¹⁸ Rü yexguma ga nüma ga Cori ya Tupana rü Yochuéxü̃ ñanagürü: —¡Ẽcü, cua̱xruxü̃ nüxna naxã i ngẽma curü churaragü i ĩaneca̱xwe̱xgu icu̱xgüxü̃ nax nagu nachocuxü̃ca̱x ya yima ĩane ya Ái, erü tá cuxme̱xgu chananguxẽxẽ ya yima ĩane! —ñanagürü ga Tupana. Rü nüma ga Yochué rü cua̱xruxü̃ inaxã nax nagu nachocuxü̃ca̱x ga guma ĩane.

Yochué 8:18 Referans Kwoze

Yochué 8:26

Rü nüma ga Yochué rü nanamuama ga norü churaragü nax iyadaxẽẽgüãxü̃ca̱x nax nadaiaxü̃ ga yema Áicüã̱x ñu̱xmata guxü̃xü̃ma nadai.

Yox 15:25

Rü ngẽma nixĩ i nüxü̃ ngupetüxü̃ i ngẽma duü̃xü̃ i Tupanamaxã nuxü̃ rü namaxã nügü choxü̃gagüxü̃ ya Yimá Guxãétüwa Ngẽxmacü.

Yox 39:23

Rü woo naxãgatanügu ya naxnegü rü yayauratanücüügu ya wocaegü rü taragü rü tama namuü̃.

1 Chamué 17:45

Rü nüma ga Dabí nanangãxü̃ rü ñanagürü: —Cuma rü cha̱u̱xca̱x quixũ taramaxã rü wocaemaxã. Natürü i chomax rü cuxca̱x chixũ naégagu ya yimá Tupana ya Guxü̃étüwa Ngẽxmacü ya Iraéanecüã̱x i churaragüarü Tupana ya cuma norü churaragüxü̃ cuxãũxũnecü.

1 Chamué 17:41

Rü nüma ga Firitéu rü meamare Dabíca̱x nixũchigü. Rü nape̱xegu nixũchigü ga yema norü poxü̃ruü̃arü ngeruxü̃.

1 Chamué 17:6

Rü yema norü tüperemaxü̃ rü guma norü wocae ga nügüãtü yangeãcü rü bróũchenaxca̱x nixĩgü.

Yochué 8:7

Rü ngẽxguma i pema rü tá peyayi i ngẽma ípicu̱xgüxü̃wa rü yima ĩanegu tá pichocu, erü Cori ya tórü Tupana rü pexme̱xgu tá nananguxẽxẽ ya yima ĩane.

Ínachoxü̃xü̃chiga 14:16

¡Rü cuma rü nayaxu ya curü naixmena̱xã, rü márchíüétügu nawe̱x! Rü ngẽma márchiü rü tá nügüna nixĩgachichíxü nax ngẽmaãcü ngẽma Iraétanüxü̃ rü paanexü̃wa nax yachoü̃xü̃ca̱x.

Ínachoxü̃xü̃chiga 8:5

Rü yexguma ga Cori ya Tupana rü Moichéxü̃ ñanagürü: —¡Rü namaxã nüxü̃ ixu i Aróü̃ nax natügüétügu, rü natüxacügüétügu, rü naxtaagüétügu namaxã nawéxme̱xü̃ca̱x ya norü naixmena̱xã! Rü ngéma tá ínachoxü̃ i cururugü nax guxü̃ma i Equítuane namaxã napaxü̃ca̱x —ñanagürü.

Yochué 8:17

Rü guxü̃ma ga churaragü ga Áicüã̱x rü Betécüã̱x rü Iraétanüxü̃we nangẽgü, rü taxuxü̃ma ĩanewa nayaxǘ. Rü yema Iraétanüxü̃we nax nangegüxü̃gagu rü guma ĩane rü taxúema nüxna tadau rü nangeenümare ga norü ĩã̱x.

Yochué 8:19

Rü yexguma ga yema icu̱xgüxü̃ ga churaragü rü paxãma ínaxüxü̃ rü gumá ĩanegu nachocu rü nawa nanangixichigü.

Echequié 30:25

Rü ñu̱xma rü tá chanaporaexẽxẽ ya nachacüxü i Babiróniaanearü ãẽ̱xgacü rü tá chanaturaexẽxẽ ya nachacüxü i Faraóü̃. Rü ngẽxguma Babiróniaanearü ãẽ̱xgacüme̱xẽwa chanaxǘxgu i chorü tara rü nüma rü Equítuaneca̱x íyagoõchigu rü ngẽxguma tá nixĩ i nüxü̃ yacua̱xãchitanüxü̃ nax choma yixĩxü̃ i Iraétanüxü̃arü Cori ya Tupana.

Ínachoxü̃xü̃chiga 8:1

Rü nüma ga Cori ya Tupana rü Moichéxü̃ ñanagürü: —¡Paxa Faraóü̃xü̃tawa naxũ rü ñacugürü tá nüxü̃: “Cori ya Tupana rü ñanagürü cuxü̃: ‘Rü yange̱x i ngẽma chorü duü̃xü̃gü nax choxü̃ yacua̱xüü̃güxü̃ca̱x!