Yochué 8:10 - Tupanaarü Ore

¹⁰ Rü moxü̃ãcü noxri yangunechaü̃gu rü ínarüda ga Yochué rü norü churaragüxü̃ nidaugü. Rü ñu̱xũchi nape̱xegu naxã namaxã ga Iraétanüxü̃arü ãẽ̱xgacügü. Rü ĩane ga Áica̱x ínayaxüãchi.

Yochué 8:10 Referans Kwoze

Wiyaegü 119:60

Rü ñu̱xãẽãcü chaugü chataegu, rü paxãma ichanaxügü nax nagu chamaxü̃xü̃ ga yema curü mugü.

Yochué 7:16

Rü moxü̃ãcü ga Yochué rü pa̱xmamaxü̃chi ínarüda rü duü̃xü̃güxü̃ namu nax natücumümaxãchigü Tupanape̱xewa naxĩxü̃. Rü nüma ga Cori ya Tupana rü Yudátücumüxü̃ naxuneta.

Yochué 6:12

Rü moxü̃ãcü ga nüma ga Yochué rü pa̱xmamaxü̃chi ínarüda, rü nüma ga chacherdótegü rü nanangenagütaü̃gü ga yema baú ga Cori ya Tupanaarü mugüchixü̃.

Yochué 3:1

Rü moxü̃ãcü pa̱xmamaxü̃chi rü nüma ga Yochué rü guxü̃ma ga Iraétanüxü̃maxã Chitíü̃wa inaxĩãchi ñu̱xmata natü ga Yudáü̃anacüwa nangugü. Rü naxü̃pa ga nax yachoü̃xü̃ rü yexmatama napegü.

Naanearü ügüchiga 22:3

Rü moxü̃ãcü ga pa̱xmamaxü̃chi rü Abraáü̃ ínarüda. Rü üxüta nadaü̃ nax yemamaxã Tupanaca̱x yaguaxü̃ca̱x ga gumá nane. Rü ñu̱xũchi nanamexẽxẽ ga norü búru rü ínayaga ga nane ga Ichaá rü taxre ga norü duü̃xü̃gü. Rü inaxũãchi nax yema nachica ga Tupana namaxã ixunetaxü̃wa naxũxü̃.

Yochué 8:9

Rü yexguma ga Yochué rü inanamuãchitanü ga yema churaragü. Rü nümagü rü inaxĩãchi rü Beté rü Áiarü ngaxü̃gu nicu̱xgü ga Áiarü oéstewaama. Natürü nüma ga Yochué rü yema ínapegüxü̃watama nanangupetüxẽxẽ ga chütaxü̃.

Yochué 8:11

Rü guxü̃ma ga norü churaragü rü guma ĩanepe̱xewaama nüxü̃ ningaicaetanü. Rü wüxi ga doxonexü̃pechinüwa nayachaxãchitanü ga guma ĩanearü nórtewaama. Rü yema doxonexü̃ rü guma ĩanearü rü yema Yochuéarü churaragüarü ngaxü̃wa naxǘ.