Yochué 8:1 - Tupanaarü Ore

¹ Rü nüma ga Cori ya Tupana rü Yochuéxü̃ ñanagürü: —¡Taxuca̱xma cumuü̃ rü icurümaãchi! ¡Rü inaxũãchi naxca̱x ya yimá ĩane ya Ái, namaxã i guxü̃ma i curü churaragü! Erü choma rü tá pora cuxna chaxã nax yimá ĩane ya Áiarü ãẽ̱xgacüxü̃ rü norü duü̃xü̃güxü̃ curüporamaexü̃ca̱x. Rü yimá norü ĩane rü norü naane rü cuxrü tá nixĩ.

Yochué 8:1 Referans Kwoze

Yochué 1:9

Rü choma nixĩ i cuxü̃ chamuxü̃ nax cugü cuporaxẽẽxü̃ca̱x Rü tama name i cumuü̃xü̃ rü icuyarümaãchi, erü choma ya curü Cori ya Tupana rü tá cuxü̃tawa changexma i ngextá cuma ícuxũxü̃wa —ñanagürü ga Tupana.

Wenaxarü naxümatü ga Tupanaarü mugü 7:18

¡Rü taxṹ i nüxü̃ pemuü̃exü̃! ¡Rü nüxna pecua̱xãchie ga yema Cori ya perü Tupana Faraóü̃maxã rü ñu̱xũchi guxü̃ma ga yema Equítuanecüã̱xmaxã naxüxü̃!

Wenaxarü naxümatü ga Tupanaarü mugü 1:21

Rü nüma ya Cori ya tórü Tupana ixĩcü, rü marü pexna nanaxã i ñaa naane. ¡Rü ẽcü nawa pexĩ rü nagu pexãchiü̃gü ngẽma Cori ya perü o̱xigüarü Tupana nüxü̃ ixuxü̃rüxü̃! ¡Rü taxṹ i pemuü̃exü̃, rü bai tá iperümaãchitanüxü̃!” ñacharügü.

Yochué 6:2

Natürü nüma ga Cori ya Tupana rü Yochuéxü̃ ñanagürü: —Choma rü marü cuxna chanaxã ya Yericú norü ãẽ̱xgacümaxã rü norü churaragümaxã.

Wenaxarü naxümatü ga Tupanaarü mugü 31:8

Rü nümatama ya Cori ya Tupana rü cupe̱xegu tá nixũ, rü guxü̃gutáma nacuxü̃tagu. Rü tagutáma cuxna nixũgachi rü tagutáma cuxü̃ nangemücü. Rü ngẽmaca̱x tama name nax cumuü̃xü̃ rü naxcha̱xwa quiñaxü̃ —ñanagürü ga Moiché.

Ichaía 43:2

Rü ngẽxguma guxchaxü̃wa pechopetügu ñoma dexá i mátamaxü̃wa pichoü̃gurüxü̃, rü choma rü tá chapetanügu. Rü ngẽxguma ãũcümaxü̃wa pengẽxmagügu ñoma wüxi i natü i poraxü̃chíüxü̃wa pichoü̃gurüxü̃ rü taxũtáma ngẽxma peyi. Rü ngẽxguma taxü̃ i guxchaxü̃wa pechopetügu rü ñoma wüxi i üxüétüwa pechopetügurüxü̃ pixĩgü, rü taxũtáma pixae rü yima üxü rü taxũtáma niyauxra i petanüwa.

Ore i mexü̃ ga Matéu ümatüxü̃ 8:26

Rü Ngechuchu nanangãxü̃, rü ñanagürü nüxü̃: —Pa Duü̃xü̃gü i Tama Aixcüma Yaxõgüxü̃x, ¿tü̱xcüü̃ pemuü̃e? —ñanagürü. Rü yexguma ga Ngechuchu rü ínarüda, rü buanecüna rü yuapena nachogü. Rü ínayachaxãchi ga buanecü, rü inayarüxo ga yuape, rü ínachaxanemare.

Danié 4:35

Rü ngẽma duü̃xü̃gü i ñoma i naanewa maxẽxü̃ rü cupe̱xewa, Pa Tupanax, rü taxuxü̃ma nixĩgü. Rü cuma cunaxwa̱xexü̃ãcü namaxã icucua̱x i dauxü̃guxü̃ i naane rü ñoma i naane. Rü tataxuma ya texé ya curü poraxü̃ rüyexeraxe. Rü tataxuma ya texé ya tüxü̃́ nangẽxmaxe i pora nax cuxna taca̱xaxü̃ rü ‘¿tü̱xcüü̃ cunaxü i ngẽma cuxüxü̃?’ ñachagürü.

Danié 4:25

Erü cumax, Pa Ãẽ̱xgacüx, rü taxũtáma duü̃xü̃gütanüwa cungexma, rü naxü̃nagütanüwa tá cumaxü̃ rü wocagürüxü̃ tá maxẽ cunangõ̱x, rü cherena rü tá cuxü̃ niwaixẽxẽ. Rü ngẽmaãcü tá cumaxü̃ i 7 ya taunecü ñu̱xmatáta naxca̱x íquicuáx nax texé yixĩxü̃ ya yimá namaxã icuácü i guxü̃ma i ãẽ̱xgacügü i ñoma i naanewa ngẽxmagüxü̃. Erü nüma nixĩ i tüxü̃ yamucuchixü̃ ya yíxema nüma natümawa̱xéxe nax ãẽ̱xgacü tixĩxü̃ca̱x.

Danié 2:21

Rü nüma rü namaxã inacua̱x i guxü̃ma i ta̱xacü i ngupetüxü̃. Rü nüma nixĩ i yamucuchiaxü̃ rü ínamuxũchiaxü̃ i ãẽ̱xgacügü. Rü nüma nixĩ i cua̱x tüxna naxãxü̃ ya yíxema tümaãẽxü̃ icuáxe rü tüxü̃ nüxü̃ nacua̱xẽẽxü̃ ya yíxema idoeruxe.

Yeremía 46:27

Rü ñanagürü ta: —¡Taxṹ i pemuü̃exü̃, Pa Chorü Duü̃xü̃gü i Chorü Duü̃ ya Acóbutaagüx! ¡Taxṹ i pemuü̃exü̃, Pa Iraétanüxü̃ i To i Nachixü̃anewa Gagüxe! Erü pema rü pexacügü rü tá pexü̃ íchanguxü̃xẽxẽ nawa i ngẽma yáxü̃guxü̃ i nachixü̃ane ga nawa pexü̃ nagagüxü̃. Rü pechixü̃aneca̱x tá pewoegu rü ngéma rü tá taãẽãcüma pemaxẽ, rü taxuxü̃táma i uanü pexü̃ ínabaixgü.

Ichaía 12:2

Rü Tupana nixĩ ya choxü̃ maxẽẽcü, rü ngẽmaca̱x nüxna charüyoe rü taxuca̱xma tü̱xcüü̃ chamuü̃. Rü nüma ya Cori ya Tupana nixĩ i chorü cu̱xchicaxü̃ rü chorü poraxẽẽruxü̃. Rü nüma nixĩ i chorü maxẽẽruxü̃ —ñacurügü tá.

Wiyaegü 46:11

Rü Cori ya Tupana ya Guxãétüwa Ngẽxmacü rü tatanüwa nangẽxma. Rü nümatama i Acóbuarü Tupana nixĩ i tórü poxü̃ruxü̃ yixĩxü̃.

Wiyaegü 44:3

Rü tama tümaarü poramaxã rü tümanegümaxã nixĩ ga tanayauxgüxü̃ ga ñaa naane. Natürü yema curü poragagu rü curü ngü̃xẽẽgagu nixĩ ga nawa tangugüxü̃ ga yema naane. Yerü cuma rü tüxü̃ cungechaü̃ rü tümamaxã cumecüma.

Wiyaegü 27:1

Nüma ya Cori ya Tupana rü chorü omü rü chorü maxẽxẽruxü̃ nixĩ. ¿Rü texéxü̃ tá nixĩ i chamuü̃xü̃? Rü nüma ya Cori nixĩ i ínapoxü̃ãxü̃ i chorü maxü̃. ¿Rü texéxü̃ tá nixĩ i chamuü̃xü̃?

Yochué 7:9

Rü nüma i Canaáü̃tanüxü̃ rü guxü̃ma i duü̃xü̃gü i ñaa naanegu pegüxü̃ rü tá nüxü̃ nacuáchigagü i ngẽma toxü̃ ngupetüxü̃. Rü nüma rü tá wüxigu toxca̱x ínayaxüãchi nax toxü̃ nada̱i̱xü̃ca̱x, rü taxúetama ítayaxǘ i totanüwa. ¿Rü texé tá cuxü̃ ticua̱xüxü̃ rü cuxü̃ tataxẽxẽ i ngẽxguma? —ñanagürü ga Yochué.

Yochué 10:7

Rü yexguma ga Yochué rü Guirigáwa inaxũãchi namaxã ga guxü̃ma ga norü churaragü ga tama muü̃exü̃.

Yochué 10:8

Rü nüma ga Cori ya Tupana rü ñanagürü nüxü̃: —¡Taxṹ i nüxü̃ cumuü̃xü̃! Erü choma rü tá cuxme̱xgu chanayixẽxẽ i ngẽma Amoréutanüxü̃. Rü bai tá i wüxi i cuxü̃ rüporamaexü̃ —ñanagürü.

Yeremía 49:3

Rü ñanagürü ta: —¡Naxaxu Pa Ĩane ya Ebóü̃x! Erü yima ĩane ya Ái rü marü nagu napogüe. ¡Pexauxe, Pa Ngexü̃güx i Rabácüã̱x! ¡Rü ngechaü̃chirugu picu̱xgü! ¡Rü perü ngechaü̃maxã pegüremügu pecüxgüe! ¡Rü nu ne penaxü ñoma wüxi i ãũãẽxü̃rüxü̃! Erü ngẽma perü tupananeta rü to i nachixü̃anewa nanangegü wüxigu namaxã i norü chacherdótegü rü ngẽma duü̃xü̃gü i tachigagüxü̃.

Wenaxarü naxümatü ga Tupanaarü mugü 7:21

¡Rü ngẽmaca̱x taxṹ i nüxü̃ pemuü̃exü̃! Erü yimá perü Cori ya Tupana rü Tupana ya poraxüchicü rü ãũcümaxü̃chicü nixĩ, rü nüma rü petanüwa nangẽxma.

Yochué 2:24

Rü ñanagürügü: —Nüma ya Cori ya Tupana rü marü tüxna nanaxã i guxü̃ma i ngẽma naane. Rü ngẽmaca̱x i guxü̃ma i ngẽma nachixü̃anecüã̱x i duü̃xü̃gü rü poraãcü tüxü̃ namuü̃e —ñanagürügü.