Yochué 7:8 - Tupanaarü Ore

⁸ Pa Corix, ¿Ta̱xacü tá chaxüxü̃ i ñu̱xmax? Erü nüma i Iraétanüxü̃ rü marü norü uanücha̱xwa nibuxmü.

Yochué 7:8 Referans Kwoze

Abacú 2:1

Nüma ga Abacú rü ñanagürü: —Choma rü tá íchaxuãxẽ, ñoma wüxi i dauxü̃taexü̃rüxü̃, nax ngẽmaãcü nüxü̃ chacuáxü̃ca̱x rü ta̱xacümaxã tá choxü̃ nangãxü̃ ya Tupana naxca̱x i ngẽma naxca̱x íchaca̱xaxü̃ —ñachagürü.

Édra 9:10

Natürü i ñu̱xmax, Pa Tupanax ¿rü ta̱xacüxü̃ tá cumaxã tixu nawena i guxü̃ma i ngẽma chixexü̃ i taxüxü̃? Erü aixcüma nixĩ nax tama naga taxĩnüexü̃ i curü mugü.

Yochué 7:7

Rü nüma ga Yochué rü ñanagürü: —Pa Corix, ¿tü̱xcüü̃ cuyachoü̃xẽxẽ ga ñaa duü̃xü̃gü ga natü ga Yudáü̃wa? ¿Ẽ̱xna Amoréutanüxü̃me̱xẽgu toxü̃ cuyixẽxẽxü̃ca̱x nixĩ i nua toxü̃ cugagüxü̃ nax ngẽmaãcü toxü̃ nada̱i̱xü̃ca̱x? Rü narümemae chi nixĩ ga natü ga Yudáü̃arü tocutüwa chitama tangexmagüxü̃.

Yochué 7:9

Rü nüma i Canaáü̃tanüxü̃ rü guxü̃ma i duü̃xü̃gü i ñaa naanegu pegüxü̃ rü tá nüxü̃ nacuáchigagü i ngẽma toxü̃ ngupetüxü̃. Rü nüma rü tá wüxigu toxca̱x ínayaxüãchi nax toxü̃ nada̱i̱xü̃ca̱x, rü taxúetama ítayaxǘ i totanüwa. ¿Rü texé tá cuxü̃ ticua̱xüxü̃ rü cuxü̃ tataxẽxẽ i ngẽxguma? —ñanagürü ga Yochué.

1 Chamué 4:3

Rü yexguma yema ínapegüxü̃ca̱x nawoegu̱xgu ga Iraéanecüã̱xgüarü churaragü rü yema Iraéanearü ãẽ̱xgacügü rü ñanagürügü nügümaxã: —¿Tü̱xcüü̃ i ñu̱xma ya Tupana i Firitéugüxü̃ naxüchicaxü̃ nax tüxü̃ naporamaegüxü̃ca̱x? ¡Rü ngĩxã Chilówa taxĩ rü tayayaxu i ngẽma baú i Cori ya Tupanaarü mugü nawa ngẽxmaxü̃ nax ngẽmaãcü i nüma rü tatanüwa nangẽxmaxü̃ca̱x rü tüxü̃ ínapoxü̃xü̃ca̱x nüxna i ngẽma tórü uanügü! —ñanagürügü.

Wiyaegü 44:10

Rü cuma rü nüxü̃́ cunatauxchaxẽxẽ i torü uanügü nax toxü̃ yabuxmüxẽẽxü̃ca̱x. Rü ngẽmaca̱x i ngẽma toxchi aiexü̃ rü toxü̃́ nanade i ngẽma nüma nanaxwa̱xegüxü̃.

Wiyaegü 89:43

Rü ngẽma curü duü̃xü̃güarü tara rü cuyatécaxẽxẽ, rü tama nüxü̃ curüngü̃xẽxẽ i ngẽxguma norü uanügümaxã nügü nadaixgux.