Yochué 7:6 - Tupanaarü Ore

⁶ Rü nüma ga Yochué rü yema Iraétanüxü̃arü ãẽ̱xgacügü rü norü ngechaü̃maxã nügüchirugu nagáugüe rü waixü̃müte̱xemaxã nügü nigügüeru. Rü ñu̱xmachi yema baú ga Tupanaarü mugüchixü̃pe̱xegu nanangücuchitanü ñu̱xmata nayáuane.

Yochué 7:6 Referans Kwoze

Naanearü ügüchiga 37:29

Rü yexguma ínanguxgu ga Rubéü̃ rü íyada̱u̱xgu ga yema ãxmaxü̃wa, rü marü nataxuma ga Yúche ga yéma aixepewa. Rü nüma ga Rubéü̃ rü norü ngechaü̃maxã nügüchirugu nagáugü.

Naanearü ügüchiga 37:34

Rü yexguma ga Acóbu rü nügü narügáutechiru, rü norü ngechaü̃maxã naneca̱x naxaure. Rü ñuxre ga yüxü naxauxecha.

Auxexü̃chiga 2:10

Rü guma ĩane ya Chióü̃arü yaxguã̱xgü rü ngechaü̃maxã waixü̃müanewa narütogü, rü waixü̃müte̱xe nügüeru nagügü, rü naxchiru i techaraxü̃gu nicu̱xgü. Rü pacügü i Yerucharéü̃cüã̱xgü rü ngĩrü ãnemaxã waixü̃müanegu iyangücuchitanü.

2 Chamué 13:31

Rü yexguma yemaxü̃ naxĩnügu ga nüma ga ãẽ̱xgacü rü inachi rü norü ngechaü̃maxã nügüchirugu nagáugü rü waixü̃müanegu nanangücuchi. Rü yexgumarüxü̃ ta ga guxü̃ma ga yema norü churaragüerugü ga naxü̃tawa yexmagüxü̃ rü nügüchirugu nagáugüe.

Iraétanüxü̃arü muxchiga 14:6

Rü nüma ga Yochué rü Caréx ga yema naane ngugügüxü̃ rü norü ngechaü̃maxã nügü narügáutechirugü.

Yema Cuáü̃ nüxü̃ dauxü̃ i yixcüra tá ngupetüxü̃chiga 18:19

Rü norü ngechaü̃maxã nügüétügu tá waixü̃mü nagünagügü, rü tá poraãcü naxauxe, rü tagaãcü ñanagürügü tá: “Nangechaü̃tümüxü̃, nangechaü̃tümüxü̃ ya yima ĩane ya itaxü̃ne. Rü noxri rü norü yemaxü̃gümaxã nügü nimuarü diẽruã̱xẽẽgü ga guxü̃ne ga wapurugüarü yoragü. Natürü i ñu̱xma rü ngürüãchi wüxi i oragutama rü inayarüxo i guxü̃ma i ngẽma.

Ngechuchuarü ngúexü̃gü ga yamugüxü̃arü puracüchiga 14:14

Natürü yexguma nüxü̃ yacua̱xãchitanügu ga Bernabé rü Pauru, rü naxchirugu nagáugüe rü yema muxü̃ma ga duü̃xü̃gütanügu nayaxücu, rü ñaxü̃maxã aita naxüe:

Yox 2:12

Rü yexguma yáxü̃gutama naxĩxgu rü Yoxü̃ nadaugü, rü yema poraãcü nax yada̱xawexü̃ rü tama aixcüma nüxü̃ nacua̱xgü. Rü yemaca̱x inanaxügüe ga aita nax naxüexü̃ rü naxauxexü̃. Rü yema taxü̃ ga ngechaü̃ nax yangegüxü̃gagu rü nügü narügáutechirugü rü mairaxü̃te̱xe nügüerugu nagünagügü.

Yox 1:20

Rü yexguma ga nüma ga Yox rü inachi rü norü ngechaü̃maxã nügüchirugu nagáugü rü nügü rü waixü̃müanegu nayangücuchi rü Tupanaxü̃ nicua̱xüxü̃.

Ester 4:1

Rü yexguma Maduquéu nüxü̃ cua̱xgu ga yema unagüxü̃ rü nügü narügáutechiru yerü poraãcü nangechaü̃. Rü yemaca̱x témüxü̃ ga naxchirugu nicu̱x rü tanimacamaxã nügü nagüeru. Rü guma ĩanegu ínayaxüegu rü tagaãcü aita naxü norü ngechaü̃maxã.

2 Chamué 12:16

Rü nüma ga Dabí rü Tupanana naca naxca̱x ga yema buxü̃, rü naxaure, rü ñaxtüanegumare naca rü yexma nüxü̃ nangupetü ga ñuxre ga chütaxü̃.

2 Chamué 1:12

Rü poraãcü nangechaü̃gü rü naxauxe naxca̱x ga Chaú rü nane ga Yonatáü̃. Rü yexgumarüxü̃ ta naxca̱x naxauxe ga yema muxü̃ ga churaragü ga Iraéanecüã̱xgü ga yuexü̃. Rü yemaca̱x tama nachibüe ñu̱xmata nayáuanemare.

1 Chamué 4:12

Natürü wüxi ga churara ga Bẽyamíü̃tanüxü̃ rü niña ga yema nügü ínadaixü̃wa, rü yematama ngunexü̃gu Chilówa nangu. Rü norü ngechaü̃maxã nügü nayarügáutechiru, rü nügü nabuxeru, rü yemaacü ínangu.

Ãẽ̱xgacügü ga guxchaxü̃güarü mexẽxẽruü̃gü 21:2

Natürü yemawena rü Betégu nangutaque̱xegü, rü yéma Cori ya Tupanape̱xewa nayexmagü ñu̱xmata nachüta. Rü poraãcü nüxü̃́ nangu̱x ga yema Bẽyamíü̃tanüxü̃maxã ngupetüxü̃ rü naxauxe. Rü Cori ya Tupanamaxã narüxutagü rü ñanagürügü:

Ãẽ̱xgacügü ga guxchaxü̃güarü mexẽxẽruü̃gü 20:26

Rü yemaca̱x ga Iraétanüxü̃ rü wenaxarü Betéca̱x nawoegu rü yéma nayaxauxe nape̱xewa ga Tupana. Rü yema ngunexü̃ rü tama nachibüeãcü yéma nayumüxẽgü ñu̱xmata nachüta. Rü yéma Tupanaca̱x ínanagugü ga naeü̃gü rü ãmaregü Tupanaarü ngüxmüxẽẽruxü̃.

Iraétanüxü̃arü muxchiga 16:45

—¡Pixĩgachi natanüwa i ngẽma duü̃xü̃gü, erü ñu̱xma tátama chanadai! —ñanagürü. Rü nüma ga Moiché rü Aróü̃ rü yexgumatama ñaxtüanegu nayangücuchitanü.

Iraétanüxü̃arü muxchiga 16:22

Natürü nüma ga Moiché rü Aróü̃ rü Tupanape̱xegu ñaxtüanegu nanangücuchitanü rü ñanagürügü nüxü̃: —Pa Tupanax, cuma nax cunamaxẽxẽẽxü̃ i guxü̃ma i duü̃xü̃gü, rü tama name i wüxitama i duü̃xü̃arü chixexü̃gagu rü guxü̃ma i duü̃xü̃gümaxã cunu —ñanagürügü.

Yochué 7:7

Rü nüma ga Yochué rü ñanagürü: —Pa Corix, ¿tü̱xcüü̃ cuyachoü̃xẽxẽ ga ñaa duü̃xü̃gü ga natü ga Yudáü̃wa? ¿Ẽ̱xna Amoréutanüxü̃me̱xẽgu toxü̃ cuyixẽxẽxü̃ca̱x nixĩ i nua toxü̃ cugagüxü̃ nax ngẽmaãcü toxü̃ nada̱i̱xü̃ca̱x? Rü narümemae chi nixĩ ga natü ga Yudáü̃arü tocutüwa chitama tangexmagüxü̃.

2 Chamué 1:11

Rü nüma ga Dabí rü yema norü duü̃xü̃gü rü yexguma yema orexü̃ naxĩnüegu rü norü ngechaü̃maxã nügüchirugu nagáugüe.

Norü taxre ga popera ga ãẽ̱xgacügüchiga 22:11

Rü yexguma ãẽ̱xgacü nüxü̃ ĩnügu ga yema Tupanaarü mugü ga poperagu ümatüxü̃, rü poraãcü naxoegaãxẽ rü nügü narügáutechiru.

Norü taxre ga to ga popera ga ãẽ̱xgacügüchiga ümatüxü̃ 34:19

Rü yexguma ãẽ̱xgacü nüxü̃ ĩnügu ga yema Tupanaarü mugü ga poperagu ümatüxü̃, rü norü ĩ̱xãchiãẽmaxã nügü narügáutechiru.

Yox 42:6

Rü ngẽmaca̱x i ñu̱xma rü marü nüxü̃ charüxo ga yema noxri cumaxã nagu charüxĩnüxü̃. Rü ngẽmaca̱x nua waixü̃müte̱xewa rü tanimacate̱xewa charüto —ñanagürü ga Yox.

Ãẽ̱xgacügü ga guxchaxü̃güarü mexẽxẽruü̃gü 11:35

Rü nüma ga Yeté rü yexguma ngĩxü̃ nada̱u̱xgu rü nügü narügáutechiru norü ngechaü̃maxã rü ñanagürü ngĩxü̃: —¡Acha̱xa Pa Chauxacüx, taxüchixü̃ i ngúxü̃ choxna cuxã! Rü cuma nixĩ i ñaa ngúxü̃ choxü̃ quingexẽẽxü̃. Erü choma rü wüxi i uneta Cori ya Tupanamaxã chaxü, rü taxucürüwama chanawomüxẽxẽ —ñanagürü.

2 Chamué 1:2

Natürü norü tomaepü̱x ga ngunexü̃gu, rü yéma Dabíxü̃tawa nangu ga wüxi ga yatü ga Chaú rü norü churaragümaxã íyexmaxü̃wa ne ũxü̃. Rü norü ngechaü̃maxã nügüchirugu nagáugü rü waixü̃mümaxã nügü nabuxeru, rü yemaacü ínangu. Rü yexguma Dabípe̱xewa nanguxgu rü ñaxtüanegu nanangücuchi.

2 Chamué 13:19

Rü yexguma ga ngĩma rü ngĩgüchirugu igáugü rü tanimacamaxã ngĩgü igüeru. Rü ixauxãcüma ngĩgüerugu iyangĩ rü yemaacü namagu iyaxũ.

Édra 10:1

Rü yexguma Édra ñaxtüanegu nayangücuchigu norü to̱xma̱xtawa ga guma Tupanapata ga taxü̃ne, rü yéma naxauxãcüma nayumüxẽ, rü Tupanamaxã nüxü̃ nixu ga duü̃xü̃güarü chixexü̃gü. Rü yexgumayane yéma nangugü ga muxü̃ma ga Iraétanüxü̃ ga yatügü, rü ngexü̃gü, rü buxü̃gü, rü Édraxü̃tagu nangutaque̱xe rü wüxigu poraãcü naxauxe.

Neemía 9:1

Rü gumatama tauemacüarü 24 ga ngunexü̃gu rü nüma ga Iraétanüxü̃ rü nangutaque̱xegü nax aureãcüma nayumüxẽgüxü̃ca̱x. Rü nüxna nixĩgachi ga yema duü̃xü̃gü ga tama Iraétanüxü̃ ixĩgüxü̃. Rü témüxü̃ ga naxchirugu nicu̱xgü rü waixü̃müte̱xe nügüeru nagünagügü. Rü yexma nachigüãcüma Tupanamaxã nüxü̃ nixugüe ga noxrütama chixexü̃gü rü nüxna nacua̱xãchie ga norü o̱xigüarü chixexü̃gü rü ta.

Ester 4:3

Rü yexgumarüxü̃ ta ga wüxichigü ga ĩanewachigü ga ngextá íyanguchigüxü̃wa ga yema mu ga ãẽ̱xgacü üxü̃, rü ga Yudíugü rü poraãcü nanaxĩ̱xãchiãẽtanü. Rü poraãcü nangechaü̃gü rü tama nachibüe rü naxauxe. Rü muxü̃ma ga nümagü rü tanimacate̱xegu napegü rü naxchiru ga témüxü̃gu nicu̱xgü.