Yochué 7:3 - Tupanaarü Ore

³ Rü yexguma nawoegugu, rü Yochuéxü̃ ñanagürügü: —Tama tanaxwa̱xe i guxü̃ i churaragümaxã naxca̱x ítayachoõchi ya yimá ĩane ya Ái, erü 2,000 rüe̱xna 3,000 i churaragümaxã nixĩ i marü yanguxü̃ nax yapu̱xü̃ ya yimá ĩane. ¡Rü taxũtáma guxü̃ i churaragü ngéma cumugü! Erü tama namu i ngẽma duü̃xü̃gü ya yimá ĩanena daugüxü̃ —ñanagürügü.

Yochué 7:3 Referans Kwoze

Norü taxre ga popera ga Pedru ümatüxü̃ 1:10

Rü ngẽmaca̱x, Pa Chauenexẽgüx ya Tupana Pexü̃ Dexe Nax Norü Duü̃xü̃gü Pixĩgüxü̃x, rü name i pora pexügü nax nagu pexĩxü̃ i ngẽma pemaxã nüxü̃ chixuxü̃. Rü ngẽxguma ngẽmaãcü pemaxẽgu rü tagutáma chixexü̃gu peyi rü tagutáma Tupanaxü̃ ípeta̱x.

Norü taxre ga popera ga Pedru ümatüxü̃ 1:5

Rü ngẽmaca̱x penaxwa̱xegü nax pegü peporaexẽẽxü̃ nax perü õétüwa peyaxǘcuchixü̃ i mexü̃ i pecüma. Rü ngẽma pecüma i mexü̃étüwa penaxwa̱xe nax cua̱x pexü̃́ ngẽxmagüxü̃ nax nüxü̃ pecuáxü̃ca̱x i ta̱xacü nixĩ i mexü̃ rü ta̱xacü nixĩ i chixexü̃.

Popera ga Yudíugü ga yaxõgüxü̃ca̱x ümatüxü̃ 4:11

Rü ngẽmaca̱x name nax yigü iporaãẽxẽẽxü̃ nax yaxõgüxü̃ rü naga ixĩnüexü̃ nax ichocuxü̃ca̱x i ngextá Tupana tüxü̃ írüngü̃güxẽẽxü̃wa. Erü tama tanaxwa̱xe nax texé ngürüãchi yema nũxcümaü̃güxü̃ ga duü̃xü̃gü ga tama Tupanaga ĩnüexü̃rüxü̃ norü orexü̃ taxoxü̃.

Ore i mexü̃ ga Luca ümatüxü̃ 13:24

—Dauxü̃guxü̃ i naanearü ĩã̱x rü naxíraxüchi. ¡Rü paxa naxca̱x pedau nax nawa pichocuxü̃ca̱x! Erü pemaxã nüxü̃ chixu rü muxũchixü̃ma i duü̃xü̃gü tá nüxü̃́ nangúchaü̃ nax nawa yachocuxü̃, natürü taxũtáma nawa nangu nax nawa yachocuxü̃.

Ucu̱xẽgüchiga 21:25

Ngẽma duü̃xü̃ i oxü̃, rü norü ngúchaü̃maregu nayu, erü tama napuracüchaü̃.

Ucu̱xẽgüchiga 13:4

Ngẽma oxü̃, rü nüxü̃́ nangúchaü̃mare i ngẽmaxü̃gü, natürü taguma nüxü̃́ nangẽxma. Natürü ngẽma puracüxü̃, rü nüxü̃́ nangẽxma i norü ngẽmaxü̃gü.

Yochué 7:2

Rü nüma ga Yochué rü Yericúwa inanamuãchitanü ga ñuxre ga yatügü nax ĩane ga Áiwa yangugütaegüxü̃ca̱x, rü nüxü̃́ natauxcha nax guma ĩane rü tá nagu nachocuxü̃ca̱x. Rü guma ĩane ga Ái rü ĩane ga Betéarü éstewaama nayexma ga Bex-abéü̃arü ngaicamana. Rü nümagü rü yéma naxĩ rü nayangugütaegü.

Yochué 7:4

Rü 3,000 ga churaragü nixĩ ga Áica̱x íyaxüãchixü̃. Natürü nüma ga yema Áicüã̱x rü Iraétanüxü̃xü̃ narüporamaegü rü nayabuxmüxẽxẽ.