Yochué 7:25 - Tupanaarü Ore

²⁵ Rü Yochué rü Acáü̃xü̃ ñanagürü: —¿Tü̱xcüü̃ chixexü̃ tatanüwa ícunguxẽxẽ? Rü ñu̱xma ya Cori ya Tupana rü ngẽma chixexü̃ tátama nixĩ i cuxna nanguxẽẽxü̃ —ñanagürü. Rü yema ñaxgu ga Yochué, rü guxü̃ma ga Iraétanüxü̃ rü nutamaxã Acáü̃xü̃ rü natanüxü̃xü̃ nadai. Rü ñu̱xũchi natanüwa nanangixichi.

Yochué 7:25 Referans Kwoze

Yochué 6:18

¡Rü ñu̱xma i pemax rü pegüna pedaugü nax tama penayaxuxü̃ i ta̱xacü i norü ngẽmaxü̃ ya yimá ĩanewa ngẽxmaxü̃! Erü nüma ya Cori ya Tupana rü namaxã nanaxuegu ya daa ĩane nax peyanaxoxẽẽxü̃ca̱x rü penadaiãcuxü̃ca̱x. Rü ngẽxguma taxũtáma ngẽmaãcü penaxü̱xgux, rü nüma ya Tupana rü tá chixexü̃ tamaxã naxuegu rü tá chixexü̃ taxca̱x ínangu̱xẽxẽ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 2:7

Rü Zimrí nane nixĩ ga Acáü̃. Rü naé rü Camí iyixĩ. Rü nüma ga Acáü̃ nixĩ ga Iraétanüxü̃étügu guxchaxü̃ nguxẽẽxü̃ ga yexguma tama ínaguãgu ga yemaxü̃gü ga Tupana chu̱xuxü̃.

Lebítanüxü̃arü puracüchiga 24:14

—¡Ngẽma ípepegüxü̃wa ínata̱xüchi i ngẽma yatü i chixexü̃ chauchiga ixugüxü̃! Rü guxü̃ma i ngẽma duü̃xü̃gü i nüxü̃ ĩnüexü̃ nax chixexü̃ chauchiga yaxugüxü̃ rü naerugu tá nanuxme̱x. ¡Rü ngẽmawena rü nutamaxã ípenamuxũchi ñu̱xmata nayu̱x!

Lebítanüxü̃arü puracüchiga 20:2

—¡Iraétanüxü̃maxã nüxü̃ ixu i ñaa chorü mugü!: “Rü ngẽxguma wüxi i Iraétanüxü̃ rüe̱xna wüxi i to i nachixü̃anecüã̱x i petanügu ãpataxü̃ rü ngẽma tupananeta i Molóxca̱x naxacügü tüxü̃ iguxgu, rü name i ngẽma duü̃xü̃gü ya yima ĩanewa maxẽxü̃ noxtacüma nutamaxã ínanamuxũchigü. Rü ngẽmaãcü tá nayama̱xgü.

Popera ga Yudíugü ga yaxõgüxü̃ca̱x ümatüxü̃ 12:15

¡Rü pegüna pedaugü nax taxúema nüxü̃ oxü̃ca̱x i ngẽma ngü̃xẽxẽ ya Tupana norü ngechaü̃maxã pexna ãxü̃! Erü tama tanaxwa̱xe nax texé petanüwa guxchaxü̃ íngu̱xẽẽxü̃ nax ngẽmaãcü ñoma wüxi i nanetü i chixexü̃rüxü̃ toguxexü̃ tachixexẽẽxü̃ nax Cristuna tixũgachixü̃ca̱x.

2 Tesalonicenses 1:6

Rü name nax Tupana ngúxü̃ nüxü̃ yangexẽẽgüxü̃ i ngẽma duü̃xü̃gü i ngúxü̃ pexü̃ ingegüxẽẽxü̃.

Gálatas 5:12

Natürü ngẽma duü̃xü̃gü i pexü̃ chixeãẽgüxü̃ rü pexü̃ ucu̱xẽgüxü̃ nax pegü ípewíü̃cha̱xmüü̃pe̱xechiraü̃xü̃ca̱x, rü ¿tü̱xcüü̃ ẽ̱xna i nümagü i taxũ noxtacüma nügü yacaugüpü̱xücharexexü̃ ta?

Yochué 7:15

Rü yíxema tümaxü̃tagu nüxü̃ iyangaugüxe i ngẽma ngẽmaxü̃gü ga chachu̱xuxü̃, rü tá tüxü̃ nigugü namaxã i tümaxacügü rü guxü̃ma i tümaarü ngẽmaxü̃gü, erü tümagagu chixexü̃ naxca̱x ínangu i Iraétanüxü̃, erü tama naga taxĩnü i chorü mu —ñanagürü ga Tupana.

Wenaxarü naxümatü ga Tupanaarü mugü 21:21

Rü ngẽxguma guxü̃ma i ngẽma duü̃xü̃gü ya yima ĩanewa maxẽxü̃ rü tá nutamaxã ínanamuxũchigü rü ngẽmaãcü tá nayama̱xgü. Rü ngẽmaãcü tá peyanaxoxẽxẽ i ngẽma chixexü̃ i perü ĩanewa ngẽxmaxü̃. Rü ngẽxguma i ngẽma togü i Iraétanüxü̃ nüxü̃ nacua̱xgügu rü tá namuü̃e nax naxügüãxü̃ i chixexü̃.

Wenaxarü naxümatü ga Tupanaarü mugü 13:10

¡Rü nutamaxã ínamuxũchi rü ñu̱xmata nayu̱x i ngẽma duü̃xü̃! Rü ngẽma nixĩ i norü natanü i ngẽma duü̃xü̃ i cuxü̃ ixũgachixẽẽchaü̃xü̃ nüxna ya Cori ya curü Tupana ya Equítuanewa cuxü̃ ínguxuchixẽẽcü ga ngextá mugüruü̃gü íquixĩxü̃wa.

Lebítanüxü̃arü puracüchiga 21:9

Rü ngẽxguma wüxi i chacherdótexacü rü ngexü̃ i naxü̃nemaxã taxexü̃ãcü namaxü̃gu, rü tama ngĩgü ingechaü̃ rü tama ngĩnatüxü̃ ingechaü̃. Rü name i noxtacüma maxãcü ngĩxü̃ pigu.

Lebítanüxü̃arü puracüchiga 20:14

Rü ngẽxguma wüxi i yatüxü̃ rü wüxi i ngexü̃maxã naxãxma̱xgu rü ñu̱xũchi ngĩémaxãtama naxãxma̱xgu, rü wüxi i pecadu i poraãcü chixexü̃ nixĩ i ngẽma naxüxü̃. Rü ngẽmaca̱x i nüma i ngẽma yatü rü ñu̱xũchi ngẽma taxre i ngexü̃gü rü name nax wüxicana maxü̃ãcü ípenaguxü̃. Rü ngẽmaãcü tá petanüwa inarüxo i ngẽma nacüma i chixexü̃.

Naanearü ügüchiga 38:24

Rü nangupetü ga tomaepü̱x ga tauemacü, rü Yudámaxã nüxü̃ nayarüxugüe rü ñanagürügü: —Cuneã̱x i Tamára rü togü i yatügümaxã ipe rü ngẽmaca̱x i ñu̱xma rü ixãxacü rü itacharaü̃ —ñanagürügü. Rü yexguma ga nüma ga Yudá rü aita naxü rü ñanagürü —¡Ípenata̱xüchi rü peyagu! —ñanagürü.

Naanearü ügüchiga 34:30

Rü yexguma nüma ga Acóbu rü nanegü ga Chimeóü̃xü̃ rü Lebíxü̃ nanga rü ñanagürü: —Pemax i ñu̱xmax rü taxü̃ i guxchawa choxü̃ pengexmaxẽxẽ. Rü ñu̱xmax i ngẽma duü̃xü̃gü i ñaa naanewa maxẽxü̃ i Canaáü̃cüã̱xgü, rü Ferechéugü rü tá chauxchi naxaie. Rü nügü tá cha̱u̱xca̱x nanutaque̱xe rü tá cha̱u̱xca̱x ínayaxüãchi. Rü ñu̱xma nax noxretama i yatügü choxü̃́ ngẽxmaxü̃ rü tá choxü̃ nima̱x wüxigu namaxã i guxü̃ma i chopatacüã̱xgü —ñanagürü.

1 Chamué 14:29

Rü nüma ga Yonatáü̃ rü nanangãxü̃ rü ñanagürü: —Chaunatü rü poraãcüxüchima Iraétanüxü̃maxã chixexü̃ naxü. Dücax i chomax nax íxrane ya berure nax changṍxü̃ rü choxü̃ naporaxẽxẽ.

Wenaxarü naxümatü ga Tupanaarü mugü 13:11

Rü ngẽmaãcü guxü̃ma i Iraétanüxü̃ rü tá nüxü̃ naxĩnüe i ngẽma ngupetüxü̃chiga, rü tá poraãcü namuü̃e. Rü tagutáma wena texé tanaxüchaü̃ i nangexgumaraxü̃xü̃ i chixexü̃.

Ucu̱xẽgüchiga 1:19

Rü ngẽma duü̃xü̃gü i naxca̱x ñu̱xãẽgüxü̃ nax ngĩ́ãcü nanutaque̱xeãxü̃ i norü ngẽmaxü̃gü, rü ngẽma norü chixexü̃gagu tá nayue.

Ucu̱xẽgüchiga 15:27

Yíxema womüxẽẽxãcüma naxca̱x dauxe nax tadiẽruã́xü̃, rü nagu tayanachixexẽxẽ i tümapatacüã̱xgü, Natürü ngẽma ãẽ̱xgacü i nüxü̃ oxü̃ nax texé nüxü̃́ naxütanüxü̃ ega guxchaxü̃ namexẽẽgu, rü tá namaxü̃.