Yochué 7:21 - Tupanaarü Ore

²¹ Rü Yericúwa nüxü̃ chadau ga wüxi ga mexẽchixü̃ ga naxchiru ga Babiróniacüã̱xarü ü rü 200 tachinü ga diẽru, rü wüximena̱xã ga úiru ga ngãxü̃ ga quíruarü yexera yaxü̃. Rü choxü̃́ nangúchaü̃ ga yema yemaxü̃gü, rü yemaca̱x chaugüxü̃́ chanade, rü chauchiü̃machiãgu chanata̱xgü. Rü ngẽma diẽrutachinügü rü aixepeguama chananu —ñanagürü.

Yochué 7:21 Referans Kwoze

Popera ga Chantiágu ümatüxü̃ 1:15

Rü ngẽma chixexü̃ i tümatama nagu tarüxĩnüxü̃ nixĩ i tüxü̃ pecaduã̱xẽẽxü̃. Rü ngẽma pecadugagu nixĩ i düxwa itayarütaxuxü̃.

Ore i mexü̃ ga Luca ümatüxü̃ 12:15

Rü ñanagürü ta ga Ngechuchu: —¡Pexuãxẽ nax tama pexü̃́ nangúchaü̃xü̃ca̱x i togüarü ngẽmaxü̃! Erü wüxi i duü̃xü̃ rü tama ngẽma nax namuarü ngẽmaxü̃ã́xü̃ca̱x nixĩ i naya̱u̱xãxü̃ i norü maxü̃ —ñanagürü.

Wiyaegü 119:37

¡Rü choxna yaxũgachixẽxẽ i ngẽma ĩnü i natüca̱xmamare ixĩxü̃ nax ngẽmaãcü curü ĩnügurica chixũxü̃ca̱x!

Norü taxre ga popera ga Pedru ümatüxü̃ 2:15

Rü ngẽma ngu̱xẽẽruü̃netagü rü tama nagu naxĩ i ngẽma Tupana nüxü̃́ naxwa̱xexü̃, rü ngẽmaca̱x inayarütauxe. Rü nagu naxĩ ga yema chixexü̃ ga nagu yaxũxü̃ ga nũxcümaü̃xü̃ ga Balaáü̃ ga Bochú nane ga chixexü̃gu diẽru ngĩxü̃ yauxchaü̃xü̃.

Wenaxarü naxümatü ga Tupanaarü mugü 7:25

Pemax rü tá ípenagu i ngẽma norü tupananetachicüna̱xãgü, natürü taxũtáma pegüaxü̃́ penade i ngẽma úiru rü diẽrumü i namaxã yatüxünexü̃. Erü ngẽxguma pegüaxü̃́ penadexgu rü wüxi i taxü̃ i chixexü̃ tá pexü i Cori ya Tupanape̱xewa.

Popera ga Yudíugü ga yaxõgüxü̃ca̱x ümatüxü̃ 13:5

Rü tama name nax diẽruguama perüxĩnüexü̃. Rü name nixĩ i namaxã petaãẽgü i ngẽma marü pexü̃́ ngẽxmaxü̃. Yerü Tupana rü ñanagürü: “Tagutáma cuxna chixũ, rü tagutáma cuxü̃ íchata̱x”, ñanagürü.

Ucu̱xẽgüchiga 28:22

Ngẽma paxa nügü muarü diẽruã̱xẽẽchaü̃xü̃, rü tama nagu narüxĩnü, rü wüxi i ngunexü̃ rü tá naxca̱x ínangu nax nangearü diẽruã́xü̃.

2 Chamué 11:2

Rü wüxi ga yáuanecü ga yexguma pewa ínadaxgu ga Dabí, rü guma napataarü doxétüxü̃gu naxĩnagü rü yexma ínixũãchixü̃. Rü yexguma guma ĩaneétü ínadawenügu, rü ngĩxü̃ nadau ga wüxi ga nge ga mexẽchicü ga yéma aiyacü.

Naanearü ügüchiga 6:2

Rü yexguma Tupanaarü duü̃xü̃gü ngĩxü̃ daugügu ga yema ngecügü nax yamexẽchixü̃, rü ngĩxü̃ nidexechi ga yema nüxü̃́ ngúchaü̃cü nax ngĩmaxã yaxãmaxü̃ca̱x.

Naanearü ügüchiga 3:6

Rü yexguma ga yema nge rü nüxü̃ idawenü ga yema nanetüarü o rü ngĩxü̃́ nangúchaü̃ ga nax nangṍoxü̃ nax yemaacü cua̱x ngĩxü̃́ yexmaxü̃ca̱x. Rü iyacawe ga wüxipü̱xü ga norü o rü inangõ̱x. Rü ñu̱xũchi ngĩtemaxã ingau rü nüma rü ta nanangõ̱x.

Colosenses 3:5

Rü ñu̱xma rü name nixĩ i nüxü̃ perüxoe i guxü̃ma i ñoma i naanearü chixexü̃ i pewa ngẽxmaxü̃. Rü tama name i pema̱xna nai i ngexü̃maxã pemaxẽ, rü tama name i petena nai ya yatümaxã pemaxẽ. Rü tama name i penaxü i pexenearü ngúchaü̃ rü bai i nagu perüxĩnüemarexü̃. Rü tama name i pexü̃́ nangúchaü̃ i ta̱xacürü to i chixexü̃gü. Rü tama name i pexaüexü̃, erü yíxema ngẽma nacüma tüxü̃́ ngẽxmaxe rü namaxã tatupanaã̱x.

Efesios 5:5

Rü aixcüma pemaxã nüxü̃ chixu rü ngẽxguma texé nai i ngexü̃maxã rü ẽ̱xna nai ya yatümaxã tamaxü̃gu, rüẽ̱xna ta̱xacürü ãũãchixü̃ Tupanape̱xewa taxü̱xgu, rü ẽ̱xna taxaügu (rü yíxema ngẽma nacüma tüxü̃́ ngẽxmaxe rü düxwa namaxã tatupanaã̱x) rü taxucürüwama taxãchica i ngextá tórü Cori ya Cristu rü Tanatü ya Tupana ãẽ̱xgacü íixĩxü̃wa.

Efesios 5:3

Rü ñu̱xma nax Tupanaarü duü̃xü̃gü pixĩgüxü̃ rü penaxwa̱xe nax norü duü̃xü̃gü i üünexü̃rüxü̃ mea pemaxẽxü̃. Rü ngẽmaca̱x tama name nax to i ngẽxü̃maxã pemaxẽxü̃, rü ẽ̱xna penaxüxü̃ i ta̱xacürü to i chixexü̃, rü ẽ̱xna pexaüexü̃. Rü bai tá nachiga pidexagüxü̃ i ngẽma chixexü̃gü.

Ore i mexü̃ ga Luca ümatüxü̃ 12:2

Natürü guxü̃ma i ta̱xacü i cúãcü üxü̃ rü tá nango̱xoma. Rü guxü̃ma i ngẽma icúxü̃ rü duü̃xü̃gü rü ta nüxü̃ nacua̱xgüama.

Abacú 2:9

¡Rü pegümaxã pengechaü̃, i pema nax naxca̱x pengĩxü̃maxã penaxüãcuxü̃ ya pepata nax ngẽmamaxã pegü ípepoxü̃güxü̃ca̱x na̱xcha̱xwa i guxü̃ma i ãũcümaxü̃gü!

Ichaía 29:15

¡Rü tügümaxã tangechaü̃gü ya yíxema Cori ya Tupanacha̱xwa tügü icu̱xgüchaü̃xe wüxigu namaxã i tümaarü chixexü̃ i ẽanexü̃wa taxügüxü̃! Erü ñatagürügü: —Taxúema tüxü̃ tadau rü taxúema nüxü̃ tacua̱x i ngẽma ixügüxü̃ —ñatagürügü.

Ichaía 28:15

Pemax rü ñaperügügü: —Taxucürüwa i torü uanü toxü̃ nadai erü marü wüxi i uneta taxü nax tama tayuexü̃ca̱x rü togü toxü̃ ínapoxü̃xü̃ca̱x —ñaperügügü. Natürü ngẽma uneta rü yuwa tá pexü̃ nagagü erü wüxi i womüxẽẽmare nixĩ.

Ucu̱xẽgüchiga 23:31

¡Taxṹ i nüxü̃ cudawenüxü̃ ya yimá bínu ya dauxchiücü ya copuwa iyi̱xachíücü, erü tá cuxü̃́ nachi̱xéga rü tauxchaãcü cuyaxaxü!

Ucu̱xẽgüchiga 4:23

¡Ñoma i naanewa rü guxü̃arü yexera nüxna nadau i curü ĩnü, erü ngẽma curü ĩnü nixĩ i maxü̃wa cuxü̃ gaxü̃!

Yox 31:1

Rü nüma ga Yox rü nidexachigüama rü ñanagürü: —Choma rü meama chaugüna chayanuxü̃ nax tama choxü̃́ nangúchaü̃xü̃ca̱x i pacügü.

Ínachoxü̃xü̃chiga 20:17

¡Rü taxũtáma cugüxü̃́ cunangúchaü̃xẽxẽ ya cumücüpata, rüe̱xna naxma̱x, rüe̱xna norü puracütanüxü̃, rüe̱xna naxü̃taxü̃, rüe̱xna norü wocagü, rüe̱xna norü búrugü, rü bai i ta̱xacü i noxrü ixĩxü̃! —ñanagürü ga Tupana.

Naanearü ügüchiga 10:10

Rü guma ĩanegü ga itaxü̃ne ga Nimróxme̱xẽwa yexmagüne rü ĩanegü ga Babé rü Érex, rü Acáx rü Canéx nixĩ. Rü guma ĩanegü rü naane ga Chináxwa nayexmagü.

Yochué 7:20

Rü Acáü̃ nanangãxü̃ rü ñanagürü: —Aixcüma nüxü̃ chixu, rü chixexü̃ chaxü namaxã ya Cori ya Iraétanüxü̃arü Tupana. Rü ñaa nixĩ i ngẽma chaxüxü̃.

Yochué 7:22

Rü yexgumatama ga Yochué rü Acáü̃chiü̃wa nanamugü ga ñuxre ga yatügü, rü yexma nüxü̃ nayangaugü ga yema yemaxü̃gü ga yexma icu̱xgüxü̃ namaxã ga yema diẽru ga natüü̃guama nuxü̃.

Norü taxre ga popera ga ãẽ̱xgacügüchiga 7:8

Rü nüma ga yema rüchaxünegüxü̃ rü yexguma yema Chíriaanearü churaragüpatagüpechinüwa nangugügu, rü nagu nachocu ga wüxi ga norü düxenü. Rü õnaxü̃ yéma nayangaugü rü nachibüe rü naxaxegü. Rü yéma nanade ga diẽru rü úiru rü naxchiru. Rü ñu̱xũchi nayanacu̱xgü. Rü yemawena inaxĩ rü nai ga düxenügu nachocu. Rü yéma rü ta nanade ga yemaxü̃gü rü yema rü ta inayanacu̱xgü.

Naanearü ügüchiga 34:27

Rü yéma nangugü ta ga yema togü ga Acóbu nanegü. Rü naétüwa nachopetü ga yema yuexü̃, rü nanade ga guxü̃ma ga yemaxü̃gü ga guma ĩanewa yexmagüxü̃. Rü yemaacü nayangutanüxẽẽgü ga yema Dínaxü̃ ngupetüxü̃. Rü nayagagü ga guxü̃ma ga carnérugü rü wocagü rü búrugü ga guma ĩanewa rü yema naanewa yexmagüxü̃.

Ucu̱xẽgüchiga 1:19

Rü ngẽma duü̃xü̃gü i naxca̱x ñu̱xãẽgüxü̃ nax ngĩ́ãcü nanutaque̱xeãxü̃ i norü ngẽmaxü̃gü, rü ngẽma norü chixexü̃gagu tá nayue.