Yochué 7:2 - Tupanaarü Ore

² Rü nüma ga Yochué rü Yericúwa inanamuãchitanü ga ñuxre ga yatügü nax ĩane ga Áiwa yangugütaegüxü̃ca̱x, rü nüxü̃́ natauxcha nax guma ĩane rü tá nagu nachocuxü̃ca̱x. Rü guma ĩane ga Ái rü ĩane ga Betéarü éstewaama nayexma ga Bex-abéü̃arü ngaicamana. Rü nümagü rü yéma naxĩ rü nayangugütaegü.

Yochué 7:2 Referans Kwoze

Yochué 18:12

Rü norü üyeane ga yema naane rü nórtewaama inaxügü ga natü ga Yudáü̃wa. Rü Yericúarü nórtewaama nada rü ínamáxpü̱xanexü̃gu nida ga oéstewaama. Rü naxnücüanexü̃ ga Bex-abéü̃wa nangu.

Ochéa 4:15

Pa Iraéanecüã̱xgüx, pema rü woo nüxü̃ picua̱xüü̃güamagu i ngẽma tupananetagü, natürü tama chanaxwa̱xe nax ngẽma Yudáanecüã̱xgü rü ta nagu naxĩxü̃ i ngẽma nacümagü i chixexü̃. ¡Rü taxṹ i nüxü̃ picua̱xüü̃güxü̃ i ngẽma naxchicüna̱xãgü i Guirigáwa rü Bex-abéü̃wa ngẽxmagüxü̃! ¡Rü taxṹ i chauégagu ipexunetaxü̃!

1 Chamué 14:23

Rü yema nügü nax nada̱i̱xü̃ rü ñu̱xmata Bex-abéü̃wa nangu. Rü nüma ya Cori ya Tupana rü yema ngunexü̃gu Iraétanüxü̃xü̃ ínanguxü̃xẽxẽ.

1 Chamué 13:5

Rü nüma ga Firitéugü rü nügü nanutaque̱xe nax nügü nada̱i̱xü̃ca̱x namaxã ga Iraéanearü churaragü. Rü nüxü̃́ nayexma ga 30,000 ga daixwexü̃ ga carugü ga cowaru itúgüne, rü 6,000 ga churaragü ga cowarugu ĩxü̃, rü ñu̱xũchi muxũchixü̃ ga churaragü ga nacutügumare ĩxü̃. Rü norü mu ga yema churaragü rü ñoma márpechinüwa ngẽxmacü ya naxnücüte̱xerüxü̃ nixĩ i norü mu. Rü guxü̃ma ga yemagü rü Mixmáwa naxĩ rü yexma napegü ga Bex-abéü̃arü éstewaama.

Ore i mexü̃ ga Matéu ümatüxü̃ 10:16

Dücax, choma rü ñoma carnérugü i airugü i düraexü̃tanüwa imugüxü̃rüxü̃ pexü̃ chamugü. ¡Rü ngẽmaca̱x penaxwa̱xe i ãxtapegürüxü̃ pexuãẽgü, natürü muxtucugürüxü̃ taxuxü̃ma i chixexü̃ pexügü!

Ucu̱xẽgüchiga 24:6

Yíxema daiwa ũxchaü̃xe rü tanaxwa̱xe i meama nagu tarüxĩnü rü tanangugü nax ñuxãcü tanaxüxü̃ i ngẽma dai. Rü ngẽma nax tarüporamaexü̃ca̱x rü tanaxwa̱xe i muxü̃ma i ucu̱xẽruü̃gü. -22-

Ucu̱xẽgüchiga 20:18

Ngẽxguma ta̱xacü cuxüxchaü̃gu, rü name i toguxena ucu̱xẽca̱x cuca, nax mea ínanguxuchixü̃ca̱x i ngẽma nagu curüxĩnüxü̃. Rü ngẽxguma daiwa cuxũxchaü̃gu, rü name i mea cunangugü nax ñuxãcü tá naxca̱x ícuyaxüãchixü̃ i ngẽma curü uanü.

Naanearü ügüchiga 12:8

Rü yemawena rü yema ínamáxpü̱xanexü̃waama naxũ ga Betéarü ĩanearü éstewaama, rü yexma naxãchiü̃. Rü yema nachica rü ĩane ga Beté rü ĩane ga Áiarü ngãxü̃wa nayexma. Rü yexma nanaxü ga wüxi ga ãmarearü guruxü̃ rü yéma nayumüxẽ rü Tupanaarü ngü̃xẽẽca̱x ínaca.

Efesios 5:15

Rü ngẽmaca̱x name nixĩ i pegüna pedaugü rü mea pemaxẽ. ¡Rü taxṹ i ngẽma duü̃xü̃gü i naechitamare maxü̃xü̃ãcü pemaxẽxü̃! Rü name nixĩ i duü̃xü̃gü i mea naãxẽxü̃ cuáxü̃ãcü pemaxẽxü̃.

Neemía 11:31

Rü yema Bẽyamíü̃tanüxü̃ rü daa ĩanegügu naxãchiü̃gü: ĩanegü ga Guébagu, rü Mixmágu, rü Aíagu, rü Betégu rü norü ĩanexacügügu,

Yochué 12:9

Rü yema ãẽ̱xgacügü ga Yochué rü Iraétanüxü̃ daixü̃ rü ñaagü nixĩ:

Yochué 2:1

Rü yexguma Chitíü̃wa nayexmagügu, rü nüma ga Yochué rü bexma inanamuãchitanü ga taxre ga ngugütaeruü̃gü, rü ñanagürü nüxü̃: —¡Ẽcü peyangugü i ngẽma naane i Yudáü̃arü tocutüwa ngẽxmaxü̃ rü ñu̱xmata yima ĩane ya Yericúwa pengugü! —ñanagürü. Rü nüma ga yema taxre rü inaxĩãchi, rü ngĩpatawa nangugü ga wüxi ga nge ga naxü̃nemaxã taxexü̃ ga Yericúgu ãpatacü. Rü Raá nixĩ ga ngĩéga. Rü ngĩma rü ngĩpatagu inapegüxẽxẽ ga yema chütaxü̃.

Naanearü ügüchiga 28:19

Rü yema nachicawa rü nũxcüma rü nayexma ga wüxi ga ĩane ga Lúxgu ãégane. Natürü nüma ga Acóbu rü nanaxüchicüxü ga naéga ga yema nachica, rü Betégu nanaxüéga.

Yochué 7:3

Rü yexguma nawoegugu, rü Yochuéxü̃ ñanagürügü: —Tama tanaxwa̱xe i guxü̃ i churaragümaxã naxca̱x ítayachoõchi ya yimá ĩane ya Ái, erü 2,000 rüe̱xna 3,000 i churaragümaxã nixĩ i marü yanguxü̃ nax yapu̱xü̃ ya yimá ĩane. ¡Rü taxũtáma guxü̃ i churaragü ngéma cumugü! Erü tama namu i ngẽma duü̃xü̃gü ya yimá ĩanena daugüxü̃ —ñanagürügü.

1 Chamué 30:27

Rü norü ãmare naxca̱x yéma namugü ta ga yema ãẽ̱xgacügü ga Betéwa yexmagüxü̃, rü ĩane ga Ramóx ga Négueanewa yexmagüxü̃, rü Yatíxwa yexmagüxü̃, rü Aroéwa yexmagüxü̃, rü Chimóxwa yexmagüxü̃, rü Etemóawa yexmagüxü̃.

Yeremía 49:3

Rü ñanagürü ta: —¡Naxaxu Pa Ĩane ya Ebóü̃x! Erü yima ĩane ya Ái rü marü nagu napogüe. ¡Pexauxe, Pa Ngexü̃güx i Rabácüã̱x! ¡Rü ngechaü̃chirugu picu̱xgü! ¡Rü perü ngechaü̃maxã pegüremügu pecüxgüe! ¡Rü nu ne penaxü ñoma wüxi i ãũãẽxü̃rüxü̃! Erü ngẽma perü tupananeta rü to i nachixü̃anewa nanangegü wüxigu namaxã i norü chacherdótegü rü ngẽma duü̃xü̃gü i tachigagüxü̃.

Nüxíraxü̃xü̃ ga popera ga ãẽ̱xgacügüchiga 12:29

Rü yexguma rü ĩane ga Betégu nanaxǘ ga wüxi ga yema wocaxacüchicüna̱xã, rü yema to rü ĩane ga Dáü̃gu nanaxǘ.

Ichaía 10:28

Rü ngẽma Achíriaanearü churaragü rü Rimóü̃wa nixĩ ne naxĩxü̃, rü Aiáwa nangugü. Rü ñu̱xma rü marü Migróü̃xü̃ nachopetü, rü Mixmágu nananu i naxwetagü.