Yochué 7:12 - Tupanaarü Ore

¹² Rü ngẽmaca̱x i pemax i Iraétanüxü̃ rü taxucürüwama nüxü̃ perüporamae i perü uanügü. Rü naxcha̱xwa tá pibuxmü rü pegagutama nixĩ i namexü̃ i noxtacüma peyuexü̃. Rü ngẽxguma i pema i ñu̱xma rü tama paxa ípenaguxgu i ngẽma pexna chachu̱xuxü̃, rü marü taxũtáma petanüwa changexma.

Yochué 7:12 Referans Kwoze

Ichaía 59:2

Natürü yema perü chixexü̃gü ga pexüxü̃ rü Tupanacha̱xwa pexü̃ nitoxyepe̱xe. Rü ngẽma perü pecadugügagu pexcha̱xwa nügü nidüxchametü ya Tupana nax ngẽmaãcü tama pexü̃ naxĩnüxü̃ca̱x.

Ãẽ̱xgacügü ga guxchaxü̃güarü mexẽxẽruü̃gü 2:14

Rü yemaca̱x ga nüma ga Cori ya Tupana rü poraãcü yema Iraétanüxü̃maxã nanu rü nüxna nixũgachi nax yema ingĩ́ta̱a̱xgüxü̃ rü norü yemaxü̃güca̱x nangĩ̱xgüxü̃ca̱x, rü yema norü uanügü ga Iraéanearü ngaicamagu ngẽxmagüxü̃ rü guxü̃guma nüxü̃ naporamaegüxü̃ca̱x. Rü nüma ga Iraétanüxü̃ rü taxucürüwama nügü ínapoxü̃gü.

Iraétanüxü̃arü muxchiga 14:45

Natürü yexguma yema ma̱xpǘneanewa nangugügu rü nümagü ga Amaréxtanüxü̃ rü Canaáü̃tanüxü̃ ga yexma ãchiü̃güxü̃ rü Iraétanüxü̃xü̃ nadai. Rü nawe nangẽgü rü ñu̱xmata Ormáwa nayawogü. Rü yemaacü nüxü̃ narüporamaegü.

Yochué 6:18

¡Rü ñu̱xma i pemax rü pegüna pedaugü nax tama penayaxuxü̃ i ta̱xacü i norü ngẽmaxü̃ ya yimá ĩanewa ngẽxmaxü̃! Erü nüma ya Cori ya Tupana rü namaxã nanaxuegu ya daa ĩane nax peyanaxoxẽẽxü̃ca̱x rü penadaiãcuxü̃ca̱x. Rü ngẽxguma taxũtáma ngẽmaãcü penaxü̱xgux, rü nüma ya Tupana rü tá chixexü̃ tamaxã naxuegu rü tá chixexü̃ taxca̱x ínangu̱xẽxẽ.

Wenaxarü naxümatü ga Tupanaarü mugü 7:26

Rü ngẽmaca̱x ¡taxṹ i pepatawa penangexü̃ i ngẽma úiru rü diẽrumü ya Tupana pexna chu̱xuxü̃ nax tama ipeyarüxogüxü̃ca̱x i pema rü ta! Rü ngẽmagü rü tá ípenagu. Erü Tupana naxchi naxai i guxü̃ma i ngẽma tupananetachicüna̱xãgü rü ngẽxgumarüxü̃ ta i pema rü penaxwa̱xe nax nüxü̃ pexoexü̃ —ñanagürü ga Moiché.

Abacú 1:13

Rü cumax, Pa Tupanax, nax aixcüma üünecü quixĩxü̃ rü tama yáxna namaxã cuxĩnü i ngẽma chixexü̃ rü tama namaxã cutaãxẽ i ngẽma duü̃xü̃gü i chixexü̃ ügüxü̃. ¿Rü ñuxũcürüwa i cunangexrü rü taxu ñacurügümare i ñu̱xma nax toxü̃ nada̱i̱xü̃ i ngẽma Cadéuanecüã̱xgü i torü yexera chixexü̃ ügüxü̃?

Ochéa 9:12

Rü woo ngẽxguma yaxãxacügügu, rü choma rü tá nüxna chanayaxu i norü maxü̃ rü tá nayue. Rü ngẽxguma nüxna chixũgachigu i ngẽma Iraéanecüã̱xgü rü naxca̱x rü tá wüxi i taxü̃ i ngechaü̃ nixĩ.

Yeremía 23:33

Cori ya Tupana rü Yeremíaxü̃ ñanagürü: —Pa Yeremíax, ngẽxguma duü̃xü̃gü cuxna cagügu, rüe̱xna wüxi i orearü uruxü̃neta cuxna caxgux, rüe̱xna wüxi i chacherdóte cuxna caxgux rü ñaxgu cuxü̃: “¿Ta̱xacü rü orexü̃ cumaxã nixu ya Tupana i to̱xca̱x?” ñaxgu cuxü̃, rü ñaãcü tá cunangãxü̃: “Ñaa nixĩ i ngẽma ore ya Tupana chomaxã nüxü̃ ixuxü̃ rü ñanagürü pexü̃: ‘Choma rü tá pexü̃ íchawogü’ ”, ñanagürü ya Tupana.

Yeremía 6:8

¡Pa Yerucharéü̃cüã̱xgüx, nüxü̃ perüxoe i ngẽma chixexü̃ i pecümagü nax tama pexna chixũgachixü̃ca̱x! Erü ngẽxguma tama nüxü̃ perüxoegu rü choma rü tá pexü̃ íchawogü rü perü ĩane rü wüxi i chianexü̃ tá chayaxĩxẽxẽ —ñanagürü.

Ucu̱xẽgüchiga 28:1

Ngẽma chixexü̃ üxü̃, rü niña ega woo taxúema nawe ingẽchigügu. Natürü ngẽma aixcüma mexü̃gu maxü̃xü̃ rü ñoma wüxi ya leóü̃rüxü̃ taxuca̱xma namuü̃.

Ãẽ̱xgacügü ga guxchaxü̃güarü mexẽxẽruü̃gü 2:4

Rü yexguma yagúegagu ga yema Tupanaarü orearü ngeruxü̃ i dauxü̃cüã̱x, rü guxü̃ma ga Iraétanüxü̃ rü naxauxe rü tagaãcü aita naxüe.

Iraétanüxü̃arü muxchiga 14:39

Rü yexguma yema Iraétanüxü̃maxã nüxü̃ yaxuxgu ga Moiché ga yema Cori ya Tupana namaxã nüxü̃ ixuxü̃, rü guxü̃ma ga duü̃xü̃gü rü poraãcü nangechaü̃gü.

Ãẽ̱xgacügü ga guxchaxü̃güarü mexẽxẽruü̃gü 16:20

Rü aita ixü rü ngĩgürügü: —Pa Chanchóü̃x, Firitéugü rü cuxca̱x ínayaxüãchi —ngĩgürügü. Rü nüma ga Chanchóü̃ rü naba̱i̱xãchi. Rü nagu narüxĩnü ga yema togü ga ngunexü̃gurüxü̃ nügü nax ínapoxü̃xü̃, natürü tama nüxü̃ nacua̱x ga Cori ya Tupana rü marü nüxna nax yaxũgachixü̃.

1 Chamué 14:38

Rü yemaca̱x ga Chaú rü ñanagürü: —¡Nua pexĩ i guxãma i pemax i churaragümaxã icua̱xgüxe, rü naxca̱x peda̱u̱x nax texé tixĩ ya yíxema ñu̱xma naxǘxe i ñaa pecadu!

Wiyaegü 44:10

Rü cuma rü nüxü̃́ cunatauxchaxẽxẽ i torü uanügü nax toxü̃ yabuxmüxẽẽxü̃ca̱x. Rü ngẽmaca̱x i ngẽma toxchi aiexü̃ rü toxü̃́ nanade i ngẽma nüma nanaxwa̱xegüxü̃.

Iraétanüxü̃arü muxchiga 14:42

Rü tama name nax ipexĩãmaxü̃, erü ya Cori ya Tupana rü tama napexü̃tagu. Rü ngẽma perü uanügü rü tá pexü̃ narüporamaegü.

Iraétanüxü̃arü muxchiga 14:43

Rü yea pepe̱xewa rü ngéma pexü̃ nananguxẽẽgü i Amaréxtanüxü̃, rü Canaáü̃tanüxü̃ nax pemaxã nügü nada̱i̱xü̃ca̱x rü pexü̃ nayuexẽẽxü̃ca̱x. Erü pema rü nüxna pixĩgachi ya Cori ya Tupana rü ngẽmaca̱x i nüma rü marü tama pexü̃tawa nangẽxma —ñanagürü ga Moiché.