Yochué 6:4 - Tupanaarü Ore4 Rü ngẽma baú i chorü mugü nawa ngẽxmaxü̃pe̱xegu tá naxĩ i 7 i chacherdótegü i carnéruchata̱xcuxremaxã icornétaã́xü̃. Rü ngẽxguma norü 7 i ngunexü̃wa nanguxgu, rü 7 e̱xpü̱xcüna tá yima ĩanexü̃ ípeyachoegu. Rü ngẽxguma tá nixĩ i ngẽma chacherdótegü rü tá norü carnéruchatacu̱xregu yacuegüxü̃. Gade chapit la |
Yochué 6:4
33 Referans Kwoze
¡Natürü taxṹ i namaxã pegü pedaixü̃! ¡Rü ngéma peyachaxãchitanü! Rü tá nüxü̃ pedau nax ñuxãcü ya Tupana rü tá namaxã nügü nada̱i̱xü̃ rü pexü̃ ínapoxü̃xü̃. Pa Yudáanecüã̱xgü rü Pa Yerucharéü̃cüã̱xgüx, ¡taxṹ i pemuü̃exü̃ rü peba̱i̱xãchiexü̃! ¡Rü moxü̃ naxca̱x perüchoxü̃ erü Cori ya Tupana rü tá pemaxã nangẽxma!” —ñanagürü ga Yachié.
Rü yexguma marü duü̃xü̃gümaxã yadexa̱xguwena rü nüxü̃ naxuneta ga ñuxre ga wiyaetanüxü̃ nax nagu yacu̱xgüxü̃ca̱x ga naxchirugü ga üünexü̃. Rü ñu̱xũchi yema churaragüpe̱xegu naxĩ. Rü yemaacü Tupanaxü̃ nicua̱xüü̃güetanü namaxã ga ñaa wiyae ga ñaxü̃: —¡Moxẽ nüxna pexãgü ya Tupana! Erü nüma rü guxü̃guma tüxü̃ nangechaü̃ —ñaxü̃.
Rü norü ngü̃xẽẽruü̃xü̃ ñanagürü: —¡Dauxü̃guamaxü̃ra naxĩnagü, rü márguama yadawenü! —ñanagürü. Rü nüma ga norü duü̃xü̃ rü yéma naxũ rü márétü nayadawenü. Rü yemawena ga yema norü duü̃xü̃ rü ñanagürü: —Nataxuma nixĩ i ta̱xacü —ñanagürü. Natürü ga nüma ga Ería rü nanamu rü ñanagürü: —¡Rü 7 e̱xpü̱xcüna íyadau! —ñanagürü.
Rü ñu̱xũchi nüxü̃ chadau ga wüxi ga Carnéruxacü ga ma̱xwa írüdaxü̃ ga yexma chixü̃ naxü̃tagu ga gumá tochicaxü̃wa rütocü rü norü ngãxü̃tanügu ga yema ãgümücü ga daxũcüã̱x ga maxẽxü̃ rü yema 24 ga ãẽ̱xgacügü. Rü nüxü̃́ nayexma ga 7 ga naxchata̱xcu̱xre rü 7 ga naxetü. Rü gumá 7 ga naxetü rü ngẽma nixĩ i ngẽma 7 i Tupanaãxẽ ya Üünecü i guxü̃wama i ñoma i naanewa namugüxü̃.
Rü ñu̱xma rü tá cumaxã nüxü̃ chixu i ta̱xacüchiga nixĩ ya yimá 7 ya woramacurigü ya chorü tügüneme̱xẽwa nüxü̃ cudaucü rü ngẽma 7 i omüarü üruü̃gü i úirunaxca̱x. Rü yimá 7 ya woramacurigü ya nüxü̃ cudaucü, rü ngẽma nixĩ i ngẽma dauruü̃gü i ngẽma 7 tücumü i yaxõgüxü̃maxã icua̱xgüxü̃. Rü ngẽma 7 i omüarü üruü̃gü rü ngẽma nixĩ i ngẽma 7 tücumü i yaxõgüxü̃”, ñanagürü choxü̃.
Rü choma i Cuáü̃ rü pexca̱x chanaxümatü i pema i 7 tücumügü i yaxõgüxe i Áchiaanewa ngẽxmagüxe. Rü chanaxwa̱xe i pexü̃ narüngü̃xẽxẽ rü pexü̃ nataãẽxẽxẽ ya yimá Tupana ya woetama yexmacü rü ñu̱xma ngẽxmacü rü guxü̃gutáma ngẽxmacü. Rü ngẽxgumarüxü̃ ta chanaxwa̱xe i pexü̃ narüngü̃xẽxẽ rü pexü̃ nataãẽxẽxẽ i ngẽma 7 i Naãxẽgü i Tupanaarü tochicaxü̃pe̱xewa ngẽxmagüxü̃.
Rü nüma ga daxũcüã̱x rü nayadaxẽxẽ ga nax yadexaxü̃ rü ñanagürü: —Rü ñaa nixĩ i Cori ya Tupanaarü ore i Chorobabéca̱x ixĩxü̃ i ñaxü̃: “Tama churaragüarü poramaxã rü bai i ta̱xacürü to i poramaxã, natürü Chauãẽarü poramaxã tá naxü ya chopata ya taxü̃ne” —ñanagürü ya Cori ya Tupana ya Guxãétüwa Ngẽxmacü.
¡Rü ẽcü i ñu̱xma rü 7 i woca i iyatüxü̃ piyauxgü rü 7 i carnérugü rü chorü duü̃ ya Yoxü̃tawa penagagü! ¡Rü yimápe̱xewa perü maxü̃ca̱x penadai rü ípeyagu i ngẽma naxü̃nagü! Rü nüma ya yimá chorü duü̃ ya Yox rü tá pexca̱x nayumüxẽ. Rü choma rü tá nüxü̃́ nüxü̃ chaxĩnü i norü yumüxẽ rü taxuxü̃táma chixexü̃ pemaxã chaxü woo nax namexü̃ nax pexü̃ chapoxcuexü̃ nagagu nax tama aixcümaxü̃ pixuxü̃ ga chauchiga yimá chorü duü̃ ga Yox nüxü̃ ixuxü̃rüxü̃ —ñanagürü ga Tupana.
¡Rü nagu perüxĩnüe rü tope̱xewa nangẽxmaxü̃ ya Cori ya Tupana! Rü ñu̱xũchi norü chacherdótegü rü marü ínamemaregü nax yacuegüãxü̃ca̱x ya norü cornétagü nax ngẽmaãcü inaxügüxü̃ca̱x nax pemaxã togü tadaixü̃. Rü ngẽmaca̱x, Pa Iraétanüxü̃x, ¡rü taxṹ i namaxã pegü pedaixü̃ ya yima Cori ya nũxcümaü̃güxü̃ i perü o̱xigüarü Tupana ixĩcü! Erü taxũtáma nüxü̃ perüyexeramae —ñanagürü ga Abiáü̃.
Piblisite