Yochué 6:2 - Tupanaarü Ore

² Natürü nüma ga Cori ya Tupana rü Yochuéxü̃ ñanagürü: —Choma rü marü cuxna chanaxã ya Yericú norü ãẽ̱xgacümaxã rü norü churaragümaxã.

Yochué 6:2 Referans Kwoze

Wenaxarü naxümatü ga Tupanaarü mugü 7:24

Rü ngẽma norü ãẽ̱xgacügü rü Tupana rü tá pexme̱xgu nanayixẽxẽ. Rü pema rü tá ngẽxma peyanaxoxẽxẽ rü ñu̱xmatáta ñoma i naanewa taxúema wena nüxna cua̱xãchigü. Rü taxuxü̃táma i nümagü rü pexü̃ narüporamaegü, rü ngẽmaãcü i pema rü guxü̃xü̃táma ipeyarüxoxẽẽgü.

Yochué 8:1

Rü nüma ga Cori ya Tupana rü Yochuéxü̃ ñanagürü: —¡Taxuca̱xma cumuü̃ rü icurümaãchi! ¡Rü inaxũãchi naxca̱x ya yimá ĩane ya Ái, namaxã i guxü̃ma i curü churaragü! Erü choma rü tá pora cuxna chaxã nax yimá ĩane ya Áiarü ãẽ̱xgacüxü̃ rü norü duü̃xü̃güxü̃ curüporamaexü̃ca̱x. Rü yimá norü ĩane rü norü naane rü cuxrü tá nixĩ.

Yochué 2:24

Rü ñanagürügü: —Nüma ya Cori ya Tupana rü marü tüxna nanaxã i guxü̃ma i ngẽma naane. Rü ngẽmaca̱x i guxü̃ma i ngẽma nachixü̃anecüã̱x i duü̃xü̃gü rü poraãcü tüxü̃ namuü̃e —ñanagürügü.

Yochué 2:9

—Choma nüxü̃ chacua̱x rü Cori ya Tupana pexna nanaxã i ñaa naane, rü ngẽmaca̱x i toma rü poraãcü tamuü̃e. Rü ñu̱xma rü guxü̃ma i duü̃xü̃gü i daa ĩanecüã̱x rü poraãcü pexü̃ namuü̃e.

Neemía 9:24

Rü nüma ga torü o̱xigü rü nagu nachocu ga yema Canaáü̃ane rü nanapugü. Rü nape̱xegu cunamaachitanüxẽxẽ ga yema duü̃xü̃gü ga yema naanegu ãchiü̃güxü̃. Rü yema norü ãẽ̱xgacügü rü wüxigu namaxã ga yema duü̃xü̃gü ga yema naanewa maxẽxü̃ rü torü o̱xigüme̱xẽwa cunayexmagüxẽxẽ nax nüma nanaxwa̱xegüxü̃ namaxã naxügüxü̃ca̱x.

Danié 4:17

Rü yema nixĩ ga yema naimaxã naxuegugüxü̃ ga yema ixüünexü̃ ga dauxü̃cüã̱x ga dauruü̃gü ixĩgüxü̃. Yerü nanaxwa̱xegü nax guxü̃ma i duü̃xü̃gü nüxü̃ cua̱xgüxü̃ nax nüma ya Tupana ya Guxãétüwa Ngẽxmacü rü nüxü̃́ nangẽxmaxü̃ i pora nax namaxã inacuáxü̃ i ngẽma nachixü̃anegüarü ãẽ̱xgacügü i ñoma i naanewa ngẽxmagüxü̃. Rü nüma nixĩ i nüxü̃ naxunetaxü̃ i ngẽma nüma nanaxwa̱xexü̃ nax ãẽ̱xgacügü yixĩgüxü̃. Rü nüma rü nüxü̃́ nangẽxma i pora nax nachixü̃anearü ãẽ̱xgacüxü̃ yangucuchixẽẽãxü̃ i ngẽma duü̃xü̃ i noxri taxuxü̃ma ixĩxü̃’, ñanagürü ga yema dauxü̃cüã̱x.

Danié 2:21

Rü nüma rü namaxã inacua̱x i guxü̃ma i ta̱xacü i ngupetüxü̃. Rü nüma nixĩ i yamucuchiaxü̃ rü ínamuxũchiaxü̃ i ãẽ̱xgacügü. Rü nüma nixĩ i cua̱x tüxna naxãxü̃ ya yíxema tümaãẽxü̃ icuáxe rü tüxü̃ nüxü̃ nacua̱xẽẽxü̃ ya yíxema idoeruxe.

2 Chamué 5:19

Rü yemaca̱x nüma ga Dabí rü Tupanana naca rü ñanagürü: —¿Namexü̃ nax chanadaixü̃ i Firitéugü? ¿Rü nüxü̃ chi choxü̃ curüporamaexẽxẽxü̃? —ñanagürü. Rü nüma ga Cori ya Tupana rü Dabíxü̃ nangãxü̃ rü ñanagürü: —¡Ẽcü nadai! Rü choma rü tá nüxü̃ cuxü̃ charüporamaexẽxẽ —ñanagürü.

Ãẽ̱xgacügü ga guxchaxü̃güarü mexẽxẽruü̃gü 11:24

Rü ngẽxguma chi Quemó, ya curü tupana ta̱xacü cuxna ãxgu, rü chi cuxrü nixĩ rü cuxü̃́ nachu̱xu. ¿Tama ẽ̱xna aixcüma yixĩxü̃ i ngẽma? Rü ngẽxgumarüxü̃ ta nixĩ i toma nax toxrü yixĩxü̃ i ngẽma naane i torü Cori ya Tupana toxna ãxü̃.

Ãẽ̱xgacügü ga guxchaxü̃güarü mexẽxẽruü̃gü 11:21

Natürü nüma ga Cori ya Iraétanüxü̃arü Tupana rü pora nüxna naxã ga yema Iraétanüxü̃, rü yemaca̱x Chióü̃xü̃ rü guxü̃ma ga norü churaragüxü̃ narüporamaegü rü nanadai. Rü yemaca̱x ga yema torü o̱xigü ga Iraétanüxü̃ rü nügüxü̃́ nanayaugü ga guxü̃ma ga yema naane ga Amoréutanüxü̃ nawa maxẽxü̃.

Danié 4:35

Rü ngẽma duü̃xü̃gü i ñoma i naanewa maxẽxü̃ rü cupe̱xewa, Pa Tupanax, rü taxuxü̃ma nixĩgü. Rü cuma cunaxwa̱xexü̃ãcü namaxã icucua̱x i dauxü̃guxü̃ i naane rü ñoma i naane. Rü tataxuma ya texé ya curü poraxü̃ rüyexeraxe. Rü tataxuma ya texé ya tüxü̃́ nangẽxmaxe i pora nax cuxna taca̱xaxü̃ rü ‘¿tü̱xcüü̃ cunaxü i ngẽma cuxüxü̃?’ ñachagürü.

Danié 2:44

Rü ngẽma ãẽ̱xgacügü rü ñoma i naanemaxã icua̱xgüguyane rü nüma ya Tupana ya daxũwa ngẽxmacü rü tá nayamucuchi i wüxi i ãẽ̱xgacü i tagutáma texé iyanaxoxẽẽcü rü tagutáma to i nachixü̃ane nüxü̃ rüyexeracü. Rü nüma rü tá inayanaxoxẽxẽ i guxü̃táma i ngẽma togü i ãẽ̱xgacügüarü ĩnü rü ngẽmaãcü i nüma rü guxü̃gutáma ãẽ̱xgacü nixĩ.

Danié 5:18

Rü nüma ya Tupana ya Guxãétüwa Ngẽxmacü, rü cunatü ga Nabucudonochóna nanaxã nax nüma ãẽ̱xgacü ga poracü rü cua̱x nüxü̃́ yexmacü nax yixĩxü̃ca̱x.

Yochué 6:1

Rü taxucürüwama texé Yericúarü ĩanegu taxücu rüe̱xna ítaxũxũ, yerü ga norü poxeguxü̃arü ĩã̱xgü rü narüwãxtagü nax yemaacü taxuwama nachocuxü̃ca̱x ga Iraétanüxü̃.

Yochué 6:3

Rü cuma rü curü churaragü i Iraétanüxü̃maxã rü 6 i ngunexü̃ tá yima ĩanexü̃ ípeyachoegu. Rü wüxichigü i ngunexü̃gu rü wüxi i choegu tá pexügü.

Yochué 12:9

Rü yema ãẽ̱xgacügü ga Yochué rü Iraétanüxü̃ daixü̃ rü ñaagü nixĩ:

Yochué 20:1

Tupana rü Yochuémaxã nidexa rü ñanagürü: —¡Namaxã idexa i Iraétanüxü̃ rü namaxã nüxü̃ ixu nax nüxü̃ naxunetagüxü̃ca̱x ya ĩanegü ya cu̱xchicaxü̃ruxü̃gü ixĩgüne, yema Moichémaxã nüxü̃ chixuxü̃rüxü̃!