Yochué 6:10 - Tupanaarü Ore

¹⁰ Rü nüma ga Yochué rü Iraétanüxü̃na naxãga nax yanachianegüxü̃ca̱x rü bexmamare inaxĩxü̃ca̱x ñu̱xmatáta nüma namua nax guxü̃ma wüxigu poraãcü aita naxüexü̃ca̱x.

Yochué 6:10 Referans Kwoze

Ore i mexü̃ ga Luca ümatüxü̃ 24:49

Rü dücax, choma rü pexca̱x tá chanamu i Naãxẽ ya Üünexü̃ i Chaunatü pexca̱x namaxã ixunetaxü̃. Natürü chanaxwa̱xe i númatátama daa ĩane ya Yerucharéü̃wa pengẽxmagü, ñu̱xmatáta penayauxgü i ngẽma Tupanaãxẽ ya Üünecü i daxũwa ne ũxü̃ i tá pexü̃ poraexẽẽxü̃ —ñanagürü.

Ore i mexü̃ ga Matéu ümatüxü̃ 12:19

Rü tagutáma texémaxã niporagacüü rü tama texémaxã nipura. Rü tagutáma ĩanearü namagüwa nüxü̃ taxĩnü nax natagaxü̃.

Ichaía 42:2

Rü nüma rü namecüma. Rü tagutáma nipura, rü taxúexü̃táma nanga i ĩanemaxü̃güwa.

Ngechuchuarü ngúexü̃gü ga yamugüxü̃arü puracüchiga 1:7

Rü Ngechuchu nanangãxü̃, rü ñanagürü: —Pema rü taxuca̱xma nüxü̃ pecuáxchaü̃ i ñuxgu tá nixĩ i ngẽma ngunexü̃ i choxna naxca̱x pecaxü̃, erü Chaunatüxicatama nüxü̃́ nangẽxma i pora nax nüxü̃ naxunetaxü̃ i ngẽma ngunexü̃.

Ichaía 28:16

Rü ngẽmaca̱x ya Cori ya Tupana rü ñanagürü: —Chióü̃gu tá chanaxǘ ya wüxi ya nuta ya chomatama ichaxunetacü ya mexẽchicü. Rü yimáwa tá nixĩ inaxügüxü̃ i guxü̃ma i ngẽma chaxüxü̃. Rü yíxema nagu iyauxãchíxe rü taxuca̱xma taxoegaãxẽ.

Yochué 6:9

Rü yema churaragü rü chacherdótegüpe̱xegu naxĩ, rü yema togü ga churaragü ga baúarü dauruxü̃ rü wixweama naxãgü. Rü nüma ga chacherdótegü rü norü carnéruchatacu̱xregügu nicuegü rü taguma inarüchianegü.

Yochué 6:11

Rü nüma ga Yochué rü nanamu nax wüxíepü̱xcüna gumá ĩanexü̃ íyachoeguxü̃ namaxã ga yema baú ga Cori ya Tupanaarü mugüchixü̃. Rü yemawena ga duü̃xü̃gü rü nawoegu naxca̱x ga yema ínapegüxü̃wa. Rü yexma nanangupetüxẽẽgü ga chütaxü̃.