Yochué 6:1 - Tupanaarü Ore

¹ Rü taxucürüwama texé Yericúarü ĩanegu taxücu rüe̱xna ítaxũxũ, yerü ga norü poxeguxü̃arü ĩã̱xgü rü narüwãxtagü nax yemaacü taxuwama nachocuxü̃ca̱x ga Iraétanüxü̃.

Yochué 6:1 Referans Kwoze

Yochué 2:24

Rü ñanagürügü: —Nüma ya Cori ya Tupana rü marü tüxna nanaxã i guxü̃ma i ngẽma naane. Rü ngẽmaca̱x i guxü̃ma i ngẽma nachixü̃anecüã̱x i duü̃xü̃gü rü poraãcü tüxü̃ namuü̃e —ñanagürügü.

Wiyaegü 127:1

Rü ngẽxguma chi tama Tupanaarü ngü̃xẽẽmaxã yixĩxgu nax naxüxü̃ ya wüxi ya ĩpata rü natüca̱xmamare chi nixĩ i nawa napuracüexü̃ i ngẽma norü üruü̃gü. Rü ngẽxguma chi nüma ya Cori tama nüxna nada̱u̱xgu ya wüxi ya ĩane rü natüca̱xmamare chi nixĩ i nüxna nadaugüxü̃ i ngẽma norü dauruü̃gü.

Yochué 2:7

Rü guma ĩanearü ãẽ̱xgacüarü churaragü rü yema taxre ga ngugütaeruü̃ca̱x nadaugü nagu ga yema nama ga natü ga Yudáü̃ ínuxtamaxü̃wa nadaxü̃. Rü yexguma yema churaragü íchoxü̃guwenatama, rü nanawãxtagü ga norü ĩã̱x ga guma ĩanearü poxeguxü̃.

Norü taxre ga popera ga ãẽ̱xgacügüchiga 17:4

Natürü nüma ga Achíriaanearü ãẽ̱xgacü ga Chamanachá rü nüxü̃ nacua̱xama nax Ochéa rü bexma Equítuanearü ãẽ̱xgacü ga Chóxmaxã nax nügü naxucu̱xẽgüxü̃ nax Achíriaaneme̱xẽwa ínanguxuchixü̃ca̱x. Rü naétü marü tama nüxü̃́ ngĩxü̃ naxütanü ga yema diẽru ga wüxichigü ga taunecü nüxna ngĩxü̃ naxãgücü. Rü yemaca̱x nüma ga Chamanachá rü norü churaragüxü̃ namu nax Ochéaxü̃ yayauxgüxü̃ca̱x rü napoxcugüãxü̃ca̱x.

Yochué 5:15

Rü nüma ga yema Cori ya Tupanaarü churaragüeru rü Yochuéxü̃ nangãxü̃ rü ñanagürü: —¡Ẽcü ínacua̱xichi i curü chapatu erü ñaa nachica i nawa cungexmaxü̃ rü naxüüne! —ñanagürü. Rü nüma ga Yochué rü naga naxĩnü rü ínacua̱xichiarü chapatuã̱x.

Yochué 6:2

Natürü nüma ga Cori ya Tupana rü Yochuéxü̃ ñanagürü: —Choma rü marü cuxna chanaxã ya Yericú norü ãẽ̱xgacümaxã rü norü churaragümaxã.

Yochué 2:1

Rü yexguma Chitíü̃wa nayexmagügu, rü nüma ga Yochué rü bexma inanamuãchitanü ga taxre ga ngugütaeruü̃gü, rü ñanagürü nüxü̃: —¡Ẽcü peyangugü i ngẽma naane i Yudáü̃arü tocutüwa ngẽxmaxü̃ rü ñu̱xmata yima ĩane ya Yericúwa pengugü! —ñanagürü. Rü nüma ga yema taxre rü inaxĩãchi, rü ngĩpatawa nangugü ga wüxi ga nge ga naxü̃nemaxã taxexü̃ ga Yericúgu ãpatacü. Rü Raá nixĩ ga ngĩéga. Rü ngĩma rü ngĩpatagu inapegüxẽxẽ ga yema chütaxü̃.

Yochué 18:21

Rü guma ĩanegü ga Bẽyamíü̃tanüxü̃na ügüne rü daagü nixĩ: Yericú, Bex-orá, rü Eme-quéchi, rü Bex-arabá, rü Chemaraíü̃, rü Beté, rü Abíü̃, rü Pará, rü Ofá, rü Quéfa-aamuní, rü Oxní, rü Guéba. Rü guxü̃wama rü 12 ga ĩanegü nixĩ rü naétü ga norü ĩanexacügü.

2 Chamué 10:5

Rü yexguma yemaxü̃ nacua̱xgu ga Dabí rü norü duü̃xü̃güxü̃ namu nax norü churaragüeruca̱x yadaugüxü̃ca̱x, erü nüxü̃ nacua̱x nax nümagü rü poraãcü naxãneexü̃. Rü nanamu nax Yericúgutama nachoxü̃ ñu̱xmata naxügüchinagugü rü yexguma nawoegu.

Norü taxre ga popera ga ãẽ̱xgacügüchiga 2:4

Rü yemawena rü nüma ga Ería rü Erichéuxü̃ ñanagürü: —¡Ẽcü nuxã rüxã̱ũ̱x!, erü Cori ya Tupana rü Yericúwa choxü̃ namu —ñanagürü. Natürü nüma ga Erichéu rü nanangãxü̃ rü ñanagürü: —Cori ya Tupanaégagu rü cuégagu cumaxã nüxü̃ chixu rü tagutáma cuxü̃ changemücüxẽxẽ —ñanagürü. Rü yemaca̱x wüxigu nügümaxã Yericúwa naxĩ.