Yochué 5:7 - Tupanaarü Ore

⁷ Rü yemaca̱x nixĩ ga Yochué ga ínawiü̃cha̱xmüü̃pe̱xechiraü̃axü̃ ga yema nanegü ga yema Iraétanüxü̃ ga chianexü̃gu yuexü̃. Yerü nüma ga nanegü rü tama ínawiü̃cha̱xmüü̃pe̱xechiraü̃gü, yerü namagu nibuetanü.

Yochué 5:7 Referans Kwoze

Wenaxarü naxümatü ga Tupanaarü mugü 1:39

Rü woo pema rü nagu perüxĩnüe nax ngẽma perü uanügü tá pexna tüxü̃ puxü̃güxü̃ ya yíxema pexma̱xgü rü pexacügü, natürü yíxema pexacügü ya tauta tümaãẽxü̃ icuáxe tá tixĩ i nawa ngugüxe i ngẽma naane. Rü choma tá nixĩ i nüxna chanaxãxü̃ i ngẽma naane nax ngẽmaãcü namaxã inacua̱xgüxü̃ca̱x.

Iraétanüxü̃arü muxchiga 14:31

Rü ngẽma penegü i pema nüxü̃ pixugüegu tá perü uanügüme̱xẽgu yixü̃, rü ngẽmagü tá nixĩ i choma ngẽma nachixü̃ane i pemax nüxü̃ pexoexü̃wa chagagüxü̃, nax ngéma taãẽãcü nawa nangẽxmagüxü̃ca̱x.

Yochué 5:6

Yema Iraétanüxü̃ ga Equítuanewa íchoxü̃xü̃ rü 40 ga taunecü nixĩ ga yema ínachianexü̃gu naxĩxü̃. Rü guxü̃ma ga yema iyatüxü̃ ga marü churarawa imexü̃ ga yexguma Equítuanewa ínachoxü̃gu rü namagu nixĩ ga nayuexü̃. Rü yema duü̃xü̃gü rü tama Cori ya Tupanaga naxĩnüechaü̃, rü yemaca̱x nüma ga Tupana rü namaxã nanaxuegu nax taxũtáma nüxü̃ nadaugüxü̃ ga yema naane ga norü o̱xigümaxã naxueguxü̃ i ngextá lechi rü berure taguma ítaxuxü̃wa ñoma dexá iyaxü̃rüxü̃.

Yochué 5:8

Yexguma marü guxü̃ma íwiü̃cha̱xmüü̃pe̱xechiraü̃gu rü yema ínapegüxü̃gu narüngü̃e ñu̱xmata naxca̱x yataanegü.

Naanearü ügüchiga 34:14

Rü ñanagürügü: —Tomax, rü taxucürüwa toeya̱x nüxna ngĩxü̃ tamu i wüxi i yatü i tama íwiecha̱xmüü̃pe̱xechiraü̃xü̃, erü toxca̱x rü wüxi i ãne chi nixĩ i ngẽma.