Yochué 5:10 - Tupanaarü Ore

¹⁰ Rü nüma ga Iraétanüxü̃ rü Guirigágu napegü. Rü meama guma tauemacüarü 14 arü yáuanecü inanaxügüe ga nax naxüchigagüãxü̃ ga Üpetüchiga ga Yericúarü doxonexü̃wa.

Yochué 5:10 Referans Kwoze

Ínachoxü̃xü̃chiga 12:6

Rü tá mea nüxna pedau ñu̱xmatáta doma ya tauemacüarü 14 i ngunexü̃wa nangu. Rü ngẽma ngunexü̃arü yáuanecü rü guxãma i pemax i Iraétanüxü̃ rü tá peyama̱x i ngẽma pexü̃na.

Echequié 12:3

¡Rü ngẽmaca̱x namexẽxẽ i ngẽma quingexchaü̃xü̃ ñoma to i nachicawa cuxũxü̃rüxü̃! ¡Rü ngunecütama rü guxü̃ma i duü̃xü̃güpe̱xewa ínaxũxũ i cupatawa rü to i nachicawa naxũ! Rü bexmana ngẽmawa tá nügü nicua̱xãchitanü nax duü̃xü̃gü i tama chauga ĩnüechaü̃xü̃ nax yixĩgüxü̃.

Ínachoxü̃xü̃chiga 12:18

Rü yima nüxíraü̃cü ya tauemacüarü 14 arü yáuanexü̃gu rü tá ipenaxügü nax penangṍxü̃ i paũ i ngearü pu̱xẽẽruü̃ã́xü̃ ñu̱xmatáta yimatama ya tauemacüarü 21 arü yáuanexü̃wa nangu.

Lebítanüxü̃arü puracüchiga 23:5

Rü yimá nüxíraü̃cü ya tauemacüarü 14 arü yáuanecü, rü tá chauégagu penaxüchiga i ngẽma Üpetüchiga.

Yochué 4:19

Rü nüma ga Iraétanüxü̃ rü meama nüxíraü̃cü ga tauemacüarü 10 ga ngunexü̃gu nixĩ ga nawa yachoü̃xü̃ ga natü ga Yudáü̃. Rü ĩane ga Guirigáarü ngaicamagu nayapexgü ga Yericúarü éstewaama.

Yochué 5:11

Rü yematama ngunexü̃gu rü nanangõ̱xgü ga paũ ga ngearü pu̱xẽẽruü̃ã́xü̃ rü tríguarü goxte̱xexü̃. Natürü yemaarü moxü̃ãcü rü marü nanangõ̱xgü ga yema naanewa nayauxgüxü̃ ga nabü.

Yochué 9:6

Rü yexguma yema nachica ga Iraétanüxü̃ ípegüxü̃ ga Guirigágu ãégaxü̃wa nangugügu, rü Yochuéxü̃ rü Iraétanüxü̃xü̃ ñanagürügü: —Yáxü̃guxü̃ i naanewa ne taxĩ rü tanaxwa̱xe nax tomaxã ipexügagüxü̃ nax tama yigü ida̱i̱xü̃ca̱x —ñanagürügü.

1 Chamué 7:16

Rü guxcüma ga taunecügu rü ĩanegü ga Betéwa rü Guirigáwa rü Mispáwa naxũũxü̃ nax yema Iraéanecüã̱xgüxü̃ yanangü̃xẽẽxü̃ca̱x nax yamexẽẽãxü̃ca̱x ga norü guxchaxü̃gü.

2 Chamué 15:28

Natürü i choma rü yoxni chianexü̃arü doxonexü̃wa tá changexma ñu̱xmata tá pechigaxü̃ chacuá —ñanagürü.

Yeremía 39:5

Natürü nüma ga Babiróniacüã̱x rü Chedequíawe nangẽgü, rü Yericúarü metachinüanegu nayayauxgü. Rü Amáanewa yexmane ga ĩane ga Ribáwa nanagagü, yerü yéma nayexma ga ãẽ̱xgacü ga Nabucudonochó. Rü nüma ga Nabucudonochó rü yéma poxcu namaxã nanaxuegu ga Chedequía.

Miquéa 6:5

¡Pa Chorü Duü̃xü̃güx, nüxna pecua̱xãchie i ngẽma Baláx ga Moáarü ãẽ̱xgacü nagu rüxĩnüxü̃, rü ñu̱xũchi yema norü ngãxü̃ ga Balaáü̃ ga Beúx nane nüxna ãxü̃! Rü yexguma Chitíü̃wa pengugügu nax Guirigáwaama pexĩxü̃ca̱x, rü choma nixĩ ga pora pexna chaxãxü̃ nax nüxü̃ perüporamaegüxü̃ca̱x ga perü uanügü —ñanagürü ya Tupana.

Ínachoxü̃xü̃chiga 12:11

Rü ngẽxguma penangõ̱xgu rü tá peyange ya perü naixmena̱xã, rü meama penga̱xãẽgüãcüma rü pechapatuã̱xgüãcüma tá pepaxaãxẽ nax penangõ̱xgüxü̃ i ngẽma namachi. Rü ngẽma chütaxü̃ rü Coriarü Üpetüchiga tá nixĩ i naéga.