Yochué 4:9 - Tupanaarü Ore

⁹ Rü yexgumarüxü̃ ta ga nüma ga Yochué rü nai ga 12 ga nuta nanayaxu rü natütamagu nayanu ga yema chacherdótegü ga baú ingetaü̃güxü̃ íchigüxü̃gu. Rü yimá nutagü rü ñu̱xmarüta ngéma nangẽxmagü.

Yochué 4:9 Referans Kwoze

1 Chamué 7:12

Yemawena ga Chamué rü wüxi ga nuta nayaxu, rü ĩane ga Mispá rü ĩane ga Chéü̃arü ngãxü̃gu nanaxǘ ga gumá nuta. Rü Ebéü̃-échegu nanaxüéga. Rü ñu̱xũchi ñanagürü: —Nüma ya Cori ya Tupana rü ñu̱xmarüta taguma nüxü̃ narüchau nax tüxü̃ nangü̃xẽẽxü̃ —ñanagürü.

Norü taxre ga to ga popera ga ãẽ̱xgacügüchiga ümatüxü̃ 5:9

Natürü guma naxpawerugü rü nima̱x, rü yemaca̱x ga yema nape̱xegü rü nüxü̃ tadauama ga yexguma yema taxü̃ ga nachiãwa idawenügu, natürü yema nachiã ga nawa ixücuxü̃wa rü tama nüxü̃ tadau.

1 Chamué 30:25

Rü yexgumacürüwa rü ñu̱xma rü ta rü ngẽma nacümagu naxĩ i ngẽma Iraétanüxü̃.

Ãẽ̱xgacügü ga guxchaxü̃güarü mexẽxẽruü̃gü 1:26

Yexguma ga yema yatü rü Itítanüxü̃arü naanewa naxũ rü yexma nanaxü ga wüxi ga yexwaca̱xü̃ne ga ĩane rü ñu̱xũchi Lúxgu nanaxüéga. Rü ngẽma naéga rü ñu̱xma rü ta ngẽmatama nixĩ.

Yochué 24:26

Rü nüma ga Yochué rü nanaxümatü ga guxü̃ma ga yema mugü nagu ga Tupanaarü mugüpane. Rü yemawena ga Yochué rü nanayaxu ga wüxi ga tacü ga nuta rü yema castaña ga Tupanapatacüwawa rüxüxü̃tüü̃gu nayaxǘ.

Wenaxarü naxümatü ga Tupanaarü mugü 34:6

Rü wüxi ga Moáanearü doxonexü̃gu nixĩ ga Tupana natáxü̃ ga Bex-peúarü to̱xma̱xtawa, nagu ga wüxi ga nachica i ñu̱xmarüta taxúema nüxü̃ cuáxü̃.

Ínachoxü̃xü̃chiga 28:21

Rü yimá nutaxacügü rü 12 tá nixĩ erü 12 nixĩ ga naégagü ga yema Iraé nanegü. Rü chanaxwa̱xe nax yima wüxichigü ya nutaxacügu ñoma wüxi i cua̱xruxü̃gu naxümatüxü̃rüxü̃ naxümatüxü̃ i wüxichigü i naéga i ngẽma 12 tücumü i Iraétanüxü̃.

Ínachoxü̃xü̃chiga 24:12

Cori ya Tupana rü Moichéxü̃ ñanagürü: —Ẽcü nagu naxĩnagü ya daa ma̱xpǘne ya nawa changexmane rü ngéma choxü̃ nanguxẽxẽ! Erü tá cuxna chanaxã i nutatachinügü i chorü mugü rü ucu̱xẽgü nagu chaxümatüxü̃ nax Iraétanüxü̃xü̃ nawa cungúexẽẽxü̃ca̱x —ñanagürü.

Naanearü ügüchiga 28:18

Rü moxü̃ãcü pa̱xmamaxü̃chi ínarüda ga Acóbu. Rü nanayaxu ga gumá nuta ga namaxã nacüxerucü. Rü ínanatoxẽxẽ nax wüxi ga cua̱xruxü̃ yixĩxü̃ca̱x, rü chíxü̃ naétü naba yerü naxüüne ga yema nachica.

Naanearü ügüchiga 26:33

Rü gumá puchu rü Chebágu nanaxüéga ga Ichaá. Rü woo ñu̱xmatama ya yima ĩane ya daa puchu nawa ngẽxmane rü Bechébamaxã nanaxugü.

Ore i mexü̃ ga Matéu ümatüxü̃ 28:15

Rü yexguma ga yema churaragü rü ngĩxü̃ nayauxgü ga yema diẽru. Rü yema ãẽ̱xgacügü namaxã nüxü̃ ixugüxü̃rüxü̃ duü̃xü̃gümaxã nüxü̃ nixugüe. Rü ñu̱xma rü ta ngẽmatama dexa nixĩ i nüxü̃ yaxugüxü̃ i Yudíugü.

Ore i mexü̃ ga Matéu ümatüxü̃ 27:8

Rü ngẽmaca̱x ñu̱xmarüta Nagüchitaxü̃ga naxãéga i ngẽma naane.

Nüxíraxü̃xü̃ ga popera ga ãẽ̱xgacügüchiga 18:31

Rü nanayauxpüta ga 12 ga nuta nae̱xpü̱x ga nanegü ga Acóbu ga Iraégu ãégacü.

Yochué 4:10

Rü yema chacherdótegü ga baú ga Tupanaarü mugüchixü̃ ingegüxü̃ rü natü ga Yudáü̃tamagu narücho, rü yoxni ga nüma ga Iraétanüxü̃ rü meama nayanguxẽẽgü ga guxü̃ma ga yema Yochuéwa Tupana namaxã nüxü̃ ixuxü̃. Rü guxü̃ma mea naxügü yema Moiché Yochuémaxã nüxü̃ ixuxü̃rüxü̃. Rü paxãma nichoü̃ ga duü̃xü̃gü.