Yochué 4:6 - Tupanaarü Ore

^6-7 Rü yimá nutagü rü wüxi i cua̱xruxü̃ tá nixĩ i petanüwa. Rü ngẽxguma penegü pexna caxgux, rü ñagügu: “¿Ta̱xacüchiga nixĩ ya daa nutagü?” ñagügu, rü pema rü tá penangãxü̃ rü ñapegürügü tá: “Daa nutagüwa nixĩ i Iraétanüxü̃ nüxna icua̱xãchiexü̃ ga yema ngupetüxü̃ ga yexguma natü ga Yudáü̃wa yangeetaxü̃gu ga yema baú ga Cori ya Tupanaarü mugüchixü̃, rü yema natüchiü rü taxregu niyauxye nape̱xewa ga yema baú”, ñapegürügü tá —ñanagürü ga Yochué.

Yochué 4:6 Referans Kwoze

Ínachoxü̃xü̃chiga 13:14

Rü ngẽxguma tá penegü pexna cagügu rü ñaxgu: “¿Ta̱xacüchiga nixĩ i ñaa pexüxü̃?” ñaxgu, rü pema rü ñaãcü tá penegüxü̃ pengãxü̃: “Yexguma Equítuanewa tayexmagügu, rü nüma ga Cori ya Tupana rü norü poramaxã toxü̃ ínanguxü̃xẽxẽ. Yerü ga Equítuanecüã̱xgü rü ngúxü̃ toxü̃ ningexẽẽgü rü poraãcü puracü toétü nanugü.

Yochué 4:21

Rü nüma ga Yochué rü Iraétanüxü̃xü̃ ñanagürü: —Rü ngẽxguma tá pexna nacagügu i pexacügü rü ñagügu: “¿Ta̱xacüchiga nixĩ ya yimá nutagü?” ñagügu. Rü namaxã tá nüxü̃ pixu nax ñuxãcü paanexü̃wa yachoü̃xü̃ ga yema Iraétanüxü̃ nawa ga yema natü ga Yudáü̃.

Wiyaegü 44:1

Pa Tupanax, tomatama nüxü̃ taxĩnüchiga ga yema taxü̃ ga mexü̃ ga nũxcüma cuxüxü̃. Yerü torü o̱xigü rü tomaxã nüxü̃ nixugüe ga yema mexü̃gü ga nũxcüma curü poramaxã cuxüxü̃.

Yochué 22:27

Natürü tanaxü nax wüxi i cua̱xruxü̃ yixĩxü̃ca̱x i pexca̱x, rü toxca̱x, rü totaagüca̱x, rü ngẽmaãcü i ngẽma toxocügü rü nüxü̃ nacua̱xgüxü̃ca̱x nax tomagü rü ta Tupanaarü duü̃xü̃gü tixĩgüxü̃, rü namexü̃ nax nape̱xewa tananaxü̃ca̱x i torü ãmaregü i torü pecaduarü ütanüruxü̃ nax tomaxã iyanangüxmüxü̃ca̱x. Rü ngẽmaãcü i ngẽma penegü rü taxuacütáma tonegüxü̃ ñanagürügü: “Pema rü tama perü Tupana nixĩ ya Cori ya Tupana”, ñanagürügü.

Wenaxarü naxümatü ga Tupanaarü mugü 11:19

¡Rü ñaa oremaxã penangúexẽxẽ i pexacügü, rü nachigagu namaxã pidexagü i pepatawa, rü namagüwa. Rü ngẽxgumarüxü̃ ta i ngẽxguma pepeechaü̃gu rü íperüdagügu rü ñaa oremaxã penangúexẽxẽ!

Ichaía 55:13

Rü ngẽma tuxugü írüxügüchiréxü̃wa rü tá narüxügü i pinugü. Rü ngẽma naxcugü írüxügüchiréxü̃wa rü tá narüxügü i nanetügü i yixixü̃ i mirtu. Rü guxü̃ma i ñoma i naanewa ngẽxmagüxü̃ rü tá Tupanaxü̃ nicua̱xüü̃gü rü ngẽmaãcü i duü̃xü̃gü rü tá nüxü̃ nacua̱xgü nax Tupana rü guxü̃guma nangẽxmaechaxü̃ —ñanagürü ya Tupana.

Ichaía 38:19

Rü ngẽma maxẽxü̃xicatama nixĩ i cuxü̃ icua̱xüü̃güxü̃, ñoma ñu̱xma choma chaxüxü̃rüxü̃. Rü ngẽma nanatügü rü nanegümaxã tá nüxü̃ nixu nax aixcüma cuyanguxẽẽxü̃ i ngẽma nüxü̃ quixuxü̃.

Wiyaegü 71:18

Pa Chorü Tupanax, ñu̱xma nax marü chayaxü̃ rü chapuxeruxü̃, rü ¡taxṹ i choxna quixũgachixü̃! Erü chanaxwa̱xe i curü porachigaxü̃ chixu namaxã i ngẽma ñu̱xma maxẽxü̃ i duü̃xü̃gü nax nümagü rü ta ngẽma duü̃xü̃gü i tá ingóetanüxü̃maxã nüxü̃ yaxugüxü̃ca̱x.

Ngechuchuarü ngúexü̃gü ga yamugüxü̃arü puracüchiga 2:39

Rü ñaa Tupanaarü uneta, rü pexca̱x nixĩ, rü pexacügüca̱x, rü guxü̃ i duü̃xü̃gü i yáxü̃wa ngẽxmagüxü̃ca̱x nixĩ. Erü guxü̃ i duü̃xü̃gü i tórü Cori ya Tupana nügüxü̃tawa naxca̱x ca̱xaxü̃ca̱x nixĩ i ngẽma uneta —ñanagürü ga Pedru.

Echequié 20:20

Rü ngẽxguma chorü ngü̃chigaarü ngunexü̃güwa nanguxgu rü chanaxwa̱xe nax penaxaurexü̃. Rü ngẽma rü wüxi i chorü uneta nixĩ i pemaxã chaxüxü̃. Rü ngẽmaãcü tá nüxü̃ pecua̱x nax choma ya Cori rü perü Tupana chixĩxü̃ —ñachagürü.

Echequié 20:12

Rü yexgumarüxü̃ ta nüxü̃ nüxü̃ chacua̱xẽxẽ ga chorü ngü̃chigaarü ngunexü̃ nax nagu choxü̃ yacua̱xüü̃güxü̃ca̱x rü nüxna nacua̱xãchigüxü̃ca̱x nax choma ya Cori ya Tupana yixĩxü̃ ga chaugüca̱x nüxü̃ chaxunetaxü̃ ga yema duü̃xü̃gü.

Iraétanüxü̃arü muxchiga 16:38

Rü ngẽma norü pumarate̱xearü guruü̃gü i ngẽma yatügü i norü pecadugagu yuexü̃, rü nixüüne erü marü cha̱u̱xca̱x pumarate̱xe nawa nigugü. ¡Rü ngẽma norü pumarate̱xearü guruü̃gü rü peyapomügü nax naxãtachinüxü̃ca̱x! ¡Rü ngẽma natachinümaxã penatüxüne i ngẽma ãmarearü guruxü̃ nax ngẽma rü wüxi i cua̱xãchiruxü̃ yixĩxü̃ca̱x naxca̱x i Iraétanüxü̃! —ñanagürü.

Ínachoxü̃xü̃chiga 31:13

—¡Namaxã idexa i ngẽma Iraétanüxü̃ rü ñacurügü tá nüxü̃!: “Rü name nixĩ i perüngü̃gü nagu i ngẽma ngunexü̃ i choxrü ixĩxü̃. Erü ngẽma nixĩ i cua̱xruxü̃ i guxü̃gutáma yigümaxã ixüxü̃ nax ngẽmaãcü guxãma i pema nüxü̃ pecuáxü̃ca̱x nax choma yixĩxü̃ i pexü̃ chadexü̃.

Ínachoxü̃xü̃chiga 13:9

Rü ngẽma nax penaxüchigaxü̃ i ngẽma Üpetüchiga rü ñoma wüxi i perü cua̱xruxü̃ i pechacüxüwa rüe̱xna pecatüwa ngẽxmaxü̃ tá pexna nüxü̃ nacuã̱xãchixẽxẽ nax guxũgutáma Cori ya Tupanaarü ucu̱xẽxü̃ pixuxü̃, erü nüma nixĩ ga norü poramaxã Equítuanewa pexü̃ ínanguxü̃xẽẽxü̃.

Ínachoxü̃xü̃chiga 12:14

Rü pema rü guxcüma ya taunecügu tá Cori ya Tupanaca̱x penaxüchiga i ñaa ngunexü̃ nax ngẽmaãcü pema rü petaagü nüxna pecua̱xãchiexü̃ca̱x i ngẽma tá pexca̱x chaxüxü̃.