Yochué 4:18 - Tupanaarü Ore

¹⁸ Rü yexguma marü yanguü̃gu ga yema chacherdótegü ga Yudáü̃wa nax yachoü̃xü̃ rü paanexü̃wa nangugügu, rü yema dexá rü wenaxarü niyaxü̃chixü rü noxrirüü̃tama nanapá ga natü.

Yochué 4:18 Referans Kwoze

Ichaía 8:8

Rü ngẽma Achíriaanearü churaragü rü yimá mucü ya taxüchicü ya guxü̃wama yaba̱i̱xü̃anexẽẽcü rü ñu̱xmata duü̃xü̃günaxãwa ngucürüxü̃ tá nixĩ. Erü guxü̃ma i Yudáanewa tá nangugü i ngẽma churaragü. Rü ñoma wüxi i ĩyü i guxü̃ i naanegu nügü iwe̱xechipe̱xatüxü̃ rü ñoma i naanegu nügü yagoxẽẽxü̃rüxü̃ tá nixĩ i ngẽma Achíriaanearü churaragü, Pa Emanuéx —ñanagürü ga Tupana.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 12:15

Rü yema churaragü nixĩ ga ichoü̃amaxü̃ ga natü ga Yudáü̃ ga yexguma gumá nüxíraü̃cü ga tauemacügu poraãcüxüchi nabaixgu. Rü tüxü̃ nibuxmüxẽxẽ ga guxema duẽxẽgü ga yema ínadoxonexü̃wa maxẽxe ga natüarü éstewaama rü oéstewaama.

Yochué 3:13

Rü ngẽxguma ngẽma chacherdótegü i ngẽma baú i Cori ya Tupanaarü mugüchixü̃ ingegüxü̃ rü natü i Yudáü̃chíüwa nachiü̃gu, rü ngẽxguma tá nixĩ i ngẽma natü rü taxregu yayauxyexü̃chíüxü̃, rü ngẽma dexá i dauxquena ne yáxü̃ rü tá ínayachaxãchi, rü ñoma yapoxyepe̱xexü̃rüxü̃ tá nixĩ —ñanagürü.

Yochué 4:17

Rü nüma ga Yochué rü yema chacherdótegüxü̃ namu nax ínachoõchíxü̃ca̱x.

Yochué 4:19

Rü nüma ga Iraétanüxü̃ rü meama nüxíraü̃cü ga tauemacüarü 10 ga ngunexü̃gu nixĩ ga nawa yachoü̃xü̃ ga natü ga Yudáü̃. Rü ĩane ga Guirigáarü ngaicamagu nayapexgü ga Yericúarü éstewaama.

Yochué 4:11

Rü yexguma guxü̃ma ga duü̃xü̃gü marü inguü̃gu, rü nichoü̃ ga yema chacherdótegü ga baú ga Tupanaarü mugüchixü̃ ingegüxü̃. Rü duü̃xü̃güpe̱xegu naxãgü.