Yochué 4:14 - Tupanaarü Ore

¹⁴ Rü yema ngunexü̃gu rü nüma ga Cori ya Tupana rü guxü̃ma ga yema Iraétanüxü̃pe̱xewa Yochuéxü̃ nataxẽxẽ nax naga naxĩnüexü̃ca̱x rü nüxü̃ nangechaü̃güxü̃ca̱x yema Moichéxü̃ nangechaü̃güxü̃rüxü̃ ga yexguma namaxü̱̃xgu.

Yochué 4:14 Referans Kwoze

Yochué 3:7

Rü yexguma ga Cori ya Tupana rü ñanagürü Yochuéxü̃: —Ñu̱xmacürüwa rü tá ñaa Iraétanüxü̃pe̱xewa cuxü̃ chataxẽxẽ. Rü ngẽmaãcü tá nüxü̃ nadaugü nax choma rü aixcüma chacuxü̃taguxü̃ yexgumarüxü̃ ga Moichéxü̃tawa chayexmagurüxü̃.

Norü taxre ga to ga popera ga ãẽ̱xgacügüchiga ümatüxü̃ 30:12

Rü nüma ga Cori ya Tupana rü yema Yudátanüxü̃ ga duü̃xü̃güãẽwa nananguxẽxẽ ga ngúchaü̃ nax taãẽãcüma nayauxgüãxü̃ca̱x rü yanguxẽẽgüãxü̃ca̱x ga yema ore ga ãẽ̱xgacü rü norü ngü̃xẽẽruü̃gü namaxã nüxü̃ ixuxü̃, yerü yema ore rü Cori ya Tupanaarü mu nixĩ.

Romanos 13:4

Erü nüma i ãẽ̱xgacü rü Tupanaarü ngü̃xẽẽruxü̃ nixĩ rü ngẽmaca̱x nanamu nax cuxü̃ nangü̃xẽẽxü̃ca̱x. Natürü ngẽxguma chixexü̃ cuxü̱xgu, rü ngẽxguma tá nixĩ i nüxü̃ cumuü̃xü̃. Erü nüma i ãẽ̱xgacü rü tama natüca̱xma nixĩ nax nüxü̃́ nangẽxmaxü̃ i pora nax cuxü̃ napoxcuxü̃. Erü woetama Tupana nanamu nax napoxcuãxü̃ca̱x i ngẽma duü̃xü̃ i chixexü̃ ügüxü̃.

Nüxíraxü̃xü̃ ga popera ga ãẽ̱xgacügüchiga 3:28

Rü guxü̃ma ga Iraéanecüã̱xgü rü nüxü̃ nacuáchigagü ga yema ãẽ̱xgacü üxü̃ ga ñuxãcü nanamexẽẽãxü̃ ga yema taxüchixü̃ ga guxchaxü̃. Rü yemaca̱x nüxü̃ nangechaü̃gü yerü nüxü̃ nacuáchigagü ga ñuxãcü Tupana cua̱x nüxna ãxü̃ nax namexẽẽãxü̃ca̱x ga guxchaxü̃gü.

Ucu̱xẽgüchiga 24:21

Pa Chaunex, ¡naga naxĩnü ya Tupana! ¡Rü ngẽxgumarüxü̃ ta naga naxĩnü ya ãẽ̱xgacü! ¡Rü taxṹ i namaxã cuxãmücüxü̃ i ngẽma tama ixĩnüechaü̃xü̃! Erü ngẽma norü poxcu rü ngürüãchimare tá naxca̱x ínangu. Rü taxúema nüxü̃ tacua̱x i ngẽma poxcu nüma ya Tupana rü nüma ya ãẽ̱xgacü tá namaxã ueguxü̃.

1 Chamué 12:18

Rü yexguma ga nüma ga Chamué rü Tupanana naca. Rü yexgumatama nüma ga Cori ya Tupana rü ãẽmacü inanaxǘxẽxẽ rü nanapuxẽxẽ. Rü yexguma ga guxü̃ma ga yema duü̃xü̃gü rü poraãcü Cori ya Tupanaxü̃ rü Chamuéxü̃ namuü̃e.

Ínachoxü̃xü̃chiga 14:31

Rü nüma ga Iraétanüxü̃ rü yexguma nüxü̃ nadaugügu ga yema Cori ya Tupana norü poramaxã Equítuanecüã̱xgümaxã naxüxü̃, rü Cori ya Tupanaxü̃ nicua̱xüü̃gü rü aixcüma nüxü̃́ nayaxõgü. Rü yexgumarüxü̃ ta nüxü̃́ nayaxõgü ga guma Moiché ga Tupanaarü duü̃ ixĩcü.

1 Corintios 10:2

Rü guxü̃ma ga yema duü̃xü̃gü rü yexguma wüxigu Moichémaxã yema caixanexü̃pechitatüü̃gu yaxĩxü̃tanügu rü yema Taxtü ga Dauchíüxü̃wa yachoü̃gu, rü nügü nango̱xẽẽgü nax Moichéweama naxĩxü̃.

Yochué 4:13

Rü wixgutaa̱x 40,000 ga yatügü ga ixãxnexü̃ nixĩ ga ímemarexü̃ nax daiwa naxĩxü̃. Rü nümagü rü Cori ya Tupanape̱xegu naxĩ. Rü Yericúarü doxonexü̃waama naxĩ.

Yochué 4:15

Rü yexguma nüma ga Tupana rü Yochuéxü̃ ñanagürü: —¡Rü namaxã nüxü̃ ixu i ngẽma chacherdótegü i yangegüxü̃ i ngẽma chorü mugüchixü̃, rü ínachoõchi̱x i Yudáü̃wa! —ñanagürü.

Ínachoxü̃xü̃chiga 11:3

Rü nüma ga Cori ya Tupana rü Equítuanecüã̱xgüxü̃ yema Iraétanüxü̃maxã namecümagüxẽxẽ. Rü yexgumarüxü̃ ta ga yema Faraóü̃arü ngü̃xẽẽruü̃gü rü wüxi ga yatü ga nüxü̃ cuácüãcü Moichéxü̃ nadaugü. Rü yemagutama narüxĩnüe ga guxü̃ma ga Equítuanecüã̱xgü.

Norü taxre ga popera ga ãẽ̱xgacügüchiga 2:15

Rü yexguma yema orearü uruü̃gü ga Yericúcüã̱xgü nüxü̃ daugügu ga yema ngupetüxü̃, rü tagaãcü ñanagürügü: —Ngẽma Naãxẽ ya Üünexü̃ i Eríawa ngẽxmaxü̃ rü Erichéuwa naxüe —ñanagürügü. Rü ñu̱xũchi naxca̱x naxĩ rü nape̱xegu nayangücuchitanü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:25

Rü nüma ga Cori rü poraãcü Charomóü̃xü̃ natachigaxẽxẽ ga guxü̃ma ga Iraéanewa. Rü yexeraãcü namuarü yemaxü̃ã̱x rü nanatüarü yexera nüxü̃ nicua̱xü̃gü.