Yochué 3:6 - Tupanaarü Ore

⁶ Rü yexguma ga nüma ga Yochué rü yema chacherdótegüxü̃ ñanagürü: —¡Ẽcü penangenagütaxü̃ i ngẽma baú i Tupanaarü mugüchixü̃, rü namaxã Yudáü̃wa pichoü̃ nape̱xewa i duü̃xü̃gü —ñanagürü. Rü yexguma ga nüma ga chacherdótegü rü nanangenagütaxü̃ ga yema baú ga Tupanaarü mugüchixü̃ rü duü̃xü̃güpe̱xewa namaxã nichoxü̃.

Yochué 3:6 Referans Kwoze

Miquéa 2:13

Rü chomatama ya Cori ya Tupana ya Iraétanüxü̃arü Ãẽ̱xgacü rü nape̱xegu tá chixũ, rü tá naxca̱x chayaxümachigü nax nüxü̃́ natauxchaxü̃ca̱x nax norü uanügüarü ĩanearü ĩã̱xwa ínachoxü̃xü̃ —ñanagürü ya Cori ya Tupana.

Iraétanüxü̃arü muxchiga 14:15

Natürü ngẽxguma tá cunadaixgu i ñaa chautanüxü̃ rü ngẽma torü uanügü i cuxü̃ cuáchigagüxü̃ rü tá ñanagürügü:

Iraétanüxü̃arü muxchiga 10:33

Rü yemaacü guma Cori ya Tupanaarü ma̱xpǘne ga Chinaíwa inaxĩãchi rü tomaepü̱x ga ngunexü̃ inaxĩ. Rü yema baú ga Cori ya Tupanaarü mugüpane nagu üxü̃ rü nape̱xegu nayangegü. Rü yemaacü wüxi ga nachica ga mexü̃ nax nagu napegüxü̃ca̱x nadaugü.

Popera ga Yudíugü ga yaxõgüxü̃ca̱x ümatüxü̃ 6:20

Rü yemaca̱x yexma Tupanaxü̃tagu nüxíra naxücu ga Ngechuchu nax ngéma guxü̃guma Tupanape̱xewa taétüwa nachogüxü̃ca̱x. Rü yemaacü ga Ngechuchu rü gumá chacherdóte ga Melquichedéxrüxü̃ Tupanape̱xewa chacherdóte nixĩ.

Yochué 3:5

Rü yexguma ga Yochué rü yema Iraétanüxü̃xü̃ ñanagürü: —¡Tupanape̱xewa pegü pimexẽxẽgü! Erü moxü̃ rü nüma ya Cori ya Tupana rü tá pexü̃ nüxü̃ nadauxẽxẽ i wüxi i mexü̃ i taxü̃ i norü poramaxã naxüxü̃ —ñanagürü.

Yochué 3:7

Rü yexguma ga Cori ya Tupana rü ñanagürü Yochuéxü̃: —Ñu̱xmacürüwa rü tá ñaa Iraétanüxü̃pe̱xewa cuxü̃ chataxẽxẽ. Rü ngẽmaãcü tá nüxü̃ nadaugü nax choma rü aixcüma chacuxü̃taguxü̃ yexgumarüxü̃ ga Moichéxü̃tawa chayexmagurüxü̃.

Nüxíraxü̃xü̃ ga popera ga ãẽ̱xgacügüchiga 8:3

Rü yéma nangugü ga guxü̃ma ga Iraéanecüã̱xgüarü ãẽ̱xgacügü. Rü yema chacherdótegü rü nanayauxgü ga yema baú ga Tupanaarü mugü nawa yexmaxü̃. Rü guma ĩpata ga Moiché üxü̃ne ga nawa Tupana namaxã idexane rü nayangegü namaxã ga guxü̃ma ga yemaxü̃gü ga üünexü̃ ga yéma yexmagüxü̃. Rü yemagü rü chacherdótegü rü Lebítanüxü̃ nixĩ ga yanaxü̃.

Norü taxre ga to ga popera ga ãẽ̱xgacügüchiga ümatüxü̃ 5:4

Rü yéma ma̱xpǘne ga Chióü̃wa nangugü ga guxü̃ma ga yema Iraétanüxü̃arü ãẽ̱xgacügü. Rü yema Lebítanüxü̃ rü nanangenagü ga yema baú ga Tupanaarü mugü nagu nucuxü̃.

Yochué 6:6

Rü yexguma ga nüma ga Yochué rü chacherdótegüca̱x naca rü ñanagürü nüxü̃: —¡Peyange i ngẽma baú i Cori ya Tupanaarü mugüchixü̃! Rü 7 i pemax rü ngẽma baúpe̱xegu tá pexĩ namaxã ya perü carnéruchatacu̱xregü —ñanagürü.