Yochué 3:4 - Tupanaarü Ore

⁴ Rü ngẽmaãcü tá nüxü̃ pecua̱x nax ngextáama pexĩxü̃ yerü ga ü̃pa rü taguma texé i petanüwa nagu tixũ i ngẽma nama. ¡Natürü taxúetama nüxna tangaicama i ngẽma baú! ¡Rü guxü̃gutáma wüxi i quirumétru tá nixĩ i nüxna peyáxü̃guxü̃! —ñanagürügü.

Yochué 3:4 Referans Kwoze

Wiyaegü 89:7

Erü cuma rü Tupana ya poracü rü ãũcümacü quixĩ. Rü curü orearü ngeruü̃gü i dauxü̃cüã̱x rü cuxü̃ ínachomaeguãchi.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 11:2

Natürü woo yexguma tórü ãẽ̱xgacü yixĩxgu ga Chaú, natürü cuma nixĩ ga Iraéanearü churaragümaxã icucuáxü̃ ga yexguma tórü uanügümaxã nügü nadaixgu. Rü ñu̱xũchi nüma ya Cori ya curü Tupana rü cumaxã inaxuneta nax cuma yixĩxü̃ i tomaxã icucuáxü̃ nax torü ãẽ̱xgacü quixĩxü̃ca̱x —ñanagürügü.

Ínachoxü̃xü̃chiga 3:5

Rü yexguma ga Tupana rü ñanagürü nüxü̃: —¡Taxṹ i nüxna cungaicamaxü̃! ¡Rü ínacua̱xichi i curü chapatu! Erü ñaa nachica i nawa cungexmaxü̃ rü naxüüne —ñanagürü.

Ínachoxü̃xü̃chiga 19:12

¡Rü inaxǘ i cua̱xruü̃gü i norü guxü̃cüwawa ya yima ma̱xpǘne nax tama nachopetüxü̃ca̱x i duü̃xü̃gü! ¡Rü namaxã nüxü̃ ixu nax tama nagu naxĩgüxü̃ ya yima ma̱xpǘne, rü bai tá ta nüxna nangaicamagüxü̃! Erü guxãma ya yíxema nüxna ngaicamaxe rü tá tayu.

Ínachoxü̃xü̃chiga 4:10

Rü yexguma ga Moiché rü Tupanaxü̃ nangãxü̃, rü ñanagürü nüxü̃: —Acha̱xa, Pa Corix, choma rü choxü̃́ naguxcha nax chidexaxü̃. Rü taguma choxü̃́ natauxcha woo ga ü̃pa rü woo i ñu̱xma rü ta ngẽxgumarüü̃tama chixĩ —ñanagürü.

Naanearü ügüchiga 31:2

Rü yexgumarüxü̃ ta ga Acóbu, rü nüxü̃ nacua̱xama rü Labáü̃ rü tama noxrigurüxü̃ namaxã nataãxẽ.

Ichaía 30:33

Erü nũxcümacürüwatama nixĩ ga Achíriaanearü churaragüca̱x rü norü ãẽ̱xgacüca̱x ínamexẽẽãxü̃ i wüxi i nachica i taxü̃ rü mátamaxü̃ i üxü nawa ngẽxmaxü̃. Rü ngéma nangẽxma ya tacü ya üxü i muxü̃ma i üxü nawa ngẽxmane. Rü nüma ya Cori ya Tupana rü wüxi i cuemaxã tá nayanaixẽxẽ. Rü ñoma üxüema i achúfremaxã inaixü̃rüxü̃ tá nixĩ.

Yochué 3:5

Rü yexguma ga Yochué rü yema Iraétanüxü̃xü̃ ñanagürü: —¡Tupanape̱xewa pegü pimexẽxẽgü! Erü moxü̃ rü nüma ya Cori ya Tupana rü tá pexü̃ nüxü̃ nadauxẽxẽ i wüxi i mexü̃ i taxü̃ i norü poramaxã naxüxü̃ —ñanagürü.

Wiyaegü 25:12

Rü yíxema Cori ya Tupanaxü̃ ngechaü̃xe, rü nüma rü tá tüxü̃ nanawe̱x i nacüma i mexü̃ nax nagu tixũxü̃.

Ichaía 48:17

Rü choma ya Iraétanüxü̃arü Tupana ya Üünecü ya perü ngü̃xẽẽruxü̃ ixĩcü rü ñachagürü: —Pa Iraétanüxü̃x, choma nixĩ i perü Tupana chixĩxü̃, rü choma rü pexü̃ changúexẽxẽ i ngẽma pexü̃́ mexü̃, rü pemaxã nüxü̃ chixu i ngẽma chanaxwa̱xexü̃ nax penaxüxü̃.