Yochué 3:17 - Tupanaarü Ore

¹⁷ Rü yemaacü ga guxü̃ma ga yema duü̃xü̃gü rü paanexü̃wa nichoü̃ nawa ga yema natü ga Yudáü̃. Rü yexgumayane ga yema chacherdótegü ga yangegüxü̃ ga yema baú ga Cori ya Tupanaarü mugüchixü̃ rü natüarü ngãxü̃tamawa namaxã nayachaxãchitanü ga paanexü̃wa.

Yochué 3:17 Referans Kwoze

Ínachoxü̃xü̃chiga 14:29

Natürü ga yema Iraétanüxü̃ rü paanexü̃wa nichoü̃, yerü taxregu niyauxyexü̃chiü ga dexá. Rü norü ngãxü̃wa nichoxü̃, yerü ñoma wüxi i ta̱xacü i ãxtapǘxü̃rüxü̃ nixĩgü ga norü tügünecüwawa rü norü to̱xwecüwawa.

Ínachoxü̃xü̃chiga 14:22

Rü yemaacü paanexü̃wa nichoü̃ ga Iraétanüxü̃, yerü taxregu niyauxyexü̃chiü ga dexá. Rü norü ngãxü̃wa nichoü̃, rü ñoma wüxi i ta̱xacü i ãxtapǘxü̃rüxü̃ nixĩgü ga norü tügünecüwawa rü norü to̱xwecüwawa ga dexá.

Wiyaegü 66:6

Rü nüma ga Tupana rü nayapachitamaxẽxẽ ga yema már nax tümacutümaxã yéma tichoü̃xü̃ca̱x ga tórü o̱xigü. Rü nümagü ga tórü o̱xigü rü nacutümaxã nichoü̃ ga yema natü. ¡Rü ngĩxã Tupanamaxã tataãxẽgü!

Ichaía 25:8

Rü nüma ya Cori ya Tupana rü noxtacüma tá inayanaxoxẽxẽ i ngẽma yu, rü tá guxẽxü̃tama ínapixetü. Rü ñu̱xũchi guxü̃ i naanewa tá inayaxoxẽxẽ i ngẽma ãne i ñu̱xma norü duü̃xü̃gü ingegüxü̃. Rü nüma ya Cori ya Tupana nixĩ i ngẽma ñacü.

Norü taxre ga popera ga ãẽ̱xgacügüchiga 2:8

Rü yexguma nüma ga Ería rü nanayaxu ga naxchiru ga mámüxü̃ rü nanadixcumü rü yemamaxã dexáchiüwa nanacua̱i̱xca. Rü ga dexá rü niyauxyexü̃chíüãchi. Rü nüma ga yema taxre rü yéma nügümaxã nichoü̃ pachitamaxü̃wa.

Yochué 4:3

¡Rü namaxã nüxü̃ ixu rü wüxichigü i ngẽma yatü rü wüxipüta ya nuta nayauxã i ngẽma natüarü ngãxü̃tamawa i ngẽma chacherdótegü íchigüxü̃wa ngẽxmagücü. Rü chanaxwa̱xe i ngẽma ñoma i chütaxü̃gu ínapegüxü̃gu nayanupüta! —ñanagürü.

Popera ga Yudíugü ga yaxõgüxü̃ca̱x ümatüxü̃ 11:29

Rü yema duü̃xü̃gü ga Moichéwe rüxĩxü̃ rü ta nayaxõgü. Rü yemaca̱x ga yexguma yema Már ga Dauchíüxü̃wa nangugügu, rü yema dexá rü nügüna nixĩgachi, rü nipaaneãchi, rü yéma nichoü̃. Natürü yexguma yema Equítuanecüã̱x ga churaragü ga nawe ngẽgüxü̃ nawe ichoü̃gu, rü yexma nayi, yerü wenaxarü nügüna naxĩ ga yema dexá.

Ínachoxü̃xü̃chiga 14:21

Rü yexguma ga Moiché rü márétügu nawe̱xchacüxü. Rü nüma ga Cori ya Tupana rü yema chütaxü̃gu rü inanaxǘxẽxẽ ga wüxi ga poracü ga buanecü ga éstewaama ne ũcü ñu̱xmata yangunexü̃mare. Rü yemaacü ga yema már rü taxregu niyauxyexü̃chiü. Rü yemaacü nixĩ ga Cori ya Tupana ga yapayechitamaxẽẽãxü̃ ga már.

Iraétanüxü̃arü muxchiga 33:51

—¡Ẽcü ngẽma Iraétanüxü̃maxã nüxü̃ ixu i ñaa ore!: “Rü ngẽxguma pema tá pichoü̃gu i ngẽma natü i Yudáü̃ rü nawa pichocu̱xgu i ngẽma Canaáü̃cüã̱xgüarü naane, rü ¡ẽcü ípenawoxü̃ i guxü̃ma i ngẽma duü̃xü̃gü nawa i ngẽma naane! ¡Rü nagu pepogüe i guxü̃ma i norü tupananetachicüna̱xãgü i nutanaxca̱x rü úirunaxca̱x rü diẽrumünaxca̱x! ¡Rü ngẽxgumarüxü̃ ta nagu pepogüe i guxü̃ma i norü ãmaregüarü guruü̃gü i ma̱xpǘnegüwa ngẽxmagüxü̃!

Yochué 4:1

Rü yexguma guxü̃ma ga duü̃xü̃gü ichoü̃guwena ga natü ga Yudáü̃wa, rü nüma ga Cori ya Tupana rü Yochuéxü̃ ñanagürü:

Yochué 4:10

Rü yema chacherdótegü ga baú ga Tupanaarü mugüchixü̃ ingegüxü̃ rü natü ga Yudáü̃tamagu narücho, rü yoxni ga nüma ga Iraétanüxü̃ rü meama nayanguxẽẽgü ga guxü̃ma ga yema Yochuéwa Tupana namaxã nüxü̃ ixuxü̃. Rü guxü̃ma mea naxügü yema Moiché Yochuémaxã nüxü̃ ixuxü̃rüxü̃. Rü paxãma nichoü̃ ga duü̃xü̃gü.

Yochué 4:11

Rü yexguma guxü̃ma ga duü̃xü̃gü marü inguü̃gu, rü nichoü̃ ga yema chacherdótegü ga baú ga Tupanaarü mugüchixü̃ ingegüxü̃. Rü duü̃xü̃güpe̱xegu naxãgü.

Yochué 5:1

Rü guxü̃ma ga norü ãẽ̱xgacügü ga Amoréugü ga natü ga Yudáü̃cutüarü éstewaama yexmagüxü̃, rü norü ãẽ̱xgacügü ga Cananéugü ga Már ga Mediteráneuarü ngaicamana yexmagüxü̃ rü nüxü̃ nacuáchigagü ga Cori ya Tupana rü nayapayetamaxẽẽãxü̃ ga natü ga Yudáü̃ nax yachoü̃xü̃ca̱x ga Iraétanüxü̃. Rü nümagü ga yema ãẽ̱xgacügü rü poraãcü namuü̃e ga yemaxü̃ nacuáchigagügu, rü yemaca̱x tama Iraétanüxü̃maxã nügü nadaixchaü̃.