Yochué 3:14 - Tupanaarü Ore

^14-16 Rü nüma ga yema Iraétanüxü̃ rü inaxĩãchi ga yema ínapegüxü̃wa ga natü ga Yudáü̃wa nax yachoü̃xü̃ca̱x. Rü nanetüarü buxgüarü tauemacü nixĩ ga yexguma, rü yema natü ga Yudáü̃ rü poraãcü narübai. Rü nümagü ga chacherdótegü rü duü̃xü̃güpe̱xegu naxĩ namaxã ga yema baú ga Tupanaarü mugü nawa yexmaxü̃. Rü yema chacherdótegü ga baú ingetaü̃güxü̃ rü yexguma yema natü ga Yudáü̃chíüwa nachoü̃gu, rü yema dexá ga dauxquena ne yáxü̃ rü ngürüãchi ínayachaxãchi. Rü gumá dauxquenaxü̃chi yexmane ga ĩane ga Adáü̃ ga dauxü̃taechica ga Charetáü̃arü ngaicamana, rü ngürü nabainagü ga dexá ga yéma, ñoma yapoxyepe̱xexü̃rüxü̃. Natürü yema íyachoü̃xü̃arü tawaama ga dexá rü niiya̱x ñu̱xmata Már ya Ngearü Maxü̃ã́xü̃wa nangu. Rü yemaacü ga yema natü ga Yudáü̃ rü taxregu niyauxye, rü yema Iraétanüxü̃ rü nichoü̃ ga ĩane ga Yericúarü to̱xma̱xtawa.

Yochué 3:14 Referans Kwoze

Popera ga Yudíugü ga yaxõgüxü̃ca̱x ümatüxü̃ 9:4

Rü yéma nayexma ga yema mecha ga úirunaxca̱x ga nawa yagugüãxü̃ ga pumara ga yixixü̃. Rü yéma nayexma ta ga yema baú ga guxü̃wama úirumaxã tüxünexü̃ ga Tupanaarü mugü nagu nucuxü̃. Rü yematama baúarü aixepewa nayexma ga wüxi ga napaxü̃ ga úirunaxca̱x ga maná ga daxũwa rüyixü̃maxã ããcuxü̃. Rü yexgumarüxü̃ ta yema baúarü aixepewa nayexma ga Aróü̃arü caxü̃ruxü̃ ga rüxüxü̃ne, rü gumá nutagü ga Tupanaarü mugü nagu ümatügüxü̃.

Yeremía 3:16

Rü ngẽxguma ngẽma nachixü̃anewa marü pimuxgu rü namuxgu i penegü rü pexacügü, rü taxúetama marü wena nachiga tidexa i ngẽma baú i chorü mugüchixü̃, rü taxúetama nagu tarüxĩnü, rü bai tá i texé nüxna cua̱xãchixü̃. Rü taxũtáma marü natauxchica, rü bai tá to i ngexwaca̱xü̃xü̃ naxügüxü̃. Rü choma ya Cori ya Tupana nixĩ i nüxü̃ chixuxü̃ i ngẽma.

Wiyaegü 132:8

¡Rü inachi, Pa Cori Pa Tupanax, rü cupatagu naxücu naxü̃tawa i curü mugüchixü̃ i curü poraarü cua̱xruxü̃ ixĩxü̃ nax ngéma cupatawa cungexmaxü̃ca̱x!

Yochué 6:6

Rü yexguma ga nüma ga Yochué rü chacherdótegüca̱x naca rü ñanagürü nüxü̃: —¡Peyange i ngẽma baú i Cori ya Tupanaarü mugüchixü̃! Rü 7 i pemax rü ngẽma baúpe̱xegu tá pexĩ namaxã ya perü carnéruchatacu̱xregü —ñanagürü.

Yochué 3:6

Rü yexguma ga nüma ga Yochué rü yema chacherdótegüxü̃ ñanagürü: —¡Ẽcü penangenagütaxü̃ i ngẽma baú i Tupanaarü mugüchixü̃, rü namaxã Yudáü̃wa pichoü̃ nape̱xewa i duü̃xü̃gü —ñanagürü. Rü yexguma ga nüma ga chacherdótegü rü nanangenagütaxü̃ ga yema baú ga Tupanaarü mugüchixü̃ rü duü̃xü̃güpe̱xewa namaxã nichoxü̃.

Wenaxarü naxümatü ga Tupanaarü mugü 31:26

—Ñaa nixĩ i ngẽma popera i Tupanaarü mugüpane. ¡Rü ngẽma baú i Cori ya Tupanaarü mugü nagu üxü̃cüwagu penaxǘ i ñaa popera nax ngẽmawa nüxna pecua̱xãchiexü̃ca̱x ya Cori ya Tupana ega ngẽxguma nüxna pixĩgachitanügu!

Yochué 24:11

Rü yemawena ga pema rü pichoü̃ nawa ga natü ga Yudáü̃ ñu̱xmata Yericúarü ĩanewa pengugü. Rü yema duü̃xü̃gü ga guma ĩanegu ãchiü̃güxü̃ rü pemaxã nügü nadai. Rü yexgumarüxü̃ ta ga yema duü̃xü̃gü ga Amoréutanüxü̃, rü Ferechéutanüxü̃, rü Canaáü̃tanüxü̃, rü Itítanüxü̃, rü Guerguechéutanüxü̃, rü Ebéutanüxü̃, rü Yebuchéutanüxü̃ rü pemaxã nügü nadai. Natürü ga chomax, rü pexü̃ charüngü̃xẽẽxü̃ nax nüxü̃ perüporamaegüxü̃ca̱x.