Yochué 3:13 - Tupanaarü Ore

¹³ Rü ngẽxguma ngẽma chacherdótegü i ngẽma baú i Cori ya Tupanaarü mugüchixü̃ ingegüxü̃ rü natü i Yudáü̃chíüwa nachiü̃gu, rü ngẽxguma tá nixĩ i ngẽma natü rü taxregu yayauxyexü̃chíüxü̃, rü ngẽma dexá i dauxquena ne yáxü̃ rü tá ínayachaxãchi, rü ñoma yapoxyepe̱xexü̃rüxü̃ tá nixĩ —ñanagürü.

Yochué 3:13 Referans Kwoze

Ínachoxü̃xü̃chiga 15:8

Rü curü poramaxã nüxü̃ cucue ga dexá rü taxregu nixüye. Rü gumá yuape rü ñoma ĩxtapü̱xrüxü̃ nixĩ. Rü ínayachaxãchi ga dexá norü ngãxü̃tamawa.

Wiyaegü 78:13

Rü yema már rü nayapoxyexü̃chíxü. Rü ñoma naxãtapǘxü̃rüxü̃ nayaxĩxẽxẽ ga yema dexá nax yemaacü paanexü̃wa yachoü̃xü̃ca̱x.

Abacú 3:15

Rü cuma rü curü cowarugümaxã nagu ícuyagoegu i ngẽma már rü ngẽmaãcü poraãcü cunayuapexẽxẽ i ngẽma taxüchixü̃ i norü dexá.

Wiyaegü 33:7

Rü nüma ga Tupana rü nanaxü ga yema taxü̃ ga már i mátamaxü̃. Rü yema norü dexá rü wüxitama ga nachicawa nanayexmaxẽxẽ.

Yochué 3:11

¡Rü dücax i ngẽma baú i Cori ya Tupana i guxü̃ i naanearü yora ixĩcüarü mugüchixü̃ nax ñuxãcü pepe̱xewa yaxüexü̃ i natü i Yudáü̃!

Wiyaegü 74:15

Rü cuma nixĩ ga cungóexẽẽxü̃ ga dexáarü baibeanegüxü̃ rü natügü. Rü cuma nixĩ ga cuyapagüxẽẽxü̃ ga natügü ga noxri taguma ngearü dexáã̱xgüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:11

Rü cumax, Pa Corix, rü guxü̃étüwa cungexma, rü cuxicatama cupora rü cuxüüne, rü namaxã icucua̱x i guxü̃ma, rü guxü̃ma i ãẽ̱xgacügüétüwa cungexma. Erü guxü̃ma i daxũguxü̃ i naanewa rü ñoma i naanewa ngẽxmagüxü̃ rü cuxrü nixĩgü. Rü cuxrügü ta nixĩ i guxü̃ma i naanegü, erü guxü̃étüwa cungexma.

Chacaría 4:14

Rü nüma ga yema daxũcüã̱x rü choxü̃ nangãxü̃ rü ñanagürü: —Ngẽma taxre ya oribune rü nachiga nixĩ i ngẽma taxre i duü̃xü̃gü i marü chíxü̃maxã íbaeruxü̃ nax nümagü rü nüxü̃́ napuracüexü̃ca̱x ya Tupana ya ñoma i naanearü yora ixĩcü —ñanagürü.