Yochué 24:8 - Tupanaarü Ore

⁸ Rü yemawena nixĩ ga pexü̃ chichocuxẽẽxü̃ nawa ga yema naane ga Amoréutanüxü̃ nawa yexmagüxü̃ ga natü ga Yudáü̃arü tocutüwa. Rü nüma ga Amoréutanüxü̃ rü pemaxã nügü nadai, natürü ga choma rü pexü̃ charüngü̃xẽẽxü̃ nax nüxü̃ perüporamaegüxü̃ca̱x rü pexme̱xẽgu nayi̱xixü̃ca̱x. Rü yemaacü penayaxu ga yema naane.

Yochué 24:8 Referans Kwoze

Neemía 9:22

Rü nachixü̃anegü rü ĩanegü nüxna cuxã. Rü wüxitücumüchigü nüxü̃ cuyanu ga norü naane. Rü yemaca̱x nügüxü̃́ nanayauxgü ga ãẽ̱xgacü ga Chióü̃arü naane ga Ebóü̃, rü ãẽ̱xgacü ga Óxarü naane ga Bacháü̃.

Wenaxarü naxümatü ga Tupanaarü mugü 2:32

Rü yexguma ga Chióü̃ rü guxü̃ma ga norü churaragümaxã toxca̱x naxĩ nax yemaacü Yaáchagu tamaxã nügü nada̱i̱xü̃ca̱x. Natürü nüma ga Cori ya tórü Tupana rü taxme̱xgu nanayixẽxẽ. Rü yemaacü tayama̱x ga Chióü̃, rü tanadai ga yema nanegü rü ñu̱xũchi guxü̃ma ga yema norü churaragü.

Ínachoxü̃xü̃chiga 23:23

Rü chorü orearü ngeruxü̃ rü tá cupe̱xegu nixũ. Rü nawa tá cuxü̃ naga i ngẽma Amoréutanüxü̃arü naane, rü Itítanüxü̃arü naane, rü Ferechéutanüxü̃arü naane, rü Canaáü̃tanüxü̃arü naane, rü Ebéutanüxü̃arü naane, rü Yebuchéutanüxü̃arü naane. Rü choma rü tá chanadaixichi i ngẽma duü̃xü̃gü nax yanaxoxochixü̃ca̱x.

Amúx 2:9

Natürü ga choma rü chanadaixichi ga yema Amoréutanüxü̃ ga ñoma ocayiwagürüxü̃ imáchanexü̃ rü ñoma castañagürüxü̃ iporaexü̃. Rü yemaacü chanaxü nax pexü̃́ chanatauchaxẽẽxü̃ca̱x nax nagu pechocuxü̃ca̱x i ñaa naane.

Amúx 2:10

Rü choma nixĩ ga Equítuanewa pexü̃ íchagaxü̃xü̃, rü 40 ga taunecü ínachianexü̃gu pexü̃ chigagü nax pexna chanaxãxü̃ca̱x ga Amoréutanüxü̃arü naane.