Yochué 24:6 - Tupanaarü Ore

⁶ Rü yexguma perü o̱xigü Equítuanewa íchoxü̃gu rü nüma ga Equítuanecüã̱xgüarü churaragü rü tümawe nangẽgü namaxã ga norü cowarugü, rü naweü̃gü ga cowaru itúgüne, rü ñu̱xmata Már ga Dauchíüxü̃wa nangugü.

Yochué 24:6 Referans Kwoze

Popera ga Yudíugü ga yaxõgüxü̃ca̱x ümatüxü̃ 11:29

Rü yema duü̃xü̃gü ga Moichéwe rüxĩxü̃ rü ta nayaxõgü. Rü yemaca̱x ga yexguma yema Már ga Dauchíüxü̃wa nangugügu, rü yema dexá rü nügüna nixĩgachi, rü nipaaneãchi, rü yéma nichoü̃. Natürü yexguma yema Equítuanecüã̱x ga churaragü ga nawe ngẽgüxü̃ nawe ichoü̃gu, rü yexma nayi, yerü wenaxarü nügüna naxĩ ga yema dexá.

Ngechuchuarü ngúexü̃gü ga yamugüxü̃arü puracüchiga 7:36

Rü nümatama ga Moiché nixĩ ga Equítuarü naanewa ínagaxü̃xü̃ ga nũxcümaü̃güxü̃ ga tórü o̱xigü. Rü Equítuanewa, rü Dauchíüxü̃ ga Márwa, rü chianexü̃wa inanawe̱x ga cua̱xruü̃gü, rü nanaxü ga mexü̃ ga taxü̃gü ga Tupanaarü poramaxã naxüxü̃. Rü nüma ga Moiché rü yemaacü 40 ga taunecü nüxü̃ narüngü̃xẽxẽ ga yema duü̃xü̃gü.

Miquéa 6:4

Rü choma nixĩ ga Equítuanewa pexü̃ íchagaxü̃xü̃ rü yema duü̃xü̃güme̱xẽwa pexü̃ íchanguxü̃xẽẽxü̃. Rü choma nixĩ ga petanüwa chamugüxü̃ ga Moiché, rü Aróü̃, rü María nax pemaxã inacua̱xgüxü̃ca̱x.

Wiyaegü 78:13

Rü yema már rü nayapoxyexü̃chíxü. Rü ñoma naxãtapǘxü̃rüxü̃ nayaxĩxẽxẽ ga yema dexá nax yemaacü paanexü̃wa yachoü̃xü̃ca̱x.

Neemía 9:11

Rü yemaca̱x torü o̱xigüpe̱xewa rü taxregu cuyayauxyexü̃chixü ga már nax paxü̃wa yachoxü̃xü̃ca̱x. Natürü yema norü uanügü rü yexma mártamagu cunayixẽxẽ, ñoma wüxi ya nuta i natü i matamaxü̃wa itáecürüxü̃.

Ínachoxü̃xü̃chiga 12:51

Rü yematama ngunexü̃gu rü nüma ga Cori ya Tupana rü nügütanüxü̃maxãchigü Equítuanewa ínanamuxü̃ ga Iraétanüxü̃.

Ínachoxü̃xü̃chiga 12:37

Rü Ramchéwa ínachoxü̃ ga yema Iraétanüxü̃, rü Chucóxwa naxĩ. Rü 600,000 ga yatügü ga churarawa imexü̃ nayexmagü. Rü naétü nayexma ga ngexü̃gü rü buxü̃gü ga tama ixugüxü̃.