Yochué 24:12 - Tupanaarü Ore

¹² Rü tama pema nixĩ ga perü taragümaxã rü perü würagümaxã nüxü̃ perüporamaexü̃ ga yema taxre ga ãẽ̱xgacügü ga Amoréutanüxü̃arü. Natürü choma nixĩ ga muü̃ naxca̱x íchanguxẽẽxü̃ nax pecha̱xwa yabuxmüxü̃ca̱x naxü̃pa nax yéma pengugüxü̃.

Yochué 24:12 Referans Kwoze

Wenaxarü naxümatü ga Tupanaarü mugü 7:20

Rü ñu̱xũchi nüma ya Cori ya Tupana rü ngẽma perü uanügüca̱x tá ínanangugüxẽxẽ ya maxẽ. Rü guxü̃ma i ngẽma perü uanügü i íyaxügüxü̃ rü icu̱xgüxü̃ rü tá nayue.

Ínachoxü̃xü̃chiga 23:28

Rü ngextá íquixüpetüchigüxü̃wa rü tá ichayadaxẽxẽ nax pexü̃ namuü̃exü̃. Rü ngẽmaca̱x tá cuxcha̱xwa nibuxmü i ngẽma Ebéutanüxü̃, rü Itítanüxü̃, rü Canaáü̃tanüxü̃.

Ínachoxü̃xü̃chiga 23:31

Rü ngẽma curü üyeane i choma ichaxüxü̃ rü Már i Dauchíüxü̃wa inaxügü rü ñu̱xmata Firitéutanüxü̃arü márcutügu yacuáx. Rü ngẽma chianexü̃wa inaxügü rü ñu̱xmata taxtü i Eufrátewa nangu. Rü choma rü marü cuxme̱xwa tá chanangexmagüxẽxẽ i guxü̃ma i ngẽma duü̃xü̃gü i ngẽma nachixü̃anecüã̱xgü. Rü cuma tá nixĩ i ícunawoxü̃xü̃ i ngẽma naanewa.

Wiyaegü 80:9

Rü cunamexẽxẽ ga yema naane naxca̱x ga yema úba. Rü yema úba rü mea narüxü rü naxãxchuma̱xã rü guxü̃wama ga yema nachixü̃anewa rü nimu.

Iraétanüxü̃arü muxchiga 21:31

Rü yemaacü nixĩ ga Iraétanüxü̃ ga Amoréutanüxü̃arü naanegu nachocuxü̃ nax yexma naxãpatagüxü̃ca̱x.

Iraétanüxü̃arü muxchiga 21:32

Rü Moiché rü nanamuãchitanü ga ñuxre ga yatügü nax ĩane ga Yachéxwa ngugütaewa naxĩxü̃ca̱x. Rü yexguma ga Iraétanüxü̃ rü nanapugü ga guma ĩanegü ga Yachéna ngaicamagüne. Rü ínanawoxü̃ ga yema Amoréutanüxü̃ ga guma ĩanegügu ãpatagüxü̃.

Wenaxarü naxümatü ga Tupanaarü mugü 4:47

Rü yema Iraétanüxü̃ rü nawa nangugü ga norü naane ga Bacháü̃arü ãẽ̱xgacü ga Óx. Rü yema taxre ga ãẽ̱xgacügü ga Amoréutanüxü̃ ga Chióü̃ rü Óx rü Yudáü̃arü ésteguama naxãchiü̃gü.

Wenaxarü naxümatü ga Tupanaarü mugü 31:4

Rü nüma ya Cori ya Tupana tá nixĩ i pexme̱xgu nayixẽẽãxü̃ i ngẽma duü̃xü̃gütücumügü i Yudáü̃arü tocutüwa ngẽxmagüxü̃, yexgumarüxü̃ nax pexme̱xgu nayixẽẽãxü̃ ga yema Amoréutanüxü̃arü ãẽ̱xgacügü ga Chióü̃ rü Óx ga yexguma norü naane peyapugügu.

Yochué 2:10

Rü nüxü̃ tacua̱x ga yexguma Equítuanewa ípenguxü̃gu, rü Tupana nixĩ ga yapayexẽẽxü̃ ga Már i Dauchíüxü̃ nax yéma pichoü̃xü̃ca̱x. Rü ngẽxgumarüxü̃ ta nüxü̃ tacua̱x nax ñuxãcü penadaixü̃ ga Chióü̃ rü Óx ga Amoréutanüxü̃arü ãẽ̱xgacügü ga natü ga Yudáü̃arü tocutüwa yexmagüxü̃.

Wiyaegü 80:10

Rü guma ma̱xpǘnegü rü nanaga̱u̱xpechitagüxẽxẽ rü yema nanetügü ga máchanegü rü ta nanaga̱u̱xpechitaanexẽẽgü.