Yochué 23:8 - Tupanaarü Ore

⁸ ¡Rü ñu̱xmarüü̃tama rü guxü̃gutáma Cori ya perü Tupanawe perüxĩ!

Yochué 23:8 Referans Kwoze

Wenaxarü naxümatü ga Tupanaarü mugü 10:20

¡Rü nüxü̃ pengechaxü̃ ya yima perü Cori ya Tupana! ¡Rü nüxü̃xicatama picua̱xüü̃gü rü naga pexĩnüe! ¡Rü ngẽxguma wüxi i uneta pexü̱xgu rü penaxwa̱xe i naégagu penaxü̱x!

Yochué 22:5

Natürü ngẽma pexna naxca̱x chacaxü̃xicatama nixĩ nax aixcüma peyanguxẽẽxü̃ i ngẽma Tupanaarü mugü ga norü duü̃ ga Moiché pemaxã nüxü̃ ixuxü̃ ga ñaxü̃: “¡Nüxü̃ pengechaxü̃ ya perü Cori ya Tupana rü penaxü̱x i ngẽma nüma nanaxwa̱exü̃! ¡Rü naga pexĩnüe i guxü̃ma i norü mugü, rü guxü̃guma naxca̱x pemaxẽ guxü̃ma i perü maxü̃maxã rü perü poramaxã!” —ñanagürü.

Ngechuchuarü ngúexü̃gü ga yamugüxü̃arü puracüchiga 11:23

Rü yexguma yéma nanguxgu ga Bernabé, rü nüxü̃ nadau nax ñuxãcü Tupana nüxü̃ rüngü̃xẽẽxü̃ ga yema yaxõgüxü̃ ga Antioquíacüã̱x, rü poraãcü namaxã nataãxẽ. Rü nayaxucu̱xẽgü ga guxü̃ma nax meama Cori ya Ngechuchuwe naxĩãmaxü̃ca̱x, rü taguma nüxü̃ naxoexü̃ca̱x.

Wenaxarü naxümatü ga Tupanaarü mugü 13:4

¡Rü perü Cori ya Tupanawexica tátama nixĩ i perüxĩxü̃, rü yima perü Tupanaxü̃xicatata nixĩ i picua̱xüü̃güxü̃! ¡Rü nagu pemaxẽ i norü mugü rü naga pexĩnüe! ¡Rü nüxü̃́ pepuracüe rü guxü̃guma naxca̱xicatama pemaxẽ!

Wenaxarü naxümatü ga Tupanaarü mugü 11:22

Rü ngẽxguma tá aixcüma peyanguxẽẽgu i guxü̃ma i ñaa mugü i ñu̱xma pemaxã nüxü̃ chixuxü̃ nax peyanguxẽẽxü̃ca̱x, rü ngẽxguma tá ngẽma mugügu pexĩxgu rü ngẽxguma aixcüma perü Cori ya Tupanaxü̃ pengechaü̃gügu rü aixcüma mea nawe perüxĩxgu, rü ngẽxguma namaxã pixaixcümagügu, rü nüma ya Cori ya Tupana rü tá pexü̃ narüngü̃xẽxẽ.

Yochué 23:7

¡Rü taxũtáma namaxã pixãxma̱xgü rü pixãtegü i ngẽma togü i duü̃xü̃gü i ñu̱xma rü ta petanügu ãchiü̃güxü̃! ¡Rü taxũtáma norü tupanaxü̃ picua̱xüü̃gü, rü bai tá i naga pexĩnüe, rü bai tá i norü tupanaéga penaxuxuchi, rü bai tá i norü tupanaégagu mexü̃ pexuegu!

Yochué 23:9

Rü nüma ga Cori ya Tupana rü marü pepe̱xewa ínanawoxü̃ãcu ga ĩanegü ga itaxü̃ne rü iporane. Rü ñu̱xmata ñoma i ngunexü̃wa nangu rü taxúema pexü̃ tarüporamae.

Wenaxarü naxümatü ga Tupanaarü mugü 8:20

Rü ngẽxguma taxũtáma Cori ya perü Tupanaga pexĩnüegu rü nüma ya Cori ya Tupana rü tá pexü̃ nadai yema nachixü̃anegü ga nawa pichopetüetanüxü̃ nadaixgurüxü̃ —ñanagürü ga Moiché.

Wenaxarü naxümatü ga Tupanaarü mugü 13:5

Rü ngẽma orearü uruxü̃ rüe̱xna ngẽma ngo̱xetünetaxü̃ rü noxtacüma peyama̱x, erü pexü̃ naxuxcu̱xẽ nax namaxã penuexü̃ca̱x ya perü Cori ya Tupana ga Equítuanewa pexü̃ ínguxü̃xẽẽcü ga ngextá pexü̃ ínamugügümarexü̃wa. Rü tá nayu i ngẽma orearü uruxü̃ rüe̱xna ngẽma ngo̱xetünetaxü̃ nagagu nax pexü̃ yaxĩgachixẽẽchaü̃xü̃ nüxna i ngẽma mugü ga Tupana pemaxã nüxü̃ yaxuxü̃ nax nagu pexĩxü̃ca̱x. Rü ngẽmaãcü tá ipeyanaxoxẽxẽ i ngẽma chixexü̃ i petanüwa ngẽxmaxü̃.