Yochué 23:3 - Tupanaarü Ore

³ Pema rü marü nüxü̃ pedau ga yema naxüxü̃ ga Cori ya Tupana ga yexguma nadaiãgu ga yema duü̃xü̃gü ga perü uanügü ixĩgüxü̃. Yerü nüma ga Cori ya Tupana rü peétüwa naxü.

Yochué 23:3 Referans Kwoze

Ínachoxü̃xü̃chiga 14:14

Rü pema rü taxuca̱xma pexoegaãẽgü. Erü nüma ya Cori ya Tupana rü tá pexü̃ ínapoxü̃ —ñanagürü.

Yochué 10:14

Rü yemaacü Tupana ínayachaxãchixẽxẽ ga üa̱xcü rü tauemacü nagagu ga wüxi ga yatüarü yumüxẽ. Rü ü̃paacü rü taguma yemaacü nangupetü, rü woo yemawena rü taguma yemaacü nangupetü, yerü woetama Iraétanüxü̃étüwa naxü ga Tupana.

Maraquía 1:5

Rü pemax rü pexetümaxã tá nüxü̃ pedau i ngẽma nüxü̃ chixuxü̃. Rü ngẽxguma i pema rü tá ñaperügügü: “Cori ya Tupana rü nataxüchi. Rü ngẽma norü pora rü Iraéanearü üyeanearü yexerawa nangu”, ñaperügügü tá —ñanagürü.

Wenaxarü naxümatü ga Tupanaarü mugü 20:4

Erü nüma ya perü Cori ya Tupana rü pexü̃tawa nangẽxma, rü nüma tá nixĩ i nadaiaxü̃ i ngẽma perü uanügü, rü tá nüxü̃ pexü̃ narüporamaegüxẽxẽ”, ñanagürü tá.

Wenaxarü naxümatü ga Tupanaarü mugü 4:9

¡Rü ngẽmaca̱x pexuãẽgü nax tama nüxü̃ iperüngümaexü̃ca̱x i ngẽma nüxü̃ pedaugüxü̃, rü woo peãẽwa tagutáma nüxü̃ iperüngümae i ngẽma Tupana pexca̱x üxü̃! Rü name nixĩ i pexacügüxü̃ rü petaagüxü̃ namaxã pengúexẽẽxü̃.

Wenaxarü naxümatü ga Tupanaarü mugü 1:30

Rü yimá tórü Cori ya Tupana rü tá pepe̱xegu nixũ. Rü nüma rü pexca̱x tá perü uanügümaxã nügü nadai, yema Equítuanewa pexca̱x naxüxü̃rüxü̃.

Yochué 23:10

Rü wüxíetama i pema rü pexü̃́ natauxcha nax 1,000 i duü̃xü̃güxü̃ pixüxẽẽxü̃, erü Cori ya perü Tupana rü peétüwa naxǘ rü pexca̱x nügü namaxã nadai, yema nümatama pemaxã inaxunetaxü̃rüxü̃.

Echequié 20:28

Rü yexguma nagu chanachocuxẽẽgu ga yema naane ga namaxã chaxueguxü̃ nax nüxna chanaxãxü̃ca̱x, rü nümagü ga perü o̱xigü rü yexguma nüxü̃ nadaugügu ga wüxi ga ma̱xpǘne rüe̱xna wüxi ga nai ga taetane rü guma ma̱xpǘnewa rü guma naixtüü̃wa norü tupananetagüca̱x nanadai rü ínanagu ga norü ãmaregü ga poraãcü naxchi chaxaixü̃. Rü yema norü ãmareétügu nanabagü ga norü bínugü rü norü tupananetagüca̱x ínanagu ga norü pumarate̱xe.

Ínachoxü̃xü̃chiga 19:4

“Rü pema rü marü nüxü̃ pedau ga yema Equítuanecüã̱xgümaxã chaxüxü̃ rü ñuxãcü i choma rü nua íchangexmaxü̃wa pexü̃ chagagüxü̃ ñoma wüxi i ĩyüpe̱xatügu pexü̃ igaxü̃rüxü̃.

Wenaxarü naxümatü ga Tupanaarü mugü 7:17

Rü bexmana ñaxü̃gu tá perüxĩnüe: “Ñaa duü̃xü̃gü rü tüxü̃ narümumaexü̃chi ¿rü ñuxãcü tá ínawoxü̃xü̃?” ñapegürü.

Wenaxarü naxümatü ga Tupanaarü mugü 7:24

Rü ngẽma norü ãẽ̱xgacügü rü Tupana rü tá pexme̱xgu nanayixẽxẽ. Rü pema rü tá ngẽxma peyanaxoxẽxẽ rü ñu̱xmatáta ñoma i naanewa taxúema wena nüxna cua̱xãchigü. Rü taxuxü̃táma i nümagü rü pexü̃ narüporamaegü, rü ngẽmaãcü i pema rü guxü̃xü̃táma ipeyarüxoxẽẽgü.