Yochué 23:2 - Tupanaarü Ore

² Rü nüma ga Yochué rü guxü̃ma ga Iraétanüxü̃arü ãẽ̱xgacügüca̱x nangema. Rü yema wüxitücumüchigüarü ãẽ̱xgacügüca̱x nangema, rü yema ãẽ̱xgacügü ga guxchaxü̃güarü mexẽẽruü̃ca̱x nangema, rü yema churaragüerugüca̱x rü ta nangema. Rü ñanagürü nüxü̃: —Marü chipa erü marü chaya.

Yochué 23:2 Referans Kwoze

Yochué 24:1

Rü nüma ga Yochué rü Chiquéü̃gu nanangutaque̱xexẽxẽ ga guxü̃ma ga duü̃xü̃gü ga Iraétanüxü̃, wüxigu namaxã ga yema natücumüchigüarü ãẽ̱xgacügü, rü ãẽ̱xgacügü ga guxchaxü̃arü mexẽẽruü̃gü, rü yema churaragüarü ãẽ̱xgacügü. Rü yéma Tupanape̱xewa ñanagürü: —Yimá tórü Tupana i yixema i Iraétanüxü̃ rü ñanagürü: “Nũxcüma ga nüma ga Téra rü nanegü ga Abraáü̃ rü Nacóx ga perü o̱xigü ixĩgücü, rü taxtü ga Eufrátecutügu naxãchiü̃gü. Rü yéma nixĩ ga tupananetagüxü̃ yacua̱xüü̃güxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:1

Rü nüma ga Dabí rü Yerucharéü̃gu nanangutaque̱xexẽxẽ ga guxü̃ma ga Iraéanearü ãẽ̱xgacügü. Rü yematanüwa nayexma ga norü ãẽ̱xgacügü ga yema 12 ga Iraétücumügümaxã icua̱xgüxü̃, rü ãẽ̱xgacügü ga Dabíarü churaragümaxã icua̱xgüxü̃, rü yema churaragüarü comaü̃dáü̃tegü rü capitáü̃gü, rü yema ãẽ̱xgacügü ga Dabíarü rü nanegüarü naanegümaxã rü naxü̃nagümaxã icua̱xgüxü̃, rü guxü̃ma ga yema togü ga ãẽ̱xgacügü ga itaxégatanücüüxü̃ ga Iraéanewa, rü guxü̃ma ga yema churaragü ga tama muü̃wa̱xegüxü̃.

Wenaxarü naxümatü ga Tupanaarü mugü 31:28

¡Rü ñu̱xma rü nua penagagü i guxü̃ma i perü ãẽ̱xgacügü i yaxguã̱xgü rü petücumüarü ãẽ̱xgacügü nax namaxã nüxü̃ chixuxü̃ca̱x nachiga i ñaa Cori ya Tupanaarü mugü! Rü daxũguxü̃ i naane rü ñoma i naane rü nüxü̃ nacua̱xgü nax aixcüma yixĩxü̃ i ngẽma tá nüxü̃ chixuxü̃.

Yochué 23:3

Pema rü marü nüxü̃ pedau ga yema naxüxü̃ ga Cori ya Tupana ga yexguma nadaiãgu ga yema duü̃xü̃gü ga perü uanügü ixĩgüxü̃. Yerü nüma ga Cori ya Tupana rü peétüwa naxü.

Yochué 13:1

Rü yexguma marü naya̱xgu ga Yochué rü Cori ya Tupana rü ñanagürü nüxü̃: —Cuma rü marü cuya rü muxü̃ma i naane ínayaxügüama nax penapuxü̃xü̃ca̱x.

1 Chamué 12:2

Daa nixĩ ya ãẽ̱xgacü ya pemaxã tá icuácü. Choma rü marü chaya rü chataueru, natürü chaunegü rü petanüwa nangẽxmagü. Choma nixĩ ga yexguma changextü̱xügucürüwatama pemaxã ichacuáxü̃ rü ñu̱xma rü ta.

Nüxíraxü̃xü̃ ga popera ga ãẽ̱xgacügüchiga 1:1

Rü nüma ga ãẽ̱xgacü ga Dabí rü nayaxüchi. Rü yemaca̱x woo ñuxre ga düxruü̃maxã nax yadüxgüãxü̃ rü nüxü̃ nanadeyuama.

Nüxíraxü̃xü̃ ga popera ga ãẽ̱xgacügüchiga 8:1

Rü yexguma ga Charomóü̃ rü Yerucharéü̃wa naxca̱x nangema ga guxü̃ma ga yema norü ngü̃xẽẽruü̃gü ga ãẽ̱xgacügü rü guxü̃ma ga yema ãẽ̱xgacügü ga wüxichigü ga Iraéanecüã̱xtücumümaxã icua̱xgüxü̃. Rü nanangutaque̱xexẽxẽ nax Chióü̃wa yayauxgüãxü̃ca̱x ga yema baú ga Cori ya Tupanaarü mugü nawa yexmaxü̃ nax Tupanapatawa nangegüãxü̃ca̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 23:2

Rü yexguma nanexü̃ yamucuchigu rü nanangutaque̱xexẽxẽ ga guxü̃ma ga Iraéanearü ãẽ̱xgacügü, rü chacherdótegü rü Lebítanüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 27:27

Rü Chimí ga Ramácüã̱x nixĩ ga yema úbanecügüwa puracüexü̃maxã icuácü. Rü Chadí ga Chepáü̃cüã̱x nixĩ ga namaxã icuácü ga guma ĩpatagü ga nagu namaxã nanguxü̃cü ga bínugü.