Yochué 23:10 - Tupanaarü Ore

¹⁰ Rü wüxíetama i pema rü pexü̃́ natauxcha nax 1,000 i duü̃xü̃güxü̃ pixüxẽẽxü̃, erü Cori ya perü Tupana rü peétüwa naxǘ rü pexca̱x nügü namaxã nadai, yema nümatama pemaxã inaxunetaxü̃rüxü̃.

Yochué 23:10 Referans Kwoze

Wenaxarü naxümatü ga Tupanaarü mugü 32:30

Rü choma nax Iraétanüxü̃arü poxü̃ruxü̃chire̱x chixĩxü̃ rü ñu̱xma rü norü uanügüaxü̃́ chanatauxchaxẽxẽ nax ngẽmame̱xẽgu nayixü̃ca̱x i ngẽma Iraétanüxü̃. Rü ngẽmaca̱x wüxitama i uanü rü 1,000 i Iraétanüxü̃xü̃ nibuxmüxẽxẽ, rü taxretama i uanügü rü 10,000 i Iraétanüxü̃xü̃ nibuxmüxẽxẽ.

Lebítanüxü̃arü puracüchiga 26:8

Rü wüxime̱e̱xpü̱x i pema rü tá peyabuxmüxẽxẽ i 100 i perü uanügü. Rü 100 i pema rü tá peyabuxmüxẽxẽ i 10,000 i perü uanügü. Rü perü taramaxã tá penadai i perü uanügü.

Wenaxarü naxümatü ga Tupanaarü mugü 3:22

¡Rü taxṹ i nüxü̃ cumuü̃xü̃! Erü nüma ya Cori ya curü Tupana tátama pexü̃ naxümücü nax nüxü̃ perüporamaegüxü̃ca̱x i perü uanügü”, ñachagürü nüxü̃.

Ínachoxü̃xü̃chiga 14:14

Rü pema rü taxuca̱xma pexoegaãẽgü. Erü nüma ya Cori ya Tupana rü tá pexü̃ ínapoxü̃ —ñanagürü.

Wiyaegü 35:1

Pa Cori Pa Tupanax ¡naxca̱x íyaxüãchi i ngẽma cha̱u̱xca̱x yaxüãchixü̃, rü nadai i ngẽma choxü̃ ima̱xgüchaü̃xü̃!

Wenaxarü naxümatü ga Tupanaarü mugü 20:4

Erü nüma ya perü Cori ya Tupana rü pexü̃tawa nangẽxma, rü nüma tá nixĩ i nadaiaxü̃ i ngẽma perü uanügü, rü tá nüxü̃ pexü̃ narüporamaegüxẽxẽ”, ñanagürü tá.

Romanos 8:31

¿Rü ñuxũ ñagüxü̃ tá i ñu̱xma i ngẽmachiga? Rü ngẽxguma Tupana taétüwa üxgu, ¿rü texé tá nüxü̃ tarüyexera nax chixexü̃ tamaxã taxüxü̃ca̱x?

Wiyaegü 46:7

Rü nüma ya Cori ya Tupana ya Guxãétüwa Ngẽxmacü rü tatanüwa nangẽxma. Rü yimá Acóbuarü Tupana nixĩ ya tórü poxü̃ruxü̃ ixĩcü.

Yochué 23:3

Pema rü marü nüxü̃ pedau ga yema naxüxü̃ ga Cori ya Tupana ga yexguma nadaiãgu ga yema duü̃xü̃gü ga perü uanügü ixĩgüxü̃. Yerü nüma ga Cori ya Tupana rü peétüwa naxü.

1 Chamué 14:6

Rü nüma ga Yonatáü̃ rü norü ngü̃xẽẽruxü̃xü̃ ñanagürü: —Ngĩxã, rü tocutüwa taxĩ, ñu̱xmatáta ngẽma Firitéugüarü churaragütücumü i tama Tupanaaxü̃́ yaxõgüxü̃ íngẽxmaxü̃wa ingugü. Bexmana nüma ya Cori ya Tupana rü tá tüxü̃ narüngü̃xẽxẽ, erü taxuxü̃ma nüxü̃́ naguxcha nax tüxü̃ naporamaexẽẽxü̃ woo imuxgu rüe̱xna inoxregu —ñanagürü.

Ãẽ̱xgacügü ga guxchaxü̃güarü mexẽxẽruü̃gü 15:15

Rü yexguma ga Chanchóü̃ rü nanayaxu ga wüxi ga búruchicüra ga yexma üxü̃ ga taxũta mea ipaxü̃. Rü yemamaxã tüxü̃ nadai ga 1,000 ga Firitéugü.

2 Chamué 23:8

Rü ñaagü nixĩ i naégagü ga Dabíarü churaragü ga iporaexü̃ ga daiwa: Ibóchex, ga Axmóü̃cüã̱x ixĩxü̃, rü nüma nixĩ ga yema tomaepü̱x ga iporaxüchixü̃maxã inacuáxü̃. Rü wüxicana ga nüma rü wocaemaxã 800 ga yatü nadai.

Ãẽ̱xgacügü ga guxchaxü̃güarü mexẽxẽruü̃gü 3:31

Rü Aóxwena rü to ga Iraétanüxü̃maxã icuáxü̃ rü Chamgáx ga Anáx nane nixĩ. Rü nüma rü wüxi ga naixmena̱xã ga fierumaxã ãmaguxü̃maxã nanadai ga 600 ga Firitéugü. Rü yemaacü nüma ga Chamgáx rü ta rü Iraétanüxü̃xü̃ ínanguxü̃xẽxẽ.

Wenaxarü naxümatü ga Tupanaarü mugü 20:3

“Pa Iraétanüxü̃, ¡Choxü̃́ iperüxĩnüe! Ñu̱xma rü tá perü uanügümaxã pegü pedai, natürü tama name i peyarümaãchitanü, rü pemuü̃e, rü naxcha̱xwa pidu̱xrue rü peba̱i̱xãchie.

Wenaxarü naxümatü ga Tupanaarü mugü 28:7

Rü nüma ya Cori ya Tupana rü tá pexme̱xgu nanayixẽxẽ i perü uanügü ega ngẽxguma pexca̱x íyaxüãchigu. Rü mea yachimachimüü̃ãcü tá pexca̱x ínayaxüãchi, natürü ngẽxguma pemaxã nügü nadaixgu rü tá nügü nawoone nax pexcha̱xwa yabuxmüxü̃ca̱x.

Wenaxarü naxümatü ga Tupanaarü mugü 32:20

Rü ñanagürü: “Rü ñu̱xma rü tá pexna chixũgachi, rü ngẽxguma tá nixĩ i nüxü̃ pecuáxü̃ nax ta̱xacü tá pexü̃ ngupetüxü̃. Rü aixcüma i pema rü duü̃xü̃gü i chixexü̃gu maxẽxe pixĩgü, rü chauxacügü i tama aixcümagüxe pixĩgü.

Yochué 23:11

¡Rü pexuãxẽgü rü pegüna pedaugü nax tama nüxü̃ íperüngümaexü̃ca̱x! ¡Rü nüxü̃ pengechaü̃gü ya perü Cori ya Tupana!

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 5:22

Rü muxü̃ma ga norü uanügü nayue, yerü Tupana nüxü̃ narüngü̃xẽxẽ ga yema Rubéü̃tanüxü̃ rü Gáxtanüxü̃ rü ngãxü̃tücumü ga Manachétanüxü̃. Rü yema norü uanügüarü naanegüwa namaxẽ ñu̱xmata nawa nangu nax Achíriaanecüã̱x ínayauxü̃xü̃ nax nachixü̃anewa nagagüãxü̃ca̱x.

Ichaía 30:17

Rü wüxitatama i perü uanü rü tá 1,000 i pema pexü̃ nibuxmüxẽxẽ. Rü ngẽxguma 5 yixĩxgu i perü uanügü rü guxãma i pema rü tá na̱xcha̱xwa pibuxmü. Rü noxretama i pema tá ípeyaxügü ñoma wüxi i wonerapaweru i nüxica ma̱xpǘneétügu puxü̃rüxü̃. Rü ñoma wüxi i naixmena̱xã i cua̱xruxü̃ i nüxica ma̱xpǘneétügu puxü̃rüxü̃ tá pixĩgü.

Chacaría 12:8

Rü choma i Cori nax chixĩxü̃ rü tá nüxna chadau i guxü̃ma i ngẽma duü̃xü̃gü i Yerucharéü̃wa maxẽxü̃. Rü ngẽma duü̃xü̃gü i turaexü̃ rü tá nipora ñoma ãẽ̱xgacü ga Dabírüxü̃. Rü ngẽma Dabítanüxü̃ rü tá ñoma Tupanarüxü̃ naporae rü ñoma Cori ya Tupanaarü orearü ngeruxü̃ i ngẽma duü̃xü̃güpe̱xegu ixũxü̃rüxü̃ tá naporae.

Lebítanüxü̃arü puracüchiga 26:7

Rü pema rü tá peyabuxmüxẽxẽ i perü uanügü, rü taramaxã tá penadai.