Yochué 22:9 - Tupanaarü Ore

⁹ Rü yemaacü ga Rubéü̃tanüxü̃, rü Gáxtanüxü̃, rü yema ngãxü̃tücumü ga Manachétanüxü̃ rü nüxna nixĩgachitanü ga yema togü ga Iraétanüxü̃ ga Chilówa ga Canaáü̃anewa yexmagüxü̃. Rü yemaacü naxca̱x nawoegu ga napatagü rü naanegü ga Garaáxarü naanewa yexmagüxü̃, yema Cori ya Tupana Moichémaxã nüxü̃ ixuxü̃rüxü̃.

Yochué 22:9 Referans Kwoze

Iraétanüxü̃arü muxchiga 32:29

—Rü ngẽxguma aixcüma ãxneãcüma natü i Yudáü̃ wüxigu pemaxã yachoü̃gu i guxü̃ma i ngẽma Gáxtanüxü̃ rü Rubéü̃tanüxü̃ nax Cori ya Tupana pexü̃ rüngü̃xẽẽãcüma pemaxã daiwa naxĩxü̃ca̱x ñu̱xmata peyapugü i ngẽma nachixü̃ane, rü ñu̱xũchi i pema rü tá nüxna penaxã i ñaa Garaáxarü naane nax noxrügü yaxĩxü̃ca̱x.

Iraétanüxü̃arü muxchiga 32:26

Rü yíxema toxma̱xgü rü toxocügü rü torü wocagümaxã rü guxü̃ma i toxü̃nagümaxã daa Garaáxanearü ĩanegüwa tátama tangexmagü.

Iraétanüxü̃arü muxchiga 32:1

Rü yema Rubéü̃tanüxü̃ rü Gáxtanüxü̃ rü namuxũchi ga naxü̃nagü. Rü yexguma nüxü̃ nadaugügu ga yema Yachéxane rü Garaáxane nax namexü̃ nax naxü̃nagü nawa nayaexẽẽxü̃, rü Moichéxü̃tawa rü chacherdóte ga Ereacháxü̃tawa rü ñu̱xũchi yema duü̃xü̃gümaxã icua̱xgüxü̃xü̃tawa naxĩ. Rü nüxna nayacagü rü ñanagürügü:

Wiyaegü 60:7

Rü Garaáxarü naane rü Manachéarü naane rü choxrü nixĩ. Rü Efraíü̃ rü chopate̱xe i chaueruarü poxü̃ruxü̃ nixĩ rü Yudá rü chorü poraarü cua̱xruxü̃ nixĩ.

Yochué 13:25

Rü yema naane ga Gáxarü duü̃xü̃güna üxü̃ rü Yachéxwa inaxügü, rü namaxã nanangauxẽxẽ ga guxü̃nema ga ĩanegü ga Garaáxanewa yexmagüne. Rü naétü nüxna nanaxã ga ngãxü̃gu ga Amóü̃tanüxü̃arü naane rü ñu̱xmata nawa nangu ga guma ĩane ga Aroé ga Rabáarü to̱xma̱xtawa yexmane. Rü naétü nüxna nanaxã ga yema naane ga Ebóü̃, rü Ramáx-mispé, rü Betoníü̃arü ngãxü̃wa yexmaxü̃. Rü yexgumarüxü̃ ta nüxna nanaxã ga yema naane ga Maanaíü̃ rü Debíxwa yexmaxü̃ ga üyeanearü ngãxü̃wa.

Yochué 13:11

Rü nanayauxgü ta ga Garaáxane, rü Guechuréuane, rü Maacáane, rü naétü ga guma ma̱xpǘne ga Ermóü̃, rü guxü̃ma ga Bacháü̃ane ñu̱xmata Chacáwa nangu. Rü namaxã nangau ga yema naanegü ga Bacháü̃anearü ãẽ̱xgacü ga Óx namaxã icuáxü̃. Rü nüma ga Óx rü Atarúwa rü Edréiwa ãẽ̱xgacü nixĩ. Rü yexguma Moiché yema Refátanüxü̃xü̃ rüporamaegu rü ínawoxü̃ãgu ga yema naanewa rü nüma ga Óx nixĩ ga Refátanüxü̃ ga nawa iyacuáxü̃.

Yochué 22:10

Rü yema Rubéü̃arü duü̃xü̃gü, rü Gáxarü duü̃xü̃gü, rü ngãxü̃tücumü ga Manachéarü duü̃xü̃gü rü yexguma natü ga Yudáü̃cutüwa nangugügu rü yexma nanaxügü ga wüxi ãmarearü guruxü̃ ga taxü̃. Rü Cananéugüarü naanegu nixĩ ga naxügüãxü̃.

Ãẽ̱xgacügü ga guxchaxü̃güarü mexẽxẽruü̃gü 5:17

Natürü yema natü ga Yudáü̃arü tocutüwa yexmagüxü̃ ga duü̃xü̃gü rü Garaáxanegu narüchomare. Rü yema Dáü̃tanüxü̃ rü Achétanüxü̃ rü türewatama norü wapurugüna nadaugü rü tama daiwa naxĩ.

2 Chamué 2:9

Rü yéma chíxü̃maxã nanabaeru nax ãẽ̱xgacü yixĩxü̃ca̱x ga Garaáxanewa, rü Guechuríanewa, rü Yereéanewa, rü Efraíü̃anewa, rü Bẽyamíü̃anewa, rü guxü̃ma ga Iraéanewa.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 5:9

Rü naxü̃nagü rü Garaáxanewa nimu rü yemaca̱x nüma ga Béra rü éstewaama nüxü̃ nataneta ga norü naane ñu̱xmata nawa nangu ga yema naxnücüane ga taxtü ga Eufrátearü oéstewaama yexmaxü̃.

Iraétanüxü̃arü muxchiga 32:20

Rü Moiché nanangãxü̃ rü nüxü̃ ñanagürü: —Rü ngẽxguma aixcüma peyanguxẽẽgu i ngẽma nüxü̃ pixuxü̃ rü name nixĩ i pegü pixüxnegü rü Tupana naxwa̱xexü̃ãcüma ipexĩãchi nax ngẽma uanügümaxã pegü pedaixü̃ca̱x.

Wenaxarü naxümatü ga Tupanaarü mugü 3:18

Rü yexguma ga choma rü pemaxã nüxü̃ chixu rü ñachagürü pexü̃: “Pa Rubéü̃tanüxü̃, rü Pa Gáxtanüxü̃, rü Pa Ngãxü̃tücumü ga Manachétanüxü̃x, Cori ya perü Tupana rü marü pexna nanaxã ga ñaa naane. Rü ngẽmaca̱x pexü̃ chamu i ñu̱xma nax guxãma ya yíxema daixü̃ cuáxe rü penadexü̃ ya pexnegü rü naxpe̱xegu pexĩxü̃ i petanüxü̃ i Iraétanüxü̃ nax namaxã pichoü̃xü̃ca̱x i ngẽma natü i Yudáü̃.

Wenaxarü naxümatü ga Tupanaarü mugü 3:20

Rü pemaxã nüxü̃ chixu rü ngẽxguma pexenexẽgü rü taxũta napugüã̱xgu i ngẽma naane i Cori ya Tupana tá nüxna ãxü̃ i natü i Yudáü̃arü tocutüwa, rü ngẽxguma Cori ya Tupana taxũta nüxna naxãxgu i ngẽma taãxẽ ga pexna naxãxü̃rüxü̃, rü pema rü taxucürüwa naxca̱x pewoegu i ñaa naane ga pexna chaxãxü̃”, ñachagürü pexü̃.

Wenaxarü naxümatü ga Tupanaarü mugü 34:1

Rü Moáanearü chianexü̃wa inaxũãchi ga Moiché nax ma̱xpǘneanexü̃ ga Nébuwa naxũxü̃ca̱x. Rü guma ma̱xpǘne ga Pichágu naxĩnagü. Rü guma ma̱xpǘne rü Yericúarü to̱xma̱xtawa nayexma. Rü yéma nixĩ ga Cori ya Tupana nüxü̃ nawéxü̃ ga guxü̃ma ga Garaáxane rü ñu̱xmata Dáü̃arü naanegu nüxü̃ nadauxẽxẽ.

Ãẽ̱xgacügü ga guxchaxü̃güarü mexẽxẽruü̃gü 20:1

Rü guxü̃ma ga yema Iraétanüxü̃ ga duü̃xü̃gü ga Dáü̃arü naanewa inaxügü rü ñu̱xmata Bechébawa nangu, rü naétü ga Garaáxanecüã̱xgü rü nügü nanutaque̱xe rü wüxigutama narüxĩnüe, rü Mispágu nangutaque̱xegü nape̱xegu ga Cori ya Tupana.