Yochué 22:8 - Tupanaarü Ore

⁸ Rü ñu̱xũchi ñanagürü nüxü̃: —Pema i ñu̱xma rü perü naanegüca̱x pewoegu namaxã i muxü̃ma i ngẽmaxü̃gü, rü muxü̃ma i naxü̃nagü, rü úirugü, rü diẽrugü, rü bróũchegü, rü fierugü, rü muxü̃ma i naxchirugü. ¡Rü peenexẽgümaxã penga̱u̱x i ñaa ngẽmaxü̃gü i perü uanügüna pepuxü̃xü̃! —ñanagürü.

Yochué 22:8 Referans Kwoze

Ucu̱xẽgüchiga 3:16

Ngẽma cua̱x rü norü tügüneme̱xẽmaxã tüxna nanaxuaxü̃ i maxü̃ i máxü̃, rü norü to̱xowemaxã tüxna nanaxuaxü̃ i ngẽmaxü̃gü rü cua̱xüxü̃gü.

1 Chamué 30:24

Rü ngẽmaca̱x taxũtáma texé pexü̃́ tanayaxu i ngẽma nagu perüxĩnüexü̃. Erü ngẽxguma namaxã inuegu i ngẽma ipuxü̃xü̃, rü ngẽma tama daiwa ĩxü̃ natürü nüxna daugüxü̃ i tórü ngẽmaxü̃gü rü nüma rü tá ta nanayauxgü i ngẽma ipuxü̃xü̃ —ñanagürü.

Popera ga Yudíugü ga yaxõgüxü̃ca̱x ümatüxü̃ 11:26

Rü yexgumarüxü̃ nax daxũguxü̃ ga naanena nax yaxũxü̃ ga Cristu nax ngúxü̃ yangexü̃ca̱x, rü yexgumarüxü̃ ta nixĩ ga Moiché ga ãẽ̱xgacüpatana nax yaxũxü̃, yerü naxca̱x rü narümemae nax Iraétanüxü̃maxã wüxigu ngúxü̃ yangexü̃. Rü taxuca̱xma yema ngúxü̃gu narüxĩnü ga Moiché, yerü norü ngúchaü̃ nixĩ nax naya̱u̱xãxü̃ i ngẽma natanü ya Tupana tá nüxna ãxü̃.

1 Corintios 15:58

Rü ngẽmaca̱x, Pa Chauenexẽgü ya Pexü̃ Changechaü̃güxex, rü name nixĩ i mea peyaxõgüama rü taguma ípenata̱x i Tupanaarü ore. Rü name nixĩ i guxü̃guma mea penaxü i tórü Coriarü puracü, erü pema nüxü̃ pecua̱x rü ngẽma puracü i nüxü̃́ pexüxü̃, rü tama natüca̱xma nixĩ.

Wiyaegü 68:12

—Yema uanügüarü ãẽ̱xgacügü rü norü churaragümaxã nibuxmü. Rü yema ngexü̃gü ga ĩpatawachigü yexmagüxü̃ rü nügümaxã nayatoye ga yema norü uanügüarü yemaxü̃gü ga nüxna yéma yabuxmüxü̃.

Norü taxre ga to ga popera ga ãẽ̱xgacügüchiga ümatüxü̃ 17:5

Rü yemaca̱x ga Cori ya Tupana rü Yochapáme̱xẽwa nanayexmaxẽxẽ ga Yudáane nax mea namaxã inacuáxü̃ca̱x. Rü guxü̃ma ga Yudáanecüã̱xgü ga duü̃xü̃gü rü Yochapána nanaxãgü ga norü ãmaregü. Rü yemaca̱x ga nüma ga Yochapáx rü namuarü yemaxü̃ã̱xü̃chi rü poraãcü natachiga.

1 Chamué 30:16

Rü nüma ga gumá yatü rü yema Amaréxtanüxü̃ íyexmagüxü̃wa Dabíxü̃ naga. Rü yexguma natanüwa nanguxgu, rü nüma ga Amaréxtanüxü̃ rü nügü yema naanegu ninu. Rü ínachibüe rü ínaxaxegü rü ínapetaegü namaxã ga yema Firitéugüanewa rü Yudáanewa naxca̱x nangĩ̱xgüxü̃ ga yemaxü̃gü.

Norü taxre ga to ga popera ga ãẽ̱xgacügüchiga ümatüxü̃ 32:27

Rü nüma ga Echequía rü nüxü̃́ nayexma ga muxü̃ma ga norü yemaxü̃gü ga imexẽchixü̃. Rü natachiga. Rü namuxũchi ga norü úirugü, rü diẽrumügü, rü nutaxacügü ga ngã̱xãẽruü̃gü, rü pumaragü, rü poxü̃ruü̃gü, rü naguxü̃raü̃xü̃ ga yemaxü̃gü ga tatanüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 5:9

Rü naxü̃nagü rü Garaáxanewa nimu rü yemaca̱x nüma ga Béra rü éstewaama nüxü̃ nataneta ga norü naane ñu̱xmata nawa nangu ga yema naxnücüane ga taxtü ga Eufrátearü oéstewaama yexmaxü̃.