Yochué 22:6 - Tupanaarü Ore

⁶ Rü yemawena ga Yochué rü mexü̃ namaxã naxuegu, rü ínayamugü. Rü nümagü rü napataca̱x nawoegu.

Yochué 22:6 Referans Kwoze

Yochué 14:13

Rü yexguma ga nüma ga Yochué rü Tupanaégagu mexü̃ Caréxmaxã naxuegu. Rü nüxna nanaxã ga Ebróü̃arü naane nax noxrü yixĩxü̃ca̱x rü nataagüarü yixĩxü̃ca̱x.

Ore i mexü̃ ga Luca ümatüxü̃ 24:50

Rü yexguma ga Ngechuchu rü Yerucharéü̃arü tóxnamana norü ngúexü̃güxü̃ nagagü, ñu̱xmata Betániaarü ngaicamana nangugü. Rü yéma norü ngúexü̃güétü nawéme̱x, rü Tupanana naca nax nüxü̃ nangü̃xẽẽxü̃ca̱x.

2 Chamué 6:18

Rü yexguma marü nüxü̃ nachauegu nax ãmare naxãgüxü̃, rü nüma ga Dabí rü Cori ya Tupana ya Guxãétüwaégagu mexü̃ namaxã naxuegu ga guxü̃ma ga norü duü̃xü̃gü. Rü guxü̃ma ga Iraétanüxü̃ ga yéma yexmagüxü̃ ga iyatüxü̃ rü ingexü̃ rü wüxichigü ga paũ nüxna naxã, rü wüxichigü i maicuraxü̃ i dátilnaxca̱x, rü wüxichigü i maixcuraxü̃ i pachanaxca̱x nüxna nixãchigü. Rü yemawena rü guxü̃ma napataca̱x nawoegu.

Ínachoxü̃xü̃chiga 39:43

Rü yexguma Moiché nüxü̃ da̱u̱xgu nax meama yanguxẽẽgüãxü̃ ga yema Tupana namaxã nüxü̃ ixuxü̃, rü nüma ga Moiché rü duü̃xü̃gümaxã mexü̃ naxuegu.

Naanearü ügüchiga 47:7

Rü ñu̱xũchi ga Yúche rü yéma ta tüxü̃ naga ga guxema nanatü ga Acóbu nax yemaacü Faraóü̃ tüxü̃ cuáxü̃ca̱x. Rü taãẽãcüma Faraóü̃xü̃ tarümoxẽ ga Acóbu. Rü nüma ga Faraóü̃ rü tüxna naca rü tüxü̃ ñanagürü: —¿Ñuxre ya taunecü cuxü̃́ nangẽxma? —ñanagürü.

Ore i mexü̃ ga Luca ümatüxü̃ 2:34

Rü yexguma ga Chimeóü̃ rü Tupanana naca nax nüxü̃ nangü̃xẽẽxü̃ca̱x ga Yúche rü María rü gumá bucü. Rü ñanagürü ngĩxü̃ ga María ga Ngechuchu naé: “Dücax, daa bucü rü tá nanamaxẽxẽxẽ i muxü̃ma i Iraétanüxü̃, natürü ngẽma nüxü̃ oexü̃ rü tá inayarütauxe. Rü nüma rü wüxi i cua̱xruxü̃ tá nixĩ, rü muxü̃ma i duü̃xü̃gü rü tá nüxü̃ naxoe.

Norü taxre ga to ga popera ga ãẽ̱xgacügüchiga ümatüxü̃ 30:18

Rü muxü̃ma ga Efraíü̃tanüxü̃, rü Manachétanüxü̃, rü Ichacátanüxü̃ rü Chaburóü̃tanüxü̃ rü nanangõ̱xgü ga yema Üpetüchigaarü õna, natürü tama Tupanape̱xewa nügü yamexẽẽgüãcüma nanangõ̱xgü. Rü yemaca̱x ga Echequía rü nayumüxẽ rü ñanagürü: —Pa Cori Pa Tupana ya Ngechaü̃wa̱xecüx, cuma rü tüxü̃́ nüxü̃ icurüngüma i tümaarü chixexü̃ ya yíxema aixcüma cuxü̃́ yaxõgüxe. Pa Corix i Ngẽma Duü̃xü̃güarü O̱xigüarü Tupanax, cuma nüxü̃ quixu nax tama namexü̃ nax texé nangṍxü̃ i ngẽma Üpetüchigaarü õna ega tama cupe̱xewa tügü timexẽẽgüxíragu. Natürü chanaxwa̱xe i nüxü̃́ nüxü̃ icurüngüma i ngẽma duü̃xü̃güarü guxchaxü̃ woo tama cuma nüxü̃ quixuxü̃ãcü nanangõ̱xgü i ngẽma õna —ñanagürü.

2 Chamué 6:20

Rü nüma ga Dabí rü ta napataca̱x nataegu nax napatacüã̱xgümaxã mexü̃ naxueguxü̃ca̱x. Natürü ga Micá ga Chaúxacü, rü naxca̱x iyagó rü inayaxu rü ngĩgürügü: —Ñu̱xmawaxix nixĩ i nügü mea inawéxü̃ ya Iraéanearü ãẽ̱xgacü nape̱xewa i norü churaragüerugüarü naxü̃taxü̃gü rü ñoma ngexü̃rüüxü̃mare i duü̃xü̃rüxü̃ nügü nixĩxẽxẽ rü ãne inawe̱x —ngĩgürügü.

1 Chamué 2:20

Rü nüma ga gumá chacherdóte ga Erí rü Ercanámaxã rü naxma̱xmaxã mexü̃ naxuegu rü ñanagürü: —Nüma ya Cori ya Tupana rü tá cuxü̃́ nanaxütanü namaxã nax cuxü̃́ nax yaxãxacüchigüxü̃ca̱x i ñaa nge natanü ya yimá ngĩne ya Corina namuãcü —ñanagürü. Rü yemawena ga Ercaná rü Ána rü napataca̱x nawoegu.

Naanearü ügüchiga 47:10

Rü yemawena ga Acóbu rü Faraóü̃xü̃ narümoxẽ rü ñu̱xũchi nüxna nataegu ga yéma.

Naanearü ügüchiga 14:19

Rü ñaa oremaxã mexü̃ Abráü̃maxã naxuegu rü ñanagürü: —¡Tupana ya Guxü̃étüwa Ngẽxmacü i daxũguxü̃ i naanearü üruxü̃ rü ñoma i naanearü üruxü̃ rü poraãcü mexü̃ cuwa naxü̱x! ¡Rü namecümaxüchi ya Tupana ya Guxü̃étüwa Ngẽxmacü ya curü uanügüxü̃ cuxü̃ rüporamaexẽẽcü! —ñanagürü. Rü yexguma ga Abráü̃ rü Melquichedéxna nanaxã ga norü diésmu natanüwa ga yema yemaxü̃gü ga napuxü̃xü̃.

Yochué 24:28

Rü yemawena rü nüma ga Yochué rü ínayamugü ga yema duü̃xü̃gü nax wüxichigü norü naaneca̱x nawoeguxü̃ca̱x.

1 Chamué 10:25

Rü yexguma ga nüma ga Chamué rü duü̃xü̃gümaxã nüxü̃ nixu ga yema mugü ga nagu tá yaxũxü̃ ga gumá ãẽ̱xgacü norü duü̃xü̃gümaxã. Rü ñu̱xũchi wüxi ga poperagu nanaxümatü ga yema mugü rü Tupanapatagu nayaxǘ. Rü yemawena ga Chamué rü ínayamugü ga guxü̃ma ga yema Iraéanecüã̱xgü nax napatawa naxĩxü̃ca̱x.

Nüxíraxü̃xü̃ ga popera ga ãẽ̱xgacügüchiga 8:66

Rü moxü̃ãcü ga Charomóü̃ rü guxü̃ma ga yema duü̃xü̃güxü̃ narümoxẽ nax nachiü̃ca̱x nawoeguxü̃ca̱x. Rü nüma ga duü̃xü̃gü rü norü ãẽ̱xgacümaxã mexü̃ naxuegugü. Rü taãẽãcüma nawoegu yerü Tupana rü nüxü̃ nanawe̱x nax ñuxãcü poraãcü norü duü̃ ga Dabítanüxü̃xü̃ nangechaü̃xü̃, rü ñuxãcü poraãcü nüxü̃ nax nangü̃xẽẽxü̃ i guxü̃ma i norü duü̃xü̃gü i Iraéanecüã̱xgü.