Yochué 22:4 - Tupanaarü Ore

⁴ Rü ngẽmaca̱x i ñu̱xma nax Tupana marü yanguxẽẽxü̃ i norü uneta rü ngẽma peenexẽgü rü marü taxuxü̃ma i guxchaxü̃wa nangẽxmagü, rü marü name nax naxca̱x pewoeguxü̃ i pepatagü rü perü naanegü ga Moiché ga Tupanaarü duü̃ pexna ãxü̃ ga natü ga Yudáü̃arü éstewaama.

Yochué 22:4 Referans Kwoze

Yochué 13:8

Rü yexguma Moiché namaxã nuegu ga yema naane ga Yudáü̃arü éstewaama yexmaxü̃ rü Rubéü̃arü duü̃xü̃gü rü Gáxarü duü̃xü̃gü, rü ngãxü̃tücumü ga Manachéarü duü̃xü̃gü rü marü nanayauxgü ga norü naane ga nüxna ixüchigüxü̃.

Iraétanüxü̃arü muxchiga 32:18

Rü toma rü taxũtáma topataca̱x tawoegu ñu̱xmatáta guxü̃ma i Iraétanüxü̃ nayauxgü i norü naane.

Wenaxarü naxümatü ga Tupanaarü mugü 3:20

Rü pemaxã nüxü̃ chixu rü ngẽxguma pexenexẽgü rü taxũta napugüã̱xgu i ngẽma naane i Cori ya Tupana tá nüxna ãxü̃ i natü i Yudáü̃arü tocutüwa, rü ngẽxguma Cori ya Tupana taxũta nüxna naxãxgu i ngẽma taãxẽ ga pexna naxãxü̃rüxü̃, rü pema rü taxucürüwa naxca̱x pewoegu i ñaa naane ga pexna chaxãxü̃”, ñachagürü pexü̃.

Yochué 13:15

Rü nüma ga Moiché rü Rubéü̃tücumüxü̃ nayanu ga norü naane nae̱xpü̱x nax ñuxre yixĩxü̃ ga norü mu.

Wenaxarü naxümatü ga Tupanaarü mugü 29:8

Rü yema norü naanegü rü tanapu rü nüxna tanaxã ga Rubéü̃tanü̃xü̃, rü Gáxtanüxü̃ rü ngãxü̃tücumü ga Manachétanüxü̃.

Wenaxarü naxümatü ga Tupanaarü mugü 12:9

Rü ñu̱xma rü ta taxũta nawa pengugü i ngẽma naane i Cori ya perü Tupana tá pexna ãxü̃ i nawa tá aixcüma petaãẽgüxü̃.

Ínachoxü̃xü̃chiga 33:14

Rü yexguma ga Tupana rü Moichéxü̃ nangãxü̃ rü ñanagürü: —Chomatátama cuxü̃ chaxümücü, rü tá cuxü̃ charüngü̃xẽxẽxü̃ —ñanagürü.

Yochué 1:15

Rü ñu̱xmatáta nüma ya Cori ya Tupana peenexẽgüna naxã i norü naane i nagu tá taãẽãcüma naxãchiü̃güxü̃, yema pexna naxããgurüxü̃, rü ñu̱xmatáta nümagü rü norü yora yaxĩgüxü̃ i ngẽma naane i Cori ya Tupana tá nüxna ãxü̃, rü tá nüxü̃ perüngü̃xẽxẽ. Rü ngẽmawena i pemax rü tá naxca̱x pewoegu i ñaa perü naane i Yudáü̃cutüarü éstewaama üxü̃, nax ngẽmaãcü penayaxuchixü̃ca̱x i ñaa naane ga gumá Tupanaarü duü̃ ga Moiché pexna ãxü̃ —ñanagürü.

Yochué 22:3

Rü ñu̱xma rü ta taguma nüxna pixĩgachi i peenexẽgü, rü aixcüma peyangu̱xẽxẽ i guxü̃ma i norü mugü ya Cori ya perü Tupana.

Yochué 12:6

Rü nüma ga Moiché rü namaxã ga Iraétanüxü̃ rü yema taxre ga ãẽ̱xgacügüxü̃ narüporamae rü nanadai. Rü nüma ga Moiché rü yema naane rü Rubéü̃tanüxü̃na nanaxã, rü Gáxtanüxü̃na nanaxã, rü ngãxü̃tücumü ga Manachétanüxü̃na rü ta nanaxã.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 22:18

Rü ñanagürü: —Cori ya Tupana rü petanüwa nayexma, rü ngẽmaca̱x i ngẽma togü i nachixü̃anegü rü tama pemaxã daigu narüxĩnüe rü guxü̃wama taãẽwa pengẽxmagü. Rü nüma ya Tupana rü cho̱xme̱xwa nanangexmagüxẽxẽ i guxü̃ma i duü̃xü̃gü i ñaa nachixü̃anewa maxẽxü̃. Rü ñu̱xmax rü Tupaname̱xẽwa rü norü duü̃xü̃güme̱xẽwa nangẽxma i ñaa naane.