Yochué 21:5 - Tupanaarü Ore

⁵ Rü yema togü ga Queáxtanüxü̃na nanaxãgü ga 10 ya ĩanegü. Rü guma ĩanegü rü Efraíü̃tanüxü̃arü naanewa, rü Dáü̃tanüxü̃arü naanewa, rü yema ngãxü̃tücumü ga Manachétanüxü̃arü naanewa nayexmagü.

Yochué 21:5 Referans Kwoze

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 6:61

Rü yema to ga Queáxtanüxü̃ rü sortéuãcü nüxna nanaxãgü ga 10 ga ĩanegü ga ngãxü̃tücumü ga Manachétanüxü̃arü naanewa yexmagüne.

Iraétanüxü̃arü muxchiga 3:27

Rü yema Amráü̃tanüxü̃, rü Ichátanüxü̃, rü Ebróü̃tanüxü̃, rü Uchiétanüxü̃, rü yemagü rü Queáxtanüxü̃ nixĩgü.

Naanearü ügüchiga 46:11

Rü Lebí nanegü nixĩ ga Guerchóü̃, rü Queáx, rü Merarí.

Yochué 21:4

Rü nanaxügü ga wüxi ga sortéu. Rü yema Lebítanüxü̃ ga Queáxtaagü nixĩ ga nüxíra sortéuãcü nayauxgüxü̃ ga norü ĩanegü. Rü yema Queáxtaagü rü chacherdóte ga Aróü̃tanüxü̃ nixĩgü. Rü nüxna nanaxã ga 13 ga ĩanegü. Rü guma ĩanegü rü Yudátanüxü̃arü naanewa, rü Chimeóü̃tanüxü̃arü naanewa, rü Bẽyamíü̃tanüxü̃arü naanewa nayexmagü.

Yochué 21:6

Rü yemawena rü yema Lebítanüxü̃ ga Guerchóü̃taagü rü sortéuãcü nüxna nanaxãgü ga 13 ya ĩanegü. Rü guma ĩanegü rü Ichacátanüxü̃arü naanewa, rü Achétanüxü̃arü naanewa, rü Netarítanüxü̃arü naanewa, rü yema ngãxü̃ ga Manachétanüxü̃ ga Bacháü̃wa yexmagüxü̃arü naanewa nayexmagü.