Yochué 21:44 - Tupanaarü Ore

⁴⁴ Cori ya Tupana rü nayanguxẽxẽ ga norü uneta, rü taãxẽwa nanayexmagüxẽxẽ ga guxü̃wama ga yema naanewa. Rü norü uanügü rü taxuxü̃ma ga ta̱xacürü chixexü̃ namaxã naxüe, yerü Cori ya Tupana rü Iraétanüxü̃me̱xẽgu nanayixẽxẽ ga guxü̃ma ga yema norü uanügü.

Yochué 21:44 Referans Kwoze

Yochué 11:23

Rü yemaacü nixĩ ga Yochué ga napuxü̃ãxü̃ ga yema naanegü yema Cori ya Tupana Moichémaxã nüxü̃ ixuxü̃rüxü̃. Rü ñu̱xũchi yema Iraétücumügüxü̃ nayanu ga yema naane nax wüxitücumüchigü nüxü̃́ yexmaxü̃ca̱x ga noxrütama naane. Rü yemawena rü marü nataxuma ga dai ga yema naanewa.

Popera ga Yudíugü ga yaxõgüxü̃ca̱x ümatüxü̃ 4:9

Rü ngẽmaca̱x i ñu̱xma rü ta nangẽxma i wüxi i nachica i üünexü̃ i nagu tá nangü̃ẽxü̃ i ngẽma Tupanaarü duü̃xü̃gü ixĩgüxü̃.

Ínachoxü̃xü̃chiga 23:31

Rü ngẽma curü üyeane i choma ichaxüxü̃ rü Már i Dauchíüxü̃wa inaxügü rü ñu̱xmata Firitéutanüxü̃arü márcutügu yacuáx. Rü ngẽma chianexü̃wa inaxügü rü ñu̱xmata taxtü i Eufrátewa nangu. Rü choma rü marü cuxme̱xwa tá chanangexmagüxẽxẽ i guxü̃ma i ngẽma duü̃xü̃gü i ngẽma nachixü̃anecüã̱xgü. Rü cuma tá nixĩ i ícunawoxü̃xü̃ i ngẽma naanewa.

Yochué 22:9

Rü yemaacü ga Rubéü̃tanüxü̃, rü Gáxtanüxü̃, rü yema ngãxü̃tücumü ga Manachétanüxü̃ rü nüxna nixĩgachitanü ga yema togü ga Iraétanüxü̃ ga Chilówa ga Canaáü̃anewa yexmagüxü̃. Rü yemaacü naxca̱x nawoegu ga napatagü rü naanegü ga Garaáxarü naanewa yexmagüxü̃, yema Cori ya Tupana Moichémaxã nüxü̃ ixuxü̃rüxü̃.

Yochué 22:4

Rü ngẽmaca̱x i ñu̱xma nax Tupana marü yanguxẽẽxü̃ i norü uneta rü ngẽma peenexẽgü rü marü taxuxü̃ma i guxchaxü̃wa nangẽxmagü, rü marü name nax naxca̱x pewoeguxü̃ i pepatagü rü perü naanegü ga Moiché ga Tupanaarü duü̃ pexna ãxü̃ ga natü ga Yudáü̃arü éstewaama.

Yochué 1:15

Rü ñu̱xmatáta nüma ya Cori ya Tupana peenexẽgüna naxã i norü naane i nagu tá taãẽãcüma naxãchiü̃güxü̃, yema pexna naxããgurüxü̃, rü ñu̱xmatáta nümagü rü norü yora yaxĩgüxü̃ i ngẽma naane i Cori ya Tupana tá nüxna ãxü̃, rü tá nüxü̃ perüngü̃xẽxẽ. Rü ngẽmawena i pemax rü tá naxca̱x pewoegu i ñaa perü naane i Yudáü̃cutüarü éstewaama üxü̃, nax ngẽmaãcü penayaxuchixü̃ca̱x i ñaa naane ga gumá Tupanaarü duü̃ ga Moiché pexna ãxü̃ —ñanagürü.

Yochué 1:13

—¡Nüxna pecua̱xãchie ga yema pemaxã nüxü̃ yaxuxü̃ ga Moiché ga Cori ya Tupanaarü duü̃ ga yexguma ñaxgu: “Yimá perü Cori ya Tupana tá pexna nanaxã i ngẽma naane nax ngẽxma taãẽãcüma pexãchiü̃güxü̃ca̱x”, ñaxgu!

Ínachoxü̃xü̃chiga 33:14

Rü yexguma ga Tupana rü Moichéxü̃ nangãxü̃ rü ñanagürü: —Chomatátama cuxü̃ chaxümücü, rü tá cuxü̃ charüngü̃xẽxẽxü̃ —ñanagürü.

Wenaxarü naxümatü ga Tupanaarü mugü 21:10

Rü ngẽxguma perü uanügümaxã pegü peda̱i̱xgu, rü perü Cori ya Tupana pexme̱xẽgu nayixẽẽgu nax ípenayauxü̃xü̃ca̱x i perü uanügü,

Yochué 23:1

Rü mucüma ga taunecü marü ningegü nax Tupana rü Iraétanüxü̃xü̃ nangü̃xẽẽxü̃ nax norü uanügümaxã nangüxmüexü̃ca̱x. Rü nüma ga Yochué rü marü naya.

Ichaía 63:14

¿Rü ngexcü nixĩ ya yimá Tupanaãxẽ ga mea norü duü̃xü̃güxü̃ rüngü̃xẽẽcü ñoma wocagü i metachinüxü̃gu rüngü̃ẽxü̃rüxü̃? —ñanagürügü. Rü Tupanaãẽ rü mea namaxã inacua̱x rü yemaacü Tupana nüxna nadau ga norü duü̃xü̃gü nax natachigaxü̃ca̱x i naéga i üünexü̃.

Wenaxarü naxümatü ga Tupanaarü mugü 2:36

Rü guma ĩane ga Aroé ga natü ga Arnóü̃cutüwa yexmanewa rü ñu̱xũchi guma ĩane ga doxonexü̃wa yexmanewa itanaxügü nax napuxü̃xü̃ ñu̱xmata Garaáxgu yacuá. Rü nataxuma ga ĩane ga tüxü̃ rüporamaene. Yerü nüma ga Cori ya tórü Tupana rü taxme̱xgu nanayixẽxẽ ga guxü̃nema ga guma ĩanegü.

Yochué 1:5

Rü guxü̃ma i ngunexü̃gü i nagu cumaxü̃xü̃gu rü taxuxü̃táma cuxü̃ narüporamae. Rü choma rü tá cuxü̃tawa changexma, yema Moichéxü̃tawa chayexmaxü̃rüxü̃. Rü tagutáma ngextá cuxü̃ chata̱x, rü tagutáma cuxü̃ chaxo.

Yochué 2:24

Rü ñanagürügü: —Nüma ya Cori ya Tupana rü marü tüxna nanaxã i guxü̃ma i ngẽma naane. Rü ngẽmaca̱x i guxü̃ma i ngẽma nachixü̃anecüã̱x i duü̃xü̃gü rü poraãcü tüxü̃ namuü̃e —ñanagürügü.

Yochué 11:8

Rü nüma ga Cori ya Tupana rü nanaporamaexẽxẽ ga Iraétanüxü̃. Rü yemaca̱x norü uanügüxü̃ nibuxmüxẽxẽ rü nawe nangẽgü ñu̱xmata guma ĩane ga taxü̃ne ga Chidóü̃wa rü Mirepóx-maíü̃wa nangugü rü ñu̱xmata Mispáarü éstewaama yexmaxü̃ ga doxonexü̃wa nangugü. Rü bai ga wüxi ga maxü̃xü̃ ga íyaxüxü̃, rü guxü̃xü̃ma nadai.

Yochué 11:12

Rü yemaacü nanadaiãcu ga guxü̃nema ga guma ĩanegü ga Iraétanüxü̃ca̱x nügü nutaque̱xegüne. Rü nanadai ga norü ãẽ̱xgacügü rü nagu napogüe ga norü ĩanegü, yerü yemaacü nixĩ ga Yochuéxü̃ namuxü̃ ga gumá Tupanaarü duü̃ ga Moiché.

Norü taxre ga to ga popera ga ãẽ̱xgacügüchiga ümatüxü̃ 13:16

Rü yemaacü ga yema Iraéanecüã̱xgü rü Yudáanearü churaragücha̱xwa nibuxmü, yerü ga Tupana rü Yudáanecüã̱xme̱xẽgu nanayixẽxẽ.